Արմինֆո. ԵՄ-ը փորձում է վերցնել հայ-ադրբեջանական հակամարտության և դրա հետևանքների կարգավորմանը նպատակաուղղված միջնորդական ջանքերի նախաձեռնությունը և այդ գործընթացից դուրս մղել Ռուսաստանին։
Նման կարծիք է հայտնել Պետդումայի ԱՊՀ գործերի, եվրասիական ինտեգրման և հայրենակիցների հետ կապերի կոմիտեի փոխնախագահ Կոնստանտին Զատուլինը՝ անդրադառնալով Եվրամիության կողմից Հայաստան քաղաքացիական առաքելություն ուղարկելուն։
Արձանագրելով, որ առաքելությունը ռազմական չէ, Զատուլինը ուշադրություն է հրավիրել այն փաստի վրա, որ նախաձեռնությունը համաձայնեցված չէ ռուսական կողմի հետ, եւ, ինչպես ներկայացնում է ադրբեջանական կողմը, ամբողջությամբ համաձայնեցված չէ Ադրբեջանի հետ: Սակայն, ըստ ռուս պատգամավորի, պետք չէ չափազանցնել այդ առաքելությունը ճանաչելու Բաքվի պատրաստակամության բացակայությունը։ "Ադրբեջանն էլ իր խաղն է վարում Արևմուտքի հետ։ Ու թեեւ նա մեզ իր դժգոհությունն է հայտնում դիտորդների հայտնվելու առնչությամբ, ինչը նրա հետ համաձայնեցված չէ, չեմ կարծում, որ նա այստեղ կսրի", - կարծում է ռուս քաղաքական գործիչը։
Հարցին, թե ինչ կարող է նշանակել Եվրամիության այս որոշումը քաղաքական տեսանկյունից, Զատուլինը համոզմունք է հայտնել, որ այդ նախաձեռնության բուն փաստը վկայում է այն մասին, որ ԵՄ-ը փորձում է խլել նախաձեռնությունը հայ-ադրբեջանական հակամարտության և դրա հետևանքների կարգավորման միջնորդական ջանքերում և այդ գործընթացից դուրս մղել Ռուսաստանին: "Հայաստանի կառավարությունը, դժգոհ լինելով, որ Ռուսաստանը եւ ՀԱՊԿ-ը արդեն 2 ամիս ռազմական գործողությունների սեպտեմբերյան բռնկմանը եւ Հայաստանի տարածքում 8 կմ խորությամբ ադրբեջանական զորքերի առաջխաղացմանը չեն արձագանքել այնպես, ինչպես իրենք անհրաժեշտ էին համարում, Բաքվի հետ ինտենսիվ բանակցություններ է վարում Բրյուսելի հարթակում։ Ըստ էության, Ռուսաստանի բանակցային ակտիվությունը հայտնվում է այդ գործընթացի եզրին", - ասել է քաղաքական գործիչը։ Միևնույն ժամանակ, նրա խոսքով, Ռուսաստանը շարունակում է ամբողջությամբ իր վրա կրել խաղաղապահ առաքելությունը Լեռնային Ղարաբաղում։
"Հայաստանի ղեկավարությունը, ըստ էության, ղարաբաղյան խնդիրը գցել է Ռուսաստանի վրա: Արևմուտքը, իր հերթին, որը ծանրաբեռնված չէ հակամարտության գոտում որևէ պարտականությամբ, փաստորեն, մեղրամիս է ապրում Հայաստանի կառավարության հետ հարաբերություններում։ Ցուցադրաբար ելքեր է փնտրում փակուղուց, որում հայտնվել է՝ ինչպես ներքաղաքական, այնպես էլ արտաքին քաղաքական իրավիճակում, ԵՄ-ի, ՆԱՏՕ-ի և ԱՄՆ-ի հետ հարաբերությունների ամրապնդման ճանապարհին։ Խոսքը Մոսկվայի հետ դաշինքից Երևանի հրաժարվելու մասին չէ, բայց, որքան ինձ հայտնի է, Ռուսաստանի հետ ակտիվ շփումները վերջին շրջանում, գործնականում, սառեցվել են", - նշել է Զատուլինը։
Ի պատասխան հարցին, թե ինչպես են ընթանում բանակցությունները, ռուսաստանցի պատգամավորը փաստել է, որ Ադրբեջանը ցանկանում է խաղաղության պայմանագիր կնքել իր պայմաններով։ "Մենք նույնպես կողմ ենք խաղաղության պայմանագրին, բայց, միևնույն ժամանակ, մենք հնարավոր չենք համարում հրաժարվել Լեռնային Ղարաբաղում հայ բնակչության ինքնորոշման խնդրի, իրավունքների և ազատությունների քննարկումից։ Իսկ Ադրբեջանը դրան վերաբերվում է որպես հարցի քննարկման փակման։ Նրանք կարծում են, որ հենց պայմանագիրը ստորագրվի, հայ բնակչությանը երաշխիքների հարցը կդառնա Ադրբեջանի ներքին կառուցվածքի հարց։ Հայաստանում շատերը նման պայմաններով խաղաղության պայմանագրի ստորագրումը համարում են դավաճանություն Լեռնային Ղարաբաղի նկատմամբ։ Սա է ողջ իրավիճակի անհամապատասխանությունն ու նյարդը", - եզրափակել է Զատուլինը՝ aif.ru-ի հետ զրույցում: