Արմինֆո. Հայտնի սուսաստանահայ գործարար Ռուբեն Վարդանյանը վերջերս Ռուսաստանի քաղաքացիությունից իր հրաժարվելը և Արցախի Հանրապետություն տեղափոխվելը բացատրել է նրանով, որ կարող է ստեղծվել մի իրավիճակ, երբ ինքը ստիպված լինի և ճիշտ համարի ստաանձնել պետական պաշտոն: Forbes-ի ռուսական հրատարակության հարցազրույցում Վարդանյանը պարզաբանել է,
որ Հայաստանի օրենսդրությունը պետական ծառայողներին արգելում է երկքաղաքացիություն ունենալ եւ ակտիվների տիրապետել արտասահմանում: "Բացի այդ, դու պետք է որոշ ժամանակ ապրես երկրում եւ այդ ընթացքում այլ քաղաքացիություն չունենաս, որպեսզի պետական պաշտոն զբաղեցնես", - ասել է նա:
Միաժամանակ, նա նշել է, որ մտադիր չէ զբաղեցնել պետական պաշտոն, այլ ցանկանում է ունենալ գործողությունների լիակատար ազատություն, այդ թվում՝ բարոյական տեսանկյունից։ "Այնուամենայնիվ, Արցախը մի տարածք է, որը մինչ օրս չունի լիարժեք որոշակի կարգավիճակ, եւ այս կոնֆլիկտային պատմության մեջ ես չեմ ցանկանում Ռուսաստանին վնասել", - ընդգծել է գործարարը:
Արցախում իր գլխավոր խնդիրը Վարդանյանը տեսնում է հաջողակ հասարակություն կառուցելու համար պայմանների ստեղծումը, որտեղ ուժեղ տնտեսություն և սոցիալական ինստիտուտներ կլինեն, որոնք կուժեղացնեն երկրի և տարածաշրջանի անվտանգությունը: "Եվ այս իմաստով իմ հիմնական գործառույթը իմ փորձն (և կառավարչական, և ֆինանսական) ու իմ կապերն օգտագործելն ՝ իմ հնարավորությունների հետ միասին, որպես մի մարդ, ով կարողանում է պայմանավորվել։ Ամեն ինչ անել, որպեսզի խորքային, բազմամյա հակամարտության չափազանց բարդ իրավիճակի պայմաններում Արցախը պահպանի իր հողերը, որտեղ հայերը հազարամյակներ են ապրում։ Ընդ որում, փորձել սկսել հարեւանների հետ հարաբերությունների կառուցման դժվարին ճանապարհը, հենվելով ոչ թե այլատյացության եւ փոխադարձ ատելության վրա, այլ միմյանց հետ ապրելու սովորության ձգտման վրա։ Ես միշտ եղել եմ մարդ, ով կապում չկապվող բաներ: Ես չեմ մասնակցել պատերազմին, ես չեմ կռվել, այդ իմաստով ինձ հետ շփվելը կարող է ավելի հեշտ լինել, քան Արցախում պատերազմ անցած մարդկանց հետ շփվելը", - ընդգծել է գործարարը:
Հարցին՝ թե արդյոք կոնկրետ գործողությունների ծրագիր ունի, Վարդանյանը նշել է, որ արդեն 20 տարի ծրագրեր է իրականացնում Հայաստանում, Արցախում: "Առաջին հերթին, շեշտը պետք է դնել կրթության, առողջապահության, տեղեկատվական և մշակութային-հասարակական տարածքի ձևավորման, կառավարչական կադրերի համակարգի ստեղծման վրա, ինչպես ես դա արել եմ Սկոլկովո բիզնես դպրոցում։ Ես կարող եմ այդ խնդիրների լուծմանը ներգրավել իմ գործընկերներին և իմ ռեսուրսները, որպեսզի դա անեմ արագ, որակով և համաշխարհային լավագույն չափանիշներին համապատասխան", - ասել է նա:
Հիշեցնենք, որ սեպտեմբերի 1-ին Ռուբեն Վարդանյանը հայտարարել էր, որ հրաժարվում է Ռուսաստանի քաղաքացիությունից եւ տեղափոխվում է Արցախ: 2021 թվականին Forbes ամսագիրը գործարարի կարողությունը գնահատել է 1 մլրդ ԱՄՆ դոլար։
Մինչդեռ, ըստ ԱրմԻնֆո-ի որոշ աղբյուրների, Վարդանյանն Արցախում աշխատանք սկսելու առաջարկն ստացել է մի քանի ամիս առաջ եւ մտորումների մեջ է եղել: Այժմ նա ընդունել է այդ առաջարկը և, ըստ երեւույթին, նախնական շրջանում կստանա Արցախի Հանրապետության պետնախարարի պաշտոն։ Հաջորդ տարի Վարդանյանը կարող է հավակնել չճանաչված հանրապետության նախագահի պաշտոնին։ Ռուբեն Վարդանյանի հետագա կարիերան կախված կլինի բազմաթիվ հանգամանքներից։
ԿԱՐԴԱԼ ԲՈԼՈՐ ՄԵԿՆԱԲԱՆՈՒԹՅՈՒՆՆԵՐԸ