Արմինֆո. Ամերիաբանկն ամփոփել է անցած տարվա վերջում Visa վճարային համակարգի հետ համատեղ գործարկված "Դարձիր փոփոխությունը" մրցույթի արդյունքները. եզրափակիչ փուլին մասնակցել են 11 թիմեր Երեւանից եւ Հայաստանի մարզերից: Նման մրցույթի անցկացմամբ Ամերիաբանկը կարևորում է երիտասարդների զարգացումը, ներուժը և գաղափարները: Մրցույթի հաղթողների պարգևատրման արարողությունը տեղի է ունեցել ապրիլի 13-ին Ամերիաբանկի գլխամասային գրասենյակում:
Մրցույթի հաղթող է դարձել Take AR Startup թիմը, որը ներկայացնում է Հայաստանի տարբեր մարզերի երիտասարդությանը՝ սկսած Տավուշից, վերջացրած Արագածոտնով, Գեղարքունիքով: Երիտասարդների գաղափարն էր բարձրացնել կրթական գործընթացի նկատմամբ հետաքրքրությունը և գործընթացի արդյունավետությունը՝ AR տեխնոլոգիաների կիրառմամբ (լրացված իրականություն՝ Augmented Reality)։ Մասնավորապես, նախագիծը նախատեսում է հավելված, որը հարմարվելու է 8-րդ դասարանի անատոմիայի դասագրքերին, որի շնորհիվ դպրոցների աշակերտները կկարողանան 3D ձեւաչափով ուսումնասիրել մարդու օրգանիզմի օրգանների կառուցվածքը: Գաղափարի վրա թիմը սկսել է աշխատել դեռ 2018 թվականին, սակայն Ամերիաբանկի կողմից տրամադրված հարթակի շնորհիվ տարեսկզբից աշխատանքներն ինտենսիվորեն են իրականացվել: Ըստ հաղթողների, գաղափարը նախատեսվում է իրականացնել 9 ամսվա ընթացքում:
Ժյուրիի ներկայացուցիչ, "Ամերիա" կառավարչական խորհրդատվական ծառայության ղեկավար Տիգրան Ջրբաշյանը նշել է, որ ընտրությունը հենց այդ թիմի վրա է ընկել մի քանի պատճառներով: Առաջին հերթին, նա նշել է նորարարությունը, իսկ որպես կարևոր տարր՝ Ջրբաշյանը նշել է հասարակության մեջ այն փոփոխությունները, որոնք կարող են տեղի ունենալ նման նախաձեռնության իրականացման շնորհիվ։
"Փոփոխությունները սկսվում են գլխում։ Այլ հարց է, որ մենք փորձ չունենք այդ փոփոխությունների, գիտելիքների համար, մենք դեռ այնքան հասուն չենք, որ ներկայացնենք այդ փոփոխություններն իրականում։ Բայց ես սրտացավ եմ և ուրախ եմ, որ այսօր հավաքված տղաները գլուխների մեջ այդ փոփոխություններն ունեն", - ասել է նա։ Ջրբաշյանը նշել է, որ այսօրվա սերունդը չունի խորհրդային անցյալ և ավելի ազատ է իր նախորդների համեմատ։ Եվ, չնայած կրթական մակարդակի հետ կապված խնդիրներին, նա ընդգծել է, որ այսօրվա երիտասարդությունն ավելի բաց է, պատրաստ է նայել ապագային և փոխել այն։ "Նման ներդրումները, որոնք ուղղված են երիտասարդների ստեղծագործական մտքի զարգացմանը, չափազանց կարևոր են մեր երկրի ապագայի համար", - ասել է նա: Ընդ որում, "Ամերիա" կառավարչական խորհրդատվական ծառայության ղեկավարն ընդգծել է, որ կրթության համակարգային բարեփոխումներն այսօր Հայաստանի համար ավելի անհրաժեշտ են, քան դպրոցների կառուցման, աշխատավարձերի բարձրացման նախագծերը եւ այլն: Այդ տեսանկյունից Ջրբաշյանը նշել է, որ հաճախ մոռացվում է կրթության մրցունակության մասին, այն դեպքում, երբ աշխարհն իր տեխնոլոգիաների զարգացմամբ երիտասարդներին թելադրում է մրցունակ լինել հենց այդ համատեքստում:
Եզրափակիչ դուրս եկած նախագծերի թվում, ըստ նրա, բավականին լուրջ ոլորտներ են ներկայացվել, սակայն թեժ քննարկումների արդյունքում ընտրությունն ընկել է կրթական հատվածի վրա՝ լուրջ խնդիրների առկայության պատճառով, հատկապես, երկրի մարզերում։ Ընդ որում, նա նշել է, որ միայն 4 նախագիծ վերաբերել է մաքրմանը, աղբահանությանը։ "Աղբի նկատմամբ վերաբերմունքը մեր երկրի նկատմամբ մեր վերաբերմունքի ամենակարևոր խորհրդանիշն է ։ Ուստի շատ կարեւոր է, որ մի քանի նախագծեր, որոնք նվիրված էին հենց այս թեմային, ինչը նշանակում է, որ մեր երիտասարդությունը ցանկանում է փոփոխություններ>, - ասել է Տիգրան Ջրբաշյանը:
Մրցանակաբաշխության ավարտին ժյուրիի անդամները համակարծիք էին, որ այսօր իրենց նորարարական նախագծերը ներկայացնող թիմերը պետք է շարունակեն աշխատել դրանց վրա, փնտրեն իրենց մրցակցային առավելությունները և ավելի խորքային վերլուծեն իրենց գաղափարները: Մասնավորապես, ժյուրիի անդամների կողմից շատ մասնակիցների աջակցություն կցուցաբերվի կամ էլ աշխատանքը կշարունակվի աքսելերացիոն նախագծերի շրջանակներում:
Մրցույթի ընթացքում 4 և ավելի ուսանողներից բաղկացած թիմերը ներկայացրել են իրենց նորարարական գաղափարները, որոնք կարող են դրական փոփոխություններ մտցնել հասարակության, մարդու կամ մի խումբ մարդկանց կյանքում կրթական կամ տնտեսական ոլորտում: Ընդհանուր առմամբ "Դարձիր փոփոխությունը" մրցույթի եզրափակիչ փուլ են անցել 11 թիմեր, որոնցից 2-6-րդ տեղերը զբաղեցնողները 100 հազար դրամի չափով դրամական պարգեւներ են ստացել: Իսկ հաղթող թիմը 3 մլն դրամ է ստացել նախագծի իրականացման համար։
Նշենք, որ ժյուրիի կազմում ընդգրկվել են նաև Ամերիաբանկի Մարքեթինգի և հաղորդակցության գծով տնօրեն Ռեբեկա Հակոբյանը, Ամերիաբանկի Մարդկային ռեսուրսների կառավարման ծառայության Զարգացման և վերապատրաստման բաժնի ղեկավար Վահան Մելքումյանը, Էլեն Դանիելյանը' Ամերիաբանկի Անհատական ֆինանսական ծառայությունների և քարտերի վարչության ղեկավարը, Արտյոմ Շամցյանը' Ամերիաբանկի Ինովացիաների և թվայնացման գծով տնօրենը, Արմինե Մկրտչյանը' "ռեԱրմենիա" պլատֆորմի հոգաբարձուների խորհրդի անդամ, Նազարեթ Սեֆերյանը' կորպորատիվ պատասխանատվության մասնագետ, Սեդա Պապոյանը' Girls in Tech Armenia-ի գործադիր տնօրենը, Դիանա Արզումանյանը` Orion Worldwide Innovations-ի տնօրեն և համահիմնադիր, Աննա Խաչատրյանը` EPIC ինկուբատորի համայնքների եւ գործընթացների հետ կապերի մենեջեր:
Հիշեցնենք, որ Ամերիաբանկը Հայաստանի ամենադինամիկ զարգացող բանկերից մեկն է, որը հանդիսանում է երկրի ամենակայուն եւ խոշորագույն ֆինանսական հաստատություններից մեկը: Ամերիաբանկը ունիվերսալ բանկ է, որը տրամադրում է կորպորատիվ, ներդրումային և մանրածախ բանկային ծառայություններ համալիր փաթեթով: Ամերիաբանկը Հայաստանի բանկային համակարգում պահպանում է առաջատարի դիրքը հիմնական ֆինանսական ցուցանիշներով:
Փորձագետ. "Զանգեզուրի միջանցքի" բացումը կարմիր գիծ է հայոց պետության համար
Քնարիկ Հովհաննիսյան. Հայաստանի ջրային քաղաքականությունն անմխիթար վիճակում է
Հայաստանում բողոքի ակցիաները երկու բաղադրիչ ունեն՝ օբյեկտիվ և արտաքին. քաղաքագետ
Գեներալ-մայոր. Հայաստանն այսօր պատրաստ չէ Թուրքիայի և Իրանի հետ սահմանների ինքնուրույն պահպանությանը
Փորձագետ. ԵՄ-ը սեփական շահերն է հետապնդում Հարավային Կովկասի տարածաշրջանում
Ընդդիմադիր գործիչը կոչ է արել ձևավորել Համահայկական միացյալ դաշինք՝ Հայաստանում իշխանափոխության համար
Կոբախիձե. Վրաստանը Հայաստանին եւ Ադրբեջանին առաջարկում է տարածաշրջանային համագործակցության ձեւաչափ՝ հարաբերությունների կարգավորման համար
Ինչպե՞ս է պատկերացնում Քամալա Հարիսը հայերի, այսպես կոչվող, արժանապատիվ վերադարձն Արցախ. Հակոբ Բադալյան
ՀՅԴ. Ադրբեջանի հետ սահմանագծման մասին դրույթը հակասահմանադրական է
Քամալա Հարիս. Լեռնային Ղարաբաղի հայերի՝ իրենց տներ վերադառնալու իրավունքը վճռորոշ նշանակություն ունի հայ ժողովրդի արժանապատվության վերականգնման և տարածաշրջանում կայունության համար
Հայաստանն ու Թուրքիան հայտարարել են առանց նախապայմանների հարաբերությունների կարգավորման գործընթացը շարունակելու պատրաստակամության մասին
Երևանի և Մոսկվայի կառուցողական երկխոսությունը բխում է երկու ժողովուրդների շահերից. Պուտինի և Միշուստինի ուղերձը Փաշինյանին
Աշխարհում չկա մի երկիր կամ ռազմական դաշինք, որը կարող է ապահովել ՀՀ անվտանգությունը, իսկ օկուպացված տարածքները Երևանին կհաջողվի վերադարձնել բանակցությունների ճանապարհով. վստահեցնում է Փաշինյանը
Փաշինյանը համոզված է. հայ ժողովուրդը շատ վաղուց է կատարել իր ընտրությունը՝ հօգուտ Իրական Հայաստանի
Արցախի Հանրապետության խորհրդարանի «մահվան» մասին լուրերը խիստ չափազանցված են. ԼՂ ԱԺ խոսնակի պաշտոնակատարը պատասխանել է Ալեն Սիմոնյանին
ՀՀ ԱԺ հանձնաժողովի նախագահը՝ արցախցիներին իրենց տներ վերադարձնելու մասին. խաղաղության պայմանագրի կնքումն առաջնային է
Փաշինյան. Արցախցիների վերադարձը Լեռնային Ղարաբաղ հակասում է Հայաստանի Հանրապետության պետական շահերին
Ադրբեջանին հրավիրել են Կազանում կայանալիք BRICS գագաթնաժողովին
