ԱԱԾ բերման է ենթարկել «Երկիր մեդիա» հեռուստաընկերության տնօրենին

Արմինֆո. ԱԱԾ 4 աշխատակիցներ ներխուժել են «Երկիր մեդիա» հեռուստաընկերության տնօրեն Բագրատ Եսայանի աշխատասենյակ ու տարել: Այդ մասին հաղորդել է Yerkir.am-ը։

Աղբյուրի համաձայն, ըստ նախնական տեղեկությունների, նրան տարել են Նալբանդյան փողոցում գտնվող ԱԱԾ մեկուսարան։ Նրա փաստաբանը Վահե Եփրիկյանն է։

Հեռուստաալիքը ռեսուրս է, որն աջակցում է ՀՅԴ գաղափարախոսությանն ու դիրքորոշմանը։ Հեռուստաալիքն ստեղծվել է 2003 թվականին: 2004 թվականի դեկտեմբերի 29-ին Հայաստանի Հեռուստատեսության եւ ռադիոյի ազգային հանձնաժողովից ստացել է 56-րդ դեցիմետրային ալիքով հեռարձակման արտոնագիր: Հեռուստաընկերությունը թղթակցային կետեր ունի ԱՄՆ-ում (Լոս Անջելես, Բոստոն), Վրաստանում, Լիբանանում, Ռուսաստանում, Թուրքիայում, Իրանում, Սիրիայում եւ Ֆրանսիայում: