Արմինֆո.Հայաստանում և ողջ աշխարհում մայիսի 18-ին նշում են Թանգարանների միջազգային օրը: Այս տարի մշտական և ժամանակավոր ցուցադրությունները տեղի բնակիչների և զբոսաշրջիկների համար հասանելի կլինեն մայիսի 18-ին և 21-ին՝ Հայաստանի և Արցախի 125 թանգարաններում:
Մասնավորապես, ինչպես մամուլի ասուլիսի ժամանակ նշել է կրթության, գիտության, մշակույթի և սպորտի փոխնախարար Ալֆրեդ Քոչարյանը, Հայաստանի և Արցախի թանգարանները Թանգարանների միջազգային օրվա առթիվ պատրաստել են 122 ժամանակավոր և մշտական ցուցադրություններ, 30 կրթական ծրագիր, 40 համերգային և 124 մշակութային միջոցառումներ:
Նշվել է, որ մայիսի 18-ին բոլոր ցանկացողները կարող են անվճար այցելել թանգարաններ աշխատանքային ժամերին, իսկ մայիսի 21-ին "Թանգարանների գիշեր" համաեվրոպական նախաձեռնության շրջանակում ՝ ժամը 11:00-ից մինչև 00:00-ն:
Ամփոփելով նախորդ տարվա արդյունքները՝ Քոչարյանը նշել է, որ ողջ 2021 թվականի ընթացքում Հայաստանի թանգարաններ է այցելել շուրջ 1 մլն մարդ, 210 հազար աշակերտ, թանգարանների ֆոնդերը համալրվել են 10 հազար ցուցանմուշներով, պատրաստվել է ավելի քան 2 հազար գիտակրթական ծրագիր:
Ընդ որում, նա ընդգծել է, որ այս ոլորտում առկա խնդիրները բազմաթիվ են։ Որպես առաջնահերթություն նա նշել է թանգարանների տոմսերի առցանց վաճառքի միասնական էլեկտրոնային համակարգի ներդրման անհրաժեշտությունը, հիմնանորոգման աշխատանքների իրականացումը, կադրային հարցերը և այլն:
Այդ առնչությամբ, պատասխանելով ԱրմԻնֆո-ի թղթակցի հարցին, ՀՀ կրթության, գիտության, մշակույթի և սպորտի նախարարության Մշակութային ժառանգության և ժողովրդական արհեստների վարչության պետ Աստղիկ Մարաբյանը նշել է, որ այժմ երկրում ստեղծվում է հետաքրքիր դաշտ մասնագիտական համագործակցության համար' Ուկրաինայի և Ռուսաստանի քաղաքացիների Հայաստան տեղափոխվելու առնչությամբ: Մասնավորապես, նա ընդգծել է, որ ժամանողների թվում կան մեծ թվով ճյուղային մասնագետներ, որոնք արդեն աստիճանաբար սկսում են համագործակցել տեղի թանգարանների հետ:
Նշենք, որ Թանգարանների միջազգային օր հիմնելու որոշումը կայացվել է 1977 թվականին Թանգարանների միջազգային խորհրդի (International Council of Museums - ԻԿՕՄ) 11-րդ գլխավոր կոնֆերանսում: Թանգարանների գիշերը Թանգարանների միջազգային օրվան նվիրված ակցիա է, որի ընթացքում կարելի է դիտել թանգարանային ցուցադրությունները՝ գիշերը: Այդ գիշեր շատ թանգարաններ բաց են այցելուների մայրամուտից հետո՝ գրեթե մինչեւ առավոտ: Առաջին անգամ "Թանգարանների գիշեր" - ը անցկացվել է 1997 թվականին Բեռլինում։ Հայաստանը նախաձեռնությանը միացել է մոտ 20 տարի առաջ։
Փորձագետ. "Զանգեզուրի միջանցքի" բացումը կարմիր գիծ է հայոց պետության համար
Քնարիկ Հովհաննիսյան. Հայաստանի ջրային քաղաքականությունն անմխիթար վիճակում է
Հայաստանում բողոքի ակցիաները երկու բաղադրիչ ունեն՝ օբյեկտիվ և արտաքին. քաղաքագետ
Գեներալ-մայոր. Հայաստանն այսօր պատրաստ չէ Թուրքիայի և Իրանի հետ սահմանների ինքնուրույն պահպանությանը
Փորձագետ. ԵՄ-ը սեփական շահերն է հետապնդում Հարավային Կովկասի տարածաշրջանում
Արցախի Հանրապետության խորհրդարանի «մահվան» մասին լուրերը խիստ չափազանցված են. ԼՂ ԱԺ խոսնակի պաշտոնակատարը պատասխանել է Ալեն Սիմոնյանին
ՀՀ ԱԺ հանձնաժողովի նախագահը՝ արցախցիներին իրենց տներ վերադարձնելու մասին. խաղաղության պայմանագրի կնքումն առաջնային է
Փաշինյան. Արցախցիների վերադարձը Լեռնային Ղարաբաղ հակասում է Հայաստանի Հանրապետության պետական շահերին
Ադրբեջանին հրավիրել են Կազանում կայանալիք BRICS գագաթնաժողովին
Արդարադատության նախկին նախարարին կանչել են Գլխավոր դատախազություն
Սեպտեմբերին ԵՄ-ին Հայաստանի անդամակցության համար ստորագրահավաք կսկսվի. Արամ Սարգսյան
Արման Թաթոյանը, Դավիթ Անանյանը և Ռուբեն Մխիթարյանն աշնանը կհայտարարեն քաղաքական ուժի ստեղծման մասին. ԶԼՄ
Վլադիմիր Պուտինը Բարեկամության շքանշանով պարգևատրել է Իշխան Զաքարյանին
Լուիս Մորենո Օկամպոն դիմել է հայերին՝ կոչ անելով մարտահրավեր նետել Ադրբեջանի երեսպաշտությանը և պահանջել իրապես խաղաղ COP29 անցկացում
Հայաստանի քաղաքացիները կոշտ խտրականության են ենթարկվում Բուլղարիայի սահմանային ոստիկանության կողմից
Քաղաքագետ.Պատերազմը չդադարեցրած իշխանությունը կարո՞ղ է խաղաղություն բերել
Բողոքի շարժման առաջնորդն իր համակիրների հավաք է հրավիրում
