Կանխատեսում. Հայաստանի նկատմամբ կարող են սահմանվել պատժամիջոցներ

Արմինֆո. Հայաստանը կարող է հայտնվել բավական մասշտաբային արևմտյան պատժամիջոցների տակ։ ԱրմԻնֆո-ին նման կարծիք է հայտնել Հայաստանի գործատուների հանրապետական միության նախագահ Գագիկ Մակարյանը։

"Մեր կանխատեսումներով՝ տնտեսական իրավիճակը միայն վատանալու է՝ ՌԴ-ի և Արևմուտքի միջև աշխարհաքաղաքական հակամարտության խորացմանը զուգընթաց։ Հայաստանի պարագայում այդ հակամարտությունը միանգամայն կարող է հանգեցնել մեր նկատմամբ պատժամիջոցների եւ սահմանափակումների սահմանման։ Մենք արդեն տեսնում ենք, թե ինչպես ԱՄՆ-ը, Մեծ Բրիտանիան և ԵՄ-ը, Ռուսաստանի նկատմամբ ճնշման ուժեղացմանը զուգընթաց՝ նրան լիովին մեկուսացնելու նպատակով, նորանոր պահանջներ են առաջ քաշում այլ երկրների նկատմամբ։ Եվ Հայաստանն այստեղ բացառություն չէ", - նշել է նա։

Այս լույսի ներքո՝ փորձագետը կանխատեսում է Հայաստանին պահանջների առաջադրում, որոնց իրականացումը կարող է անհամատեղելի լինել ԵԱՏՄ-ին երկրի անդամակցության հետ։ Ինչը, Հայաստանին ԱՄՆ-ի զգալի ֆինանսական աջակցության, հանրապետությունում սոցիալ-տնտեսական մի շարք ծրագրերի գծով ԵՄ-ի ազդեցության ֆոնին, Երևանին սպառնում է ծանր ընտրություն կատարելու անհրաժեշտություն։ Նույն կերպ Հայաստանը գտնվում է ՄԱԿ-ի և այլ միջազգային կազմակերպությունների ազդեցության տակ, որոնք երկրում իրականացնում են մի շարք ծրագրեր և դրանով իսկ աջակցում են Հայաստանի զարգացմանը։ Մինչդեռ, ըստ Մակարյանի, ՄԱԿ-ը նույնպես այսօր ակնհայտորեն դեմ է հանդես գալիս ՌԴ-ին։

Այս լույսի ներքո, փորձագետի կանխատեսմամբ, ժամանակի ընթացքում իրավիճակն այս ուղղությամբ միայն կվատթարանա։ ԱԻնչի կապակցությամբ երկրի ղեկավարությանն անհրաժեշտ է հնարավորինս արագ այլընտրանքային լուծումներ գտնել։ Ընդ որում, ոչ միայն և ոչ այնքան տնտեսական, որքան՝ դիվանագիտական։ Մակարյանի գնահատմամբ՝ Հայաստանը մասամբ արդեն հայտնվել է հակառուսական պատժամիջոցների ազդեցության տակ։ Մասնավորապես՝ դեպի երկիր և հակառակ ուղղությամբ խոշոր դոլարային փոխանցումների լուրջ սահմանափակումների լույսի ներքո։ Հայաստանից եւ դեպի Հայաստան բանկային փոխանցումները, ըստ ՀԳՀՄ նախագահի, արդեն բավականին լուրջ արտաքին հսկողության տակ են: Եվ հայ գործարարներն ու, պարզապես, Ռուսաստանի հետ գործ ունեցող քաղաքացիներն արդեն իսկ զգալի դժվարությունների են բախվում այդ գործընթացում։ Առևտրային բանկերը և Կենտրոնական բանկը, իրենց հերթին, ծայրահեղ զգուշությամբ են գործում այս ողջ իրավիճակում՝ նախընտրելով խուսափել օտարերկրյա գործընկերների և դիվանագիտական ներկայացուցչությունների հետ կապված տհաճություններից:

"Դրան ավելացնելով հայկական բանկերի կապիտալներում զգալի օտարերկրյա մասնակցության փաստը՝ մենք կհասկանանք, որ, նույնիսկ, մեր ամենախոշոր բանկերը դրամավարկային քաղաքականության հարցերում բնավ ինքնուրույն չեն։ Նրանք մշտապես ստիպված են նայել Ուկրաինայի ածանցյալ իրավիճակին, համապատասխանաբար, ընդառաջ գնալ Արևմուտքի ցանկություններին։ Ինչն, իր հերթին, տխրահռչակ խնդիրներ է ծնում մեր բանկային համակարգում", - ամփոփել է Մակարյանը։