Արմինֆո. Սեպտեմբերի 16-18-ը Հայաստանի Հանրապետությունում էր գտնվում Պետդումայի ԱՊՀ գործերով, եվրասիական ինտեգրման և հայրենակիցների հետ կապերի կոմիտեի նախագահի առաջին տեղակալ Կոնստանտին Զատուլինը:
Զատուլինի մամուլի ծառայությունից հաղորդում են, որ պատգամավորը ծանոթացել է անցած շաբաթվա սկզբին Ադրբեջանի եւ Հայաստանի միջեւ ռազմական գործողությունների բռնկման հետեւանքով առաջացած իրավիճակին եւ, մասնավորապես, այցելել է Ջերմուկ քաղաքի մերձակայք:
Կոնստանտին Զատուլինը հանդիպել է Լեռնային Ղարաբաղի Հանրապետության նախկին նախագահներ Արկադի Ղուկասյանի եւ Բակո Սահակյանի հետ: Տեղի է ունեցել Կոնստանտին Զատուլինի հանդիպումը "Հայաստան" դաշինքի առաջնորդ, Հայաստանի եւ Լեռնային Ղարաբաղի Հանրապետության նախկին նախագահ Ռոբերտ Քոչարյանի հետ, որի ընթացքում քննարկվել են ներքին եւ արտաքին օրակարգը, ռուս-հայկական հարաբերությունների զարգացումը: Կոնստանտին Զատուլինը քննարկել Է ԱՊՀ երկրների ինստիտուտի հայկական մասնաճյուղի և Լազարյան ակումբի հետագա անելիքները մասնաճյուղի տնօրեն, դոկտոր Ալեքսանդր Մարգարովի հետ: Երեւանում Ռուսաստանի Դաշնության դեսպանատանը Կոնստանտին Զատուլինն ընդունել է Հայաստանում Ռուսաստանի Դաշնության արտակարգ եւ լիազոր դեսպան Սերգեյ Կոպիրկինին:
Իր ընկեր, բարերար և գործարար Արտակ Թովմասյանի հրավերով Կոնստանտին Զատուլինը և Իոսիֆ Կոբզոնի ընտանիքը մասնակցել են Ապարանի շրջանում Իոսիֆ Կոբզոնի անվան հուշաղբյուրի բացմանը:
Սեպտեմբերի 18-ի ուշ երեկոյան Կոնստանտին Զատուլինը վերադարձել է Մոսկվա ։
"Չէի կարող չարձագանքել դժվար ժամանակներում Հայաստան այցելելու անհրաժեշտությանը։ Հայաստանում շատերը համակերպվել են 2020թ.պատերազմում կրած պարտության հետ, ինչն էլ հավաստել են 2021թ. ամռանը կայացած արտահերթ խորհրդարանական ընտրությունների արդյունքները ։ Կարծում էին, որ ընտրում են խողողությունը։ Բայց պարզվեց, որ Ադրբեջանն ու Թուրքիան հայերից ու Հայաստանից ակնկալում են լիովին հրաժարում Լեռնային Ղարաբաղի հայրենակիցներից, և այդ մասին հիշեցնում են ուժով։
Հայաստանին, ինչպես ողջ տարածաշրջանին, խաղաղություն է պետք, բայց ոչ պերմանենտ նվաստացման գնով։ Խաղաղության պայմանագիրը և հայ-ադրբեջանական սահմանի սահմանազատումը չեն վերացնում Լեռնային Ղարաբաղի կարգավիճակի խնդիրը, որը 30 տարվա ընթացքում պահպանվել է միջազգային հարաբերությունների օրակարգում ։ Հենց այդպես էլ պետք է վերաբերվել դրան ։ Հենց այնպես, որքան ես եմ հասկանում, դրան է վերաբերում Ռուսաստանը, որն իր խաղաղապահներին ուղարկեց հակամարտության գոտի։
Ես մեկնեցի, իսկ Նենսի Փելոսին մնաց։ Սա դառը կատակ է։ Բայց այն արտացոլում է այն իրավիճակը, երբ Հայաստանի կառավարությունը և նրան սատարող շրջանակները փորձում են մերձենալ ԱՄՆ-ի և Արևմուտքի հետ, որպեսզի հենարան գտնեն երկրի ներսում և դրսում։ Արևմուտքը խաղում է Հայաստանի և Ադրբեջանի հետ, իր գլխավոր նպատակը տարածաշրջանում Ռուսաստանի ցանկացած ազդեցության դուրս մղումն է։ Եվ դրանում մեծ հաջողությունների է հասնում ՝ ընտրելով Եվրամիության հարթակը Բրյուսելում ՝ հայ-ադրբեջանական հակամարտության մեջ Քեմփ - Դևիդի փորձը մերձավորարևելյան կարգավորման գործում կրկնելու համար։
Ուկրաինայում զբաղված Ռուսաստանի համար շատ բարդ է Կովկասում։ Բայց իրերը պետք է կոչել իրենց անուններով։ Մեր կողմից իրադարձությունների հասկանալի և հրապարակային գնահատականի բացակայությունը հիասթափություն է առաջացնում հայ հասարակության շրջանում։ Գործելով ցինիկաբար՝ Ադրբեջանն ու նրա թիկունքում կանգնած Թուրքիան, ըստ էության, ստացել են դաշնակից Հայաստանում հակառուսական տրամադրությունների աճ հրահրող լծակ, որի իշխանություններն իրենք էլ դեմ չեն Ռուսաստանի վրա բարդել բոլոր դժվարությունները, ներառյալ՝ Լեռնային Ղարաբաղի հայերի համար պատասխանատվությունը։
Մենք մոտենում ենք ճամփաբաժանին։ Թե ինչպես հետագայում կզարգանան Հայաստանն ու ռուս-հայկական հարաբերությունները, կախված է այն որոշումներից, որոնք պետք է ընդունվեն մոտ ժամանակներս", - հայտարարել է Կոնստանտին Զատուլինը՝ ամփոփելով այցի արդյունքները։
Հայաստանի մարզերի երեխաները տեղի ՏՏ համայնքն ապահովել են կոգնիտիվ հակումների ամենամեծ գրադարանով
Իսկանդարյան. Ցանկացած տարածաշրջան ներսից ավելի մեծ և կարևոր է թվում, քան՝ դրսից
Արևելագետ. Ստամբուլի ընդդիմադիր քաղաքապետի ձերբակալությունը Թուրքիայի նախագահի նախընտրական հնարքն է 
Այսպես կոչված՝ "Զանգեզուրի միջանցքի" հարցը Հայաստանում չի լուծվելու. փորձագետ
Իսկանդարյան. Ռուսաստանի ազդեցությունը հետխորհրդային տարածքում և Հարավային Կովկասում կշարունակի նվազել
IDBank-ի ներկայացուցիչը միացել է Trade Finance Global-ի խմբագրական խորհրդին
ԱԺ պատգամավոր. ամենակարևորը ռուս-ադրբեջանական դիմակայությունը Հայաստանի սահմաններին չհասցնելն է
Կառավարության շենքի մոտ ցուցարարները պահանջում են քրեական պատասխանատվության ենթարկել Փաշինյանին՝ ՀԱԵ հասցեին հայտարարությունների համար
Կաթողիկոս. Թուրքիայի ռազմական աջակցությամբ Ադրբեջանն իրականացրել է ոճրագոծություն՝ բռնազավթել և ամբողջապես հայաթափել է Արցախը
Թվում էր՝ ավելի վատ չի կարող լինել. Փաշինյանն անպարկեշտ վիրավորանք է հրապարակել եպիսկոպոսի հասցեին, իսկ նրա կինը հոգևորականներին անվանել է մանկապիղծներ
Հայաստանը պաշտպանել է ՄԱԿ Գլխավոր ասամբլեայում ընդունված հակառուսական բանաձևը
Վարդան Ղուկասյանն ընտրվել է Գյումրու քաղաքապետ
Սարգսյանը նշել է երեք հիմնական խնդիրները, որոնք անհրաժեշտ է իրագործել Հայաստանում իշխանափոխությունից հետո
Քաղաքական գործիչ. Փաշինյանը միտումնավոր զոհաբերեց Արցախը՝ Հայաստանի ռազմավարական կողմնորոշումը փոխելու համար
Վաթսուն ամերիկացի օրենսդիրներ ԱՄՆ պետքարտուղարին կոչ են արել դադարեցնել ռազմական օգնությունն Ադրբեջանին
Քաղաքագետ. 31 տարի անց Արցախն Ադրբեջանի կազմում է ճանաչել Լևոն Տեր-Պետրոսյանի քաղաքական հոգեզավակը
Փաշինյանը հայտարարել է Ղարաբաղյան շարժման դերի մասին՝ "Հայաստանի պետականության չկայացման գործում"
Փաշինյանը պարզաբանել է, թե խաղաղության համաձայնագրի շրջանակում Բաքվի հետ ինչ հարցեր են քննարկման ենթակա
Դիվանագետների համահայկական խորհուրդը քննադատել է Հայաստանի իշխանություններին՝ "խաղաղության պայմանագրով" Ադրբեջանին միակողմանի զիջումներ անելու համար
Հայաստանի նախկին ԱԳ նախարար. Փաշինյանի խաղաղությունը կապիտուլյացիայի վարպետության դաս է
