Արմինֆո. Ադրբեջանի ԱԳՆ-ն այսօր հանդես է եկել հայտարարությամբ՝ Երեւանում ԱՄՆ դեսպանությանը կոչ անելով զերծ մնալ տարածաշրջանում իրավիճակի գնահատման միակողմանի հայտարարություններից:
Հիշեցնենք, որ սեպտեմբերի 23-ին ԱՄՆ դեսպանությունը, ի պատասխան Հայաստանի հանրային հեռուստաընկերության հարցմանը, եթերում Ադրբեջանին կոչ էր արել սահմանին զորքերը հետ քաշել ելման դիրքեր: "Կոչ ենք անում Ադրբեջանին զորքերը վերադարձնել ելման դիրքեր։ Միացյալ Նահանգները պատրաստ է անել ամեն ինչ՝ այդ ջանքերին աջակցելու համար: Մենք տեսել ենք հայ զինծառայողների գերեվարման եւ խոշտանգումների վերաբերյալ հաղորդումներ։ ԱՄՆ-ը դատապարտում է խոշտանգումների բոլոր ձևերը՝ որեւէ պահի և որեւէ վայրում", - ասվում է ԱՄՆ դեսպանության հայտարարությունում։
Հայաստանում ԱՄՆ դեսպանության հայտարարությունը Բաքվում որակել են "միակողմանի", որն, իբր, "խեղաթյուրում է իրական իրավիճակը"։ Ավելին, Ադրբեջանի արտաքին քաղաքական գերատեսչությունը հայտարարել է, թե ամերիկացիների դիրքորոշումը "չի նպաստում տարածաշրջանում խաղաղության օրակարգի առաջ մղմանը", և նրանք "խրախուսում են ռևանշիստական և անջատողական շրջանակներին Հայաստանում"։ Ադրբեջանի ԱԳՆ-ն ԱՄՆ դեսպանությանը մեղադրել է այն բանում, որ նման քաղաքականությունը "ստվեր է գցում ԱՄՆ չեզոքության եւ անկողմնակալության վրա, որը փորձում է իր դերը խաղալ Հայաստանի եւ Ադրբեջանի միջեւ հարաբերությունների կարգավորման գործընթացում":
Հայաստանում ԱՄՆ դեսպանությունն Ադրբեջանին կոչ է արել զորքերը վերադարձնել ելման դիրքեր:
«Հակամարտությունը չի կարող ռազմական լուծում ունենալ, իսկ ուժի կիրառումն անընդունելի է։ Մենք ցավում ենք մարդկային կորուստների համար, այդ թվում՝ Հայաստանի տարածքում տեղ գտած քաղաքացիական անձանց բազմաթիվ կորուստների համար։ Ուրախ ենք, որ Ադրբեջանի և Հայաստանի հետ բարձր մակարդակներում մեր ներգրավվածությունն օգնեց կողմերին հաստատել հրադադար, և մենք շարունակում ենք մնալ ներգրավված և խրախուսում ենք այն աշխատանքը, որ անհրաժեշտ է տևական խաղաղության հասնելու համար», - հայտարարել են ԱՄՆ դիվանագիտական ներկայացուցչությունում՝ ի պատասխան Հայաստանի ինքնիշխան տարածքի նկատմամբ Ադրբեջանի գործողությունները գնահատելու վերաբերյալ Հայաստանի հանրային հեռուստատեսության հարցին:
Անդրադառնալով Հայաստանի միջազգայնորեն ճանաչված տարածքից Ադրբեջանի զինված ուժերի դուրս բերումը հրատապ անհրաժեշտություն համարելու վերաբերյալ հարցին՝ ԱՄՆ դեսպանությունում հայտարարել են. «Մենք Ադրբեջանին կոչ ենք անում զորքերը վերադարձնել իրենց սկզբնական դիրքեր։ Մենք հորդորում մենք վերջ տալ ռազմական գործողություններին ու առանց զինված ուժերի ներգրավման աշխատել հասնել Հայաստանի և Ադրբեջանի միջև բոլոր չկարգավորված հարցերի լուծմանը՝ խաղաղ բանակցությունների շարունակմամբ։ Միացյալ Նահանգները պատրաստ է ամեն ինչ անել՝ աջակցելու այս ջանքերին»։
Դիրքորոշում հայտնելով Ադրբեջանի կողմից Հայաստանի տարածքում քաղաքացիական բնակավայրերի և ենթակառուցվածքների թիրախավորման վերաբերյալ, որոնց հետևանքով կան զոհեր, դեսպանությունում նշել են. «Մենք անձամբ տեսել ենք Հայաստանի տարածքում քաղաքացիական ենթակառուցվածքներին պատճառված վնասը, և տեսել ենք քաղաքացիական անձանց շրջանում զոհերի ու վիրավորումների մասին հաղորդումներ, որոնք երկուստեք խորապես անհանգստացնում են և ընդգծում հետագա մարտական գործողությունները կանխելու անհրաժեշտությունը և դիվանագիտական ներգրավվածության կարևորությունը»։
ԱՄՆ դիվանագիտական ներկայացուցչությունն իր դիրքորոշումն է հայտնել նաեւ Ադրբեջանի կողմից Հայաստանի ինքնիշխան տարածքում հայ զինծառայողների գերեվարման, նրանց նկատմամբ խոշտանգումների մասին հաղորդումների վերաբերյալ: «Մենք տեսել ենք հաղորդումներ հայ զինծառայողների գերեվարման և խոշտանգումների մասին։ Անցյալ շաբաթվա հարձակումներում գերեվարվածների անհապաղ և անվերապահ վերադարձը, ինչպես նաև այլ գերիների վերադարձը կարևոր քայլ է տևական խաղաղության հասնելու ճանապարհին։ Միացյալ Նահանգները դատապարտում է խոշտանգման ցանկացած դրսևորում ցանկացած ժամանակ կամ ցանկացած վայրում և կառավարություններին աներկբա կոչ է անում հետամուտ լինել իրենց միջազգային պարտավորություններին և վերջ դնել այս հանցանքների հետ կապված անպատժելիությանը», - հայտարարել են ԱՄՆ դեսպանությունում:
Հայաստանի մարզերի երեխաները տեղի ՏՏ համայնքն ապահովել են կոգնիտիվ հակումների ամենամեծ գրադարանով
Իսկանդարյան. Ցանկացած տարածաշրջան ներսից ավելի մեծ և կարևոր է թվում, քան՝ դրսից
Արևելագետ. Ստամբուլի ընդդիմադիր քաղաքապետի ձերբակալությունը Թուրքիայի նախագահի նախընտրական հնարքն է 
Այսպես կոչված՝ "Զանգեզուրի միջանցքի" հարցը Հայաստանում չի լուծվելու. փորձագետ
Իսկանդարյան. Ռուսաստանի ազդեցությունը հետխորհրդային տարածքում և Հարավային Կովկասում կշարունակի նվազել
IDBank-ի ներկայացուցիչը միացել է Trade Finance Global-ի խմբագրական խորհրդին
ԱԺ պատգամավոր. ամենակարևորը ռուս-ադրբեջանական դիմակայությունը Հայաստանի սահմաններին չհասցնելն է
Կառավարության շենքի մոտ ցուցարարները պահանջում են քրեական պատասխանատվության ենթարկել Փաշինյանին՝ ՀԱԵ հասցեին հայտարարությունների համար
Կաթողիկոս. Թուրքիայի ռազմական աջակցությամբ Ադրբեջանն իրականացրել է ոճրագոծություն՝ բռնազավթել և ամբողջապես հայաթափել է Արցախը
Թվում էր՝ ավելի վատ չի կարող լինել. Փաշինյանն անպարկեշտ վիրավորանք է հրապարակել եպիսկոպոսի հասցեին, իսկ նրա կինը հոգևորականներին անվանել է մանկապիղծներ
Հայաստանը պաշտպանել է ՄԱԿ Գլխավոր ասամբլեայում ընդունված հակառուսական բանաձևը
Վարդան Ղուկասյանն ընտրվել է Գյումրու քաղաքապետ
Սարգսյանը նշել է երեք հիմնական խնդիրները, որոնք անհրաժեշտ է իրագործել Հայաստանում իշխանափոխությունից հետո
Քաղաքական գործիչ. Փաշինյանը միտումնավոր զոհաբերեց Արցախը՝ Հայաստանի ռազմավարական կողմնորոշումը փոխելու համար
Վաթսուն ամերիկացի օրենսդիրներ ԱՄՆ պետքարտուղարին կոչ են արել դադարեցնել ռազմական օգնությունն Ադրբեջանին
Քաղաքագետ. 31 տարի անց Արցախն Ադրբեջանի կազմում է ճանաչել Լևոն Տեր-Պետրոսյանի քաղաքական հոգեզավակը
Փաշինյանը հայտարարել է Ղարաբաղյան շարժման դերի մասին՝ "Հայաստանի պետականության չկայացման գործում"
Փաշինյանը պարզաբանել է, թե խաղաղության համաձայնագրի շրջանակում Բաքվի հետ ինչ հարցեր են քննարկման ենթակա
Դիվանագետների համահայկական խորհուրդը քննադատել է Հայաստանի իշխանություններին՝ "խաղաղության պայմանագրով" Ադրբեջանին միակողմանի զիջումներ անելու համար
Հայաստանի նախկին ԱԳ նախարար. Փաշինյանի խաղաղությունը կապիտուլյացիայի վարպետության դաս է
