Արմինֆո.Վարչապետ Նիկոլ Փաշինյանը շարունակում է շնորհավորական ուղերձներ ստանալ իր ծննդյան օրվա առթիվ:
Ինչպես հաղորդում է ՀՀ վարչապետի մամուլի ծառայությունը, Ղազախստանի Հանրապետության նախագահ Կասիմ-Ժոմարտ Տոկաևի ուղերձում նշված է. «Հարգելի Նիկոլ Վովայի, Ընդունեք ջերմագին շնորհավորանքներս Ձեր ծննդյան օրվա առթիվ։ Ձեր ղեկավարությամբ Հայաստանը աստիճանաբար իրականացնում է քաղաքական և սոցիալ-տնտեսական կարևոր բարեփոխումներ՝ ուղղված երկրի բարեկեցության զարգացմանը և կայուն աճի ապահովմանը։ Ղազախստանում բարձր են գնահատում Ձեր անձնական ներդրումը երկու երկրների միջև բարեկամության և փոխշահավետ համագործակցության ամրապնդման գործում։ Վստահ եմ, որ համատեղ ջանքերի՝ այդ թվում բարձր և բարձրագույն մակարդակներում ձեռք բերված պայմանավորվածությունների արդյունավետ իրականացման շնորհիվ, հայ-ղազախական հարաբերություններն ապագայում ևս կշարունակեն դինամիկ զարգանալ ռազմավարական գործընկերության ոգով։ Մաղթում եմ Ձեզ, հարգելի Նիկոլ Վովայի, բազում հաջողություններ պետական պատասխանատու գործունեության մեջ, իսկ Հայաստանի բարեկամ ժողովրդին՝ բարեկեցություն և բարգավաճում»։
Ղազախստանի Հանրապետության առաջին նախագահ Նուրսուլթան Նազարբաևի ուղերձում ասված է.
«Հարգելի Նիկոլ Վովայի, Ընդունեք իմ ջերմագին շնորհավորանքները Ձեր ծննդյան օրվա առթիվ։
Ձեր պետական ակտիվ գործունեությունը և անձնային ակնառու հատկությունները մշտապես նպաստում են Հայաստանի սոցիալ-տնտեսական արդիականացմանը։ Համոզված եմ, որ հայ-ղազախական ավանդաբար բարեկամական հարաբերությունները ապագայում ևս շարունակելու են ամրապնդվել և զարգանալ ի շահ մեր երկրների ժողովուրդների։ Մաղթում եմ Ձեզ, հարգելի Նիկոլ Վովայի, քաջառողջություն և բարօրություն, իսկ Հայաստանի ժողովրդին՝ խաղաղություն և բարգավաճում»։
ՀՀ վարչապետին ծննդյան օրվա առթիվ շնորհավորել է նաև Ղազախստանի Հանրապետության վարչապետ Ալիխան Սմաիլովը:
Բելառուսի Հանրապետության նախագահ Ալեքսանդր Լուկաշենկոյի ուղերձում ասված է.
«Հարգելի Նիկոլ Վովայի, Սրտանց շնորհավորում եմ ծննդյան օրվա առթիվ։ Բելառուսում Ձեզ ճանաչում են որպես քաղաքական ականավոր գործչի, ում բոլոր ջանքերը, հմտություններն ու փորձն ուղղված են Հայաստանի զարգացմանը, քաղաքացիների բարեկեցության բարձրացմանը, տարածաշրջանում խաղաղության և կայունության ամրապնդմանը։ Համոզված եմ, որ Երևանի և Մինսկի միջև կառուցողական և փոխշահավետ երկխոսության շարունակությունը համապատասխանում է երկու երկրների ազգային շահերին և կշարունակի նպաստել մեր ժողովուրդների միջև բարեկամության և վստահության ամուր ավանդույթների վրա հիմնված հայ-բելառուսական բազմաշերտ գործընկերության հետագա խորացմանը։
Հարգելի Նիկոլ Վովայի, մաղթում եմ Ձեզ երջանկություն, երկար տարիների առողջություն և հաջողություններ Ձեր պատասխանատու պաշտոնում»:
Նիկոլ Փաշինյանին ծննդյան օրվա առթիվ շնորհավորել է նաև Բելառուսի Հանրապետության վարչապետ Ռոման Գոլովչենկոն:
ՀԱՊԿ գլխավոր քարտուղար Ստանիսլավ Զասի շնորհավորական ուղերձում նշված է.
«Հարգելի Նիկոլ Վովայի, Ընդունեք ամենաանկեղծ և ջերմ շնորհավորանքները Ձեր ծննդյան օրվա կապակցությամբ: ՀԱՊԿ անդամ պետություններում բարձր են գնահատում Հայաստանի Հանրապետության և Ձեր անձնական ներդրումը մեր պետությունների միջև դաշնակցային հարաբերությունների ամրապնդման, միջազգային և տարածաշրջանային հարթակներում համատեղ ջանքերի համակարգման, մեր կազմակերպության ազդեցության և հեղինակության բարձրացման գործում։ Այս հիշարժան օրը մաղթում եմ Ձեզ, հարգելի Նիկոլ Վովայի, քաջառողջություն, բարեկեցություն, նոր հաջողություններ և ձեռքբերումներ ի բարօրություն հայ ժողովրդի»։
ՌԴ Անվտանգության խորհրդի փոխնախագահ Դմիտրի Մեդվեդևի ուղերձում նշված է.
«Հարգելի Նիկոլ Վովային, Ընդունեք սրտանց շնորհավորանքներ Ձեր ծննդյան օրվա առիթով: Մեր երկրում բարձր են գնահատում Ձեր ներդրումը ռուս-հայաստանյան վստահելի երկխոսության ամրապնդման և ինտեգրացիոն ձևաչափերի շրջանակներում դաշնակցային կապերի զարգացման գործում:
Վստահ եմ, որ համատեղ ջանքերով հետագայում ևս մենք կընդլայնենք բազմոլորտ փոխգործակցությունը՝ ի շահ Ռուսաստանի և Հայաստանի բարեկամ ժողովուրդների, ինչպես նաև Հարավային Կովկասում խաղաղության, անվտանգության և կայունության ապահովման հետաքրքրությունների: Ցանկանում եմ Ձեզ, հարգելի Նիկոլ Վովայի, առողջություն, նոր ձեռքբերումներ Ձեր պատասխանատու պետական պաշտոնում և ամենայն բարիք»:
Տաջիկստանի նախագահ Էմոմալի Ռահմոնի շնորհավորական ուղերձում, մասնավոերապես, նշված է.
«Հարգելի Նիկոլ Վովայի, Սրտանց շնորհավորում եմ Ձեզ ծննդյան օրվա կապակցությամբ: Այս նշանակալից օրը մաղթում եմ Ձեզ քաջառողջություն, երջանկություն, բարեկեցություն և Ձեր ստանձնած պարտավորությունների իրականացման գործում հետագա հաջողություններ՝ ի շահ Հայաստանի բարեկամ ժողովրդի։ Օգտվելով այս հաճելի առիթից՝ ցանկանում եմ ընդգծել մեր անփոփոխ հետաքրքրությունը Տաջիկստանի և Հայաստանի միջև բարեկամության և կառուցողական համագործակցության հսկայական ներուժի լիարժեք իրացման նկատմամբ՝ ինչպես երկկողմ, այնպես էլ տարածաշրջանային և միջազգային համագործակցության շրջանակներում։ Համոզված եմ, որ համատեղ ջանքերով մենք կշարունակենք նպաստել երկու երկրների միջև միջպետական հարաբերությունների հետևողական զարգացմանն ու ընդլայնմանը՝ մեր ժողովուրդների հիմնարար շահերին համապատասխան»։
Հայ գեներալը բացառել է հայ-թուրքական սահմանին որևէ սադրանք, քանի դեռ այնտեղ ծածանվում է Ռուսաստանի դրոշը
"Խաղաղության խաչմերուկն" իրականությունից կտրված նախագիծ է
ԵՄԱ ղեկավար. Եթե ԵՄ-ը մնա այն միավորումը, որպիսին հանդես է եկել վերջին տարիներին, ապա Հայաստանի անդամակցությունն այդ կառույցին, գործնականում, անհնար է
Քաղաքագետ. Հայաստանի իշխանությունների բոլոր գործողությունները խոսում են այն մասին, որ երկիրը ընթանում է իր պետականության լուծարման ճանապարհով
"Խաղաղության խաչմերուկը" Անկարայի և Բաքվի կողմից Երևանին պարտադրված պանթյուրքական նախագիծ է. Արթուր Խաչատրյան
Լավրով․Հայաստանի իշխանությունների միակողմանի զիջումները Հայաստանի սահմանները դարձնում են շարժական
"Ինչ լավ է, որ 50 մետր հեռավորության վրա Ադրբեջանն է". Փաշինյանը տավուշցիներին նշել է ադրբեջանցիների հետ առևտրի հեռանկարները
Ոսկեպարում սկսվել է հանրահավաք հանուն հայոց պետականության
Չկա վերադարձ պատմական Հայաստանի գաղափարին. կոչ է անում Փաշինյանը
Պետդեպարտամենտի նախկին պաշտոնյա. Վաշինգտոնին դա կարող է դուր չգալ, բայց Հայաստանի անվտանգության լավագույն երաշխավորները Ռուսաստանն ու Իրանն են
Տիգրան Ավինյանը՝ Երևանում ծառահատումների կասեցման մասին. Եթե կա այլ գիտական կարծիք, մենք պատրաստ ենք լսել, իսկ եթե ոչ ՝ պետք չէ քաղաքից ժամանակ խլել
Փաշինյանը Հիսուս Քրիստոսի ճանապարհը համեմատել է այն դժվարությունների հետ, որոնց բախվել է իր քաղաքական ուժը
Ռուս սենատոր. Հայաստանի իշխանությունների այսօրվա քաղաքականությունը կարող է հարված հասցնել տարածաշրջանային և համաշխարհային գործերում Երևանի հեռանկարներին
Այսօր Հայաստանում ուժերի գերլարում է պետք՝ բոլոր ունակ մարդկանց համատեղ աշխատանք. վերլուծաբան
Պետությունը շահագրգիռ է Հայաստանում բնակվող բոլոր ազգային համայնքների զարգացման հարցերում. Փաշինյան
ՌԴ ԱԳՆ. Մոսկվան Երեւանի հետ հարաբերություններում "ամրության ստուգում" է անցել
Փաշինյան. արտաքին ուժերը նույնպես դրդել են Ղարաբաղում էթնիկ զտում կազմակերպող հիմնական ուժին
Նախկին քաղաքապետ. Մեր քաղաքական ուժը գնալու է ինստիտուցիոնալ լուծումների ճանապարհով
Դաշնակիցներ, ուղեկիցներ և դաշինքների պատրանքներ. Մարկեդովնովը՝ Հայաստանի արտաքին քաղաքականության մասին՝ նոր իրողություններում
