Արմինֆո.Ռոբերտ Քոչարյանի և Սերժ Սարգսյանի ներկայությունը ընդդիմության շարքերում իշխանափոխության նրա օրակարգի ինքնըստինքյան ձախողման գրավականն է։ ԱրմԻնֆո-ին նման կարծիք է հայտնել "Ինքնիշխան Հայաստան" կուսակցության նախագահ Դավիթ Սանասարյանը։
"Այսօր փողոցում գործող երեք քաղաքական ուժերը կարող են նոր դեմքերով փոխարինել, անգամ, բոլոր "նախկիններին", բայց դա իրավիճակը, միևնույն է, չի շտկի։ Հենց միայն Քոչարյանի ու Սարգսյանի առկայությունն այդ "նոր դեմքերի" հետ նույն տարածքում ինքնաբերաբար հասարակության շրջանում հակազդեցություն է ձևավորում թե սրանց, թե մյուսների հանդեպ։ Ըստ այդմ՝ ձևավորելով երկրում իշխանափոխության համապատասխան հեռանկարներ ", - նշել է նա։
Սանասարյանը համոզմունք է հայտնել, որ հենց բողոքի առաջնորդների օդիոզությունն է ծնում հասարակության հստակ դիրքորոշումը ինչպես բուն բողոքի ակցիաների, այնպես էլ դրանց մասնակիցների նկատմամբ: Որոնց էությունն արտահայտվում է, մի կողմից, Նիկոլ Փաշինյանի եւ, մյուս կողմից, Քոչարյանին ու Սարգսյանին սատարող ուժերի հետ և ՀՅԴ-ի միջև ընտրությամբ՝ հօգուտ Փաշինյանի։
Այս ֆոնին Սանասարյանը համոզված է, որ հենց 44-օրյա պատերազմին հաջորդած շրջանում երկու նախկին նախագահների շուրջ ձևավորված քաղաքական ուժերն են սեփական ձեռքով ձևավորում Հայաստանի ընթացիկ ներքաղաքական իրողությունները։ Մասնավորապես, աջակցություն են ցուցաբերում և բացառապես օգտակար ազդեցություն ունեն Նիկոլ Փաշինյանի իշխանության վրա։ Ասել է թե ՝ իրենց գոյությամբ իսկ նրանք արդեն նվեր են մատուցում կառավարող "Քաղաքացիական պայմանագիր" կուսակցությանը, ընդհանուր առմամբ, և Փաշինյանին՝ մասնավորապես։
"Այսպիսով, արդեն այսօր, ինչպես ընդդիմությունն է ասում, դիմադրության շարժման գագաթնակետին, կարելի է վստահաբար կանխատեսել, որ փողոցային ուժերի ջանքերը ներքին ցնցումների և քաոսի մթնոլորտի ձևավորման ուղղությամբ կավարտվեն ոչնչով։ Վերը նշված պատճառներով չունենալով մեր հասարակության մեծ մասի աջակցությունը՝ այդ ջանքերն ի սկզբանե դատապարտված են ձախողման", - ամփոփել է քաղաքական գործիչը։