Լարվածության
սրումը Լեռնային Ղարաբաղի հակամարտության գոտում ձեռնտու է մի շարք խաղացողների,
որոնք շահագրգռված են անկայունությամբ Հարավային Կովկասի տարածաշրջանում և
Եվրասիայում` ամբողջությամբ վերցրած: Խոսքը վերաբերում է, առաջին հերթին, ԱՄՆ-ին:
Ուկրաինայում Ռուսաստանի հետ դիմակայության պայմաններում Վաշինգտոնին ձեռնտու է
Մոսկվայի դաշնակիցների, այդ թվում Հայաստանի թուլացումը և հետխորհրդային տարածքում
ցանկացած ինտեգրացիոն նախագծի վարկաբեկումը: ԱրմԻնֆո-ի թղթակցի հետ զրույցում
այդպիսի կարծիք է հայտնել Սանկտ Պետերբուրգի պետական համալսարանի ժամանակակից
Մերձավոր արևելքի ուսումնասիրման կենտրոնի վերլուծաբան Ալեքսանդր Սոտնիչենկոն:
«Ես չեմ բացառում Վաշինգտոնի մասնակցությունը Հայաստանի
ընդդիմության գործունեության ֆինանսավորմանը, որը հանդես է գալիս նաև Ղարաբաղի
շուրջ «ստատուս-քվոյից» հրաժարվելու օգտին: Իրավիճակի սրման գործոններ են նաև
այնպիսի ընդդիմադիր խմբերի գործունեության աշխուժացումը, ինչպիսին է
«Նախախորհրդարանը» (այժմ` «Հիմնադիր խորհրդարան» - խմբ.), ինչպես նաև
ռուս-հայկական համագործակցության քննադատությունը Գյումրիի ողբերգության
առնչությամբ: Փորձագետներից շատերը դրանում տեսնում են գործող իշխանության բռնի
տապալում նախապատրաստելու նախանշաններ», - հայտարարել է նա:
Անդրադառնալով Ադրբեջանի իրավիճակին` Սոտնիչենկոն
ընդգծել է, որ այնտեղ գոյություն ունի բավականին հզոր և ազդեցիկ «պատերազմի
կուսակցություն», որին առնչվում են բարձրաստիճան զինվորականներ և խորհրդարանի մի
շարք պատգամավորներ: Նրանց կարծիքով, Բաքվի ռազմական և տնտեսական գերակշռությունը
տարածաշրջանում` ԵԱՏՄ և ՄՄ ստեղծման առնչությամբ, ինչպես նաև Արևմուտքի հետ
հարաբերություններում Մոսկվայի կրած դժվարությունների հետ միասին, Ադրբեջանին
թույլ են տալիս խնդիրը լուծել ռազմական ճանապարհով: «Սակայն այդ տեսակետը բնորոշ
է, առավելապես, ընդդիմությանը: Ի.Ալիևի ռեժիմը շահագրգռված չէ հակամարտության
սրմամբ: Միևնույն ժամանակ, Ադրբեջանը նույնպես տուժում է էներգակիրների գների
համաշխարհային կոնյունկտուրայի փոփոխությունից: Այդ դժվարությունները կարող են
միավորներ ավելացնել բոլոր նրանց համար,
ովքեր ցանկանում են բոլոր խնդիրները լուծել փոքր հաղթական պատերազմի
օգնությամբ», - կարծում է փորձագետը;
Այդ համատեքստում նա հավելել է, որ կրակին յուղ է լցնում
ԵԱՀԿ Մինսկի խմբի «սառեցված» ձևաչափը: Այն վաղուց կատարել է իր խնդիրը` 1994
թվականին դադարեցրել է արյունահեղությունը; «Սակայն այժմ հակամարտության
կարգավորման համար ոչինչ չի արվում: Համարձակվում եմ ենթադրել, որ Մինսկի խմբի
ռազմավարության հիմքում ընկած է քաղաքական պասիվությունը, կողմերի
համաձայնությունը հակամարտության «սառեցված» կարգավիճակին: Միջնորդների հիմնական
խնդիրը ոչ թե հակամարտության կարգավորումն է, այլ` կոնսերվացումը և սրման
կանխարգելումը: Սակայն նման պասիվ ռազմավարությունը վաղ թե ուշ կդադարի իրեն արդարացնել և զոհ կգնա
սադրիչներին», - նշել է նա:
Ինչ
վերաբերում է Թուրքիային, որը շրջափակման մեջ պահում Հայաստանը և հանդես է գալիս
ադրբեջանամետ դիրքերից, ապա, Սոտնիչենկոյի կարծիքով, Լեռնային Ղարաբաղի շուրջ իրավիճակի սրումը,
իրականում, ձեռնտու չէ Անկարային: Թուրքիան
այժմ բավականաչափ չլուծված քաղաքական խնդիրներ ունի երկրի հարավում: «Հարավային
Կովկասի տարածաշրջանում Անկարան առավելապես շահագրգռված է իր տնտեսական
գերակշռության հաստատմամբ` քաղաքական կայունության պայմաններում: Իսկ Ռուսաստանի
հետ ամուր փոխհարաբերությունները նրան ստիպում են ուշադիր ուժերը հաշվարկել
սևծովյան-կասպյան տարածաշրջանում ցանկացած քաղաքական քայլ ձեռնարկելիս` հաստատված
փոխշահավետ գործընկերությունը չձախողելու նպատակով», - ասել է քաղաքագետը:
Հայ փորձագետ. Կարո՞ղ է արդյոք ժամանակակից Ադրբեջանը գոյություն ունենալ առանց ռուսական և խորհրդային արդիականացման
ՀՀ պաշտպանության նախկին փոխնախարար. Հարավային Կովկասը մտնում է անկայունության նոր փուլ
Փորձագետ. Ադրբեջանի քաղաքական ղեկավարությունը բացահայտ հայտարարել է, որ «Հայաստանի օկուպացիան նրանց նոր ազգային նպատակն է»
Փորձագետ. Հայկական հասարակությունը ընկնում է տոտալիտար անվտանգության թակարդը
Իրավապաշտպան Ռուբեն Մելիքյանը հեռացվել է ԵՊՀ-ից
Զախարովա․ ԵՄ հետ մերձեցման Հայաստանի գիծը ռիսկեր է պարունակում ԵԱՏՄ անդամ երկրների տնտեսական անվտանգության համար
Ժամանակն է, որպեսզի հարավկովկասյան երկրները Հարավային Կովկասի մասին մտածեն որպես մեկ ընդհանուր տարածաշրջանի. Փաշինյան
Փաշինյան․ Հայաստանն ու Ադրբեջանը պետք է հանգիստ թողնեն միմյանց
Մոսկվան Հայաստանի հետ կապված իրավիճակում տեսնում է այն ինտեգրացիոն միավորումներին հարվածելու փորձեր, որոնց մասնակցում է ՌԴ-ն․ Ռուսաստանի նախագահի օգնական
Զախարովա․ Հայաստանը Ռուսաստանի հետ հարաբերություններն ընկալում է որպես գործիք՝ դեպի ԵՄ վերակողմնորոշումը ֆինանսապես ապահովելու համար
Հայաստանի արդարադատության նախարարն ու ԵՄ դեսպանը քննարկել են Երևանի համար վիզաների ռեժիմի ազատականացման օրակարգային հարցեր
Ադրբեջանագետ. Հայաստանի դեմ Ադրբեջանի զավթողական ծրագրերը հնարավոր են դարձել բացառապես Արցախի հարցով Փաշինյանի որոշումների արդյունքում
Զախարովա. Ռուսաստանը բողոքի նոտա է հղել Հայաստանին՝ Գյումրիի «Մայր Հայաստան» հուշահամալիրում տեղի ունեցած վանդալիզմի դեպքի կապակցությամբ
Սամվել Կարապետյանն առաջարկում է ընտրություններից հետո ստեղծել ընդդիմադիր կոալիցիա
Արցախի մշակութային ժառանգության պաշտպանը Մոսկվային կոչ է արել արձագանքել օկուպացված ԼՂՀ-ում Ադրբեջանի կողմից Հայրենական մեծ պատերազմի հուշարձանների ոչնչացմանը
Գլխավոր դատախազությունը դիմել է ԿԸՀ ՝ Ռոբերտ Քոչարյանի նկատմամբ քրեական հետապնդմանը համաձայնության համար
Նիդերլանդների վարչապետն իր աջակցությունն է հայտնել Հայաստանում ժողովրդավարական բարեփոխումների և տնտեսական դիվերսիֆիկացման օրակարգին
