Արմինֆո.Բոլորովին անհասկանալի է, թե ինչ քաղաքականություն է ընկած փողոցում խորհրդարանական ընդդիմության՝ Արցախն Ադրբեջանից, իսկ Հայաստանը թուրքացումից փրկելու խոստումների հիմքում։ ԱրմԻնֆո-ին այդպիսի կարծիք է հայտնել "Ինքնիշխան Հայաստան" կուսակցության առաջնորդ Դավիթ Սանասարյանը։
"Կարող եմ, թերեւս, ենթադրել, որ իրականացվում է միութենական պետություն մտնելու կամ ՌԴ-ի հետ ինչ-որ այլ աստիճանի ինտեգրման ուղղությամբ քաղաքականություն։ Այսպես թե այնպես, բայց Ռուսաստանն այդ բոլոր խաղերում ներկա է և խաղում է, հաստատ, ոչ "գլխավորը մասնակցությունն է" սկզբունքով։ Ամեն դեպքում, Հայաստանում ժողովրդավարական գործընթացներ են տեղի ունենում, իսկ ընտրություններն անցնում են արդեն ոչ այն խախտումներով, որոնք եղել են ոչ վաղ անցյալում։ Իսկ Հայաստանի խորը ժողովրդավարացումը, հասկանալի պատճառներով, չի կարող համապատասխանել Մոսկվայի շահերին", - ընդգծել է նա։
Այս լույսի ներքո՝ քաղաքական գործիչը չի բացառել, որ խորհրդարանական ընդդիմության փողոցային բողոքի ակցիաների նպատակներից մեկը Նիկոլ Փաշինյանին Մոսկվայի ենթակայության տակ պահելն է: Հայաստանում իշխանափոխության պահեստային պլանի պահպանմամբ ՝ դրա անհրաժեշտության դեպքում։
Մեկնաբանելով խորհրդարանական ընդդիմության ակտիվացման պատճառները՝ Սանասարյանն առանձնացրել է վարչապետի վերջին, նրա կարծիքով, սխալ հայտարարությունները: Ըստ քաղաքական գործչի՝ հենց դրանցում առկա շեշտադրումներն են ընդդիմությանը թույլ տվել խաղալ քաղաքացիների համոզմունքների ու զգացմունքների վրա՝ ազդարարելով Արցախի մոտալուտ վաճառքի մասին։
"Գիտեք, որ Նիկոլ Փաշինյանի, և, ընդհանրապես, որևէ մեկի տրամաչափը Հայաստանում ակնհայտորեն թույլ չի տալիս Արցախն Ադրբեջանին հանձնել։ Հենց որ նրանք իրականում փորձեն դա անել, ապա կբախվեն հանրային դժգոհության ու դիմադրության այնպիսի իրական ալիքի, որը քիչ չի թվա։ Եվ ահա այն ժամանակ բոլորը կտեսնեն, թե ինչպիսին են լինում հեղափոխություններն իրականում, այլ ոչ թե այն, ինչ տեղի է ունենում այսօր։ Որքան էլ այդ մարդիկ փորձեն մեզ կրկնել, կազմակերպեն փողոցային զանգվածային պայքար, նրանց չի հաջողվի դա անել՝ մի պարզ պատճառով։ 2018 թվին փողոց էր դուրս գալիս ժողովուրդը, այլ ոչ թե կուսակցությունները։ Դուրս էր գալիս ներկայիս ընդդիմության պարագլուխների կողմից կողոպտված, ճնշված, թալանված ժողովուրդը։ Մարդիկ պաշտպանում էին բացառապես իրենց, այլ ոչ թե կլանային շահերը", - ընդգծել է նա։
Սանասարյանը նաեւ հատուկ ընդգծել է, որ Փաշինյանի հանդեպ արդարացի ժողովրդական դժգոհությունը, նրա հրաժարականի ցանկությունը 44-օրյա պատերազմում պարտությունից հետո, նույնպես բախվեց նախկին նախագահներ Քոչարյանի եւ Սարգսյանի կողմնակիցների գործողություններին: Այդպես, դժգոհների մեծ մասը նախընտրեց մնալ տանը, հենց որ տեսավ "նախկինների" փողոցային ակտիվությունը։ Իսկ արտահերթ խորհրդարանական ընտրություններում ընտրազանգվածի մեծ մասը կողմ քվեարկեց Փաշինյանին՝ միայն Քոչարյանի ու Սարգսյանի ռեինկարնացիան բացառելու համար։
"Հիմա Փաշինյանն անթույլատրելի հայտարարություններ է անում և Արցախի, և Հայաստանի վերաբերյալ ։ Բայց մարդիկ կրկին չեն ցանկանում դուրս գալ փողոց, շատ լավ հասկանալով, որ Արցախի, թուրքերի ու թշնամիների մասին բացականչությունների հետևում իրականում իշխանության համար պայքար է գնում։ Իսկ որոշ դեպքերում այդ պայքարը պայմանավորված է ճաղերի հետևում չհայտնվելու ձգտումով", - ամփոփել է Սանասարյանը։
Քաղաքական գործիչ․ Հայաստանում Մոլդովական սցենարի կիրառումը կհանգեցնի հեղափոխության
Կարծիք. Ամերիկյան օրակարգը Հարավային Կովկասում ունի երկու առաջնահերթություն՝ TRIPP նախագիծը և Իրանի վրա ճնշումը
Հայ քաղաքագետը նշել է ԱՄՆ պետքարտուղարի՝ վաղը Երեւան կատարելիք այցի երկու հավանական նպատակները
Քաղաքագետ. ներքին էսկալացիան շատ արագ կհանգեցնի արտաքին էսկալացիայի
Կարծիք․ Ինչպես Հայաստանի ներսում, այնպես էլ նրա սահմաններին իրավիճակը մեծապես կախված կլինի Իրանի շուրջ գործընթացների զարգացումից
Քոչարյան․ ԵՄ և ԵԱՏՄ միջև ընտրությունը՝ դա ընտրություն է անիրականանալի երազանքի և որոշակիության միջև
Հայաստանի իշխանությունը, որպես ռուսական ուղղության այլընտրանք, ուղղակի կամ անուղղակի ակնարկում է Թուրքիայի և Ադրբեջանի ուղղությունները․ պատգամավոր
Լուկաշենկո. "Մենք չենք ցանկանում, որ Հայաստանը դուրս գա ԵԱՏՄ-ից, բայց չենք կարող դեմ գնալ հայ ժողովրդի կամքին"
Պեսկովը հասկանալի և թափանցիկ է համարել Հայաստանի շարժումը դեպի ԵՄ
Արցախից և բանակից հետո Սյունիքը կդառնա իշխանությունների թիրախը. Ռոբերտ Քոչարյան
Միրզոյանը հավաստիացնում է․ գերիների և Բաքվում պահվող անձանց հարցը մշտապես Հայաստանի իշխանությունների քննարկումների մաս է
Վոլոդին․ Մենք չենք կարող այլևս լռության մատնել այն գործընթացները, որոնք տեղի են ունենում Հայաստանում
Բունդեսթագի պատգամավորները նախատեսում են այցելել Հայաստան
Զախարովան ցինիզմ է որակել Հայաստանի վարչապետի դեմ ՌԴ քարոզարշավի մասին Արևմուտքի մեղադրանքները
