Արմինֆո. Բանակցությունների արդյունքում ադրբեջանական կողմը հետ է քաշել իր ստորաբաժանումները Փառուխ բնակավայրի շրջանից։ Այդ մասին ասվում է Ռուսաստանի Դաշնության պաշտպանության նախարարության տեղեկագրում՝ Լեռնային Ղարաբաղի հակամարտության գոտում ռուսական խաղաղապահ զորախմբի գործունեության մասին (2022թ. մարտի 27)։
"Ռուսական խաղաղապահ զորախումբը շարունակում է Լեռնային Ղարաբաղի տարածքում առաջադրանքների կատարումը։ Ռուս խաղաղապահների կողմից քսանյոթ դիտակետերում իրադրության շուրջօրյա մոնիթորինգ եւ հրադադարի ռեժիմի պահպանման վերահսկողություն է իրականացվում:
Արձանագրվել է Ադրբեջանի Հանրապետության զինված ուժերի կողմից հրադադարի ռեժիմի երկու խախտում Ասկերանի շրջանում: Փոխհրաձգության արդյունքում վիրավորվել է երկուական մարդ ՝ կողմերից յուրաքանչյուրում։ Հակամարտության կողմերի ներկայացուցիչների հետ փոխգործակցությամբ ռուսական խաղաղապահ զորախմբի հրամանատարության կողմից իրադրությունը կայունացել է:
Բանակցությունների արդյունքում ադրբեջանական կողմը հետ է քաշել իր ստորաբաժանումները Փառուխ բնակավայրի շրջանից: Ռուսական խաղաղապահ ստորաբաժանումներն ապահովել են Լաչինի միջանցքով Ադրբեջանական Հանրապետության զինված ուժերի երեք շարասյուների ուղեկցումը՝ երկուսը Հյուսիսային եւ մեկը հարավային ուղղություններով: Պարեկություն է իրականացվել Ասկերանի, Մարտակերտի, Մարտունու և Շուշիի շրջաններում ՝ չորս երթուղիներով։
Ընդհանուր առմամբ, 2020 թ. նոյեմբերի 23-ից ռուսական խաղաղապահ զորախմբի ինժեներ-սակրավորների կողմից չպայթած ականներից եւ արկերից մաքրվել է 2 358,9 հա տարածք, 689,5 կմ ճանապարհ, 1 937 շենք, հայտնաբերվել եւ վնասազերծվել է 26 257 պայթուցիկ առարկա: Ռուս խաղաղապահների անվտանգությունն ապահովելու եւ հնարավոր միջադեպերը կանխելու համար պահպանվում է Ադրբեջանի եւ Հայաստանի զինված ուժերի գլխավոր շտաբների հետ շարունակական փոխգործակցությունը", - նշվում է Ռուսաստանի Պաշտպանության նախարարության կայքում զետեղված հաղորդագրության մեջ:
Ուշագրավ է, որ դրանից հետո ադրբեջանական պաշտպանական գերատեսչությունը հանդես է եկել հայտարարությամբ, որում ՌԴ ՊՆ-ին մեղադրել է ապատեղեկատվություն տարածելու մեջ ։
"Ադրբեջանցի զինվորականները շարունակում են մնալ Ղարաբաղի Փառուխ գյուղի եւ մոտակա բարձրունքների դիրքերում։ Ավելին, ՌԴ պաշտպանության նախարարությունը մարտի 27-ի իր հայտարարության մեջ մատնանշել է իրականությանը չհամապատասխանող մի շարք պահեր ։ Մասնավորապես, Փառուխ գյուղի եւ նրա մերձակա բարձունքներում որեւէ փոփոխություն տեղի չի ունեցել ։ Տեղեկությունն այն մասին, որ ադրբեջանցի զինվորականները հեռացել են այդ դիրքերից, չի համապատասխանում իրականությանը։ Մեր բանակը լիովին վերահսկում է օպերատիվ իրավիճակը", - ասվում է Ադրբեջանի ՊՆ հաղորդագրության մեջ։ Գերատեսչությունում նաեւ նշել են, որ "իրականությանը չի համապատասխանում ՌԴ պաշտպանության նախարարության տարածած տեղեկատվությունն այն մասին, որ ադրբեջանական կողմը խախտել է հրադադարի ռեժիմը, եւ ադրբեջանցի զինվորականներն ունեն վիրավորներ":
Մինչդեռ, ԱրմԻնֆո-ի՝ իրավիճակին ծանոթ աղբյուրների համաձայն, Ադրբեջանի զինված ուժերը ռուս խաղաղապահների ջանքերի շնորհիվ զորքերը ետ են քաշել դեռեւս մարտի 26-ի՝ լույս 27-ի գիշերը:
Կարծիք. Բաքուն Բեռլինում բանակցությունների արդյունքներով ստանում է ընդլայնված ազդեցության ալիք ԵՄ ներսում և ամրապնդում է համագործակցային կապերը գլխավոր եվրո-շարժիչի հետ
Հայ փորձագետ. Կարո՞ղ է արդյոք ժամանակակից Ադրբեջանը գոյություն ունենալ առանց ռուսական և խորհրդային արդիականացման
Զատուլին․ Փաշինյանը շատ էր շտապում Ռուսաստան, քանի որ, իրականում, պարտվել է ընտրություններում
Իրավապաշտպան Ռուբեն Մելիքյանը հեռացվել է ԵՊՀ-ից
Փաշինյանին հեռացրել են "ԻՆՆՈՊՐՈՄ"-ի հյուրերի ցանկից
Զախարովա․ ԵՄ հետ մերձեցման Հայաստանի գիծը ռիսկեր է պարունակում ԵԱՏՄ անդամ երկրների տնտեսական անվտանգության համար
Ժամանակն է, որպեսզի հարավկովկասյան երկրները Հարավային Կովկասի մասին մտածեն որպես մեկ ընդհանուր տարածաշրջանի. Փաշինյան
Փաշինյան․ Հայաստանն ու Ադրբեջանը պետք է հանգիստ թողնեն միմյանց
Մոսկվան Հայաստանի հետ կապված իրավիճակում տեսնում է այն ինտեգրացիոն միավորումներին հարվածելու փորձեր, որոնց մասնակցում է ՌԴ-ն․ Ռուսաստանի նախագահի օգնական
Զախարովա․ Հայաստանը Ռուսաստանի հետ հարաբերություններն ընկալում է որպես գործիք՝ դեպի ԵՄ վերակողմնորոշումը ֆինանսապես ապահովելու համար
Հայաստանի արդարադատության նախարարն ու ԵՄ դեսպանը քննարկել են Երևանի համար վիզաների ռեժիմի ազատականացման օրակարգային հարցեր
Ադրբեջանագետ. Հայաստանի դեմ Ադրբեջանի զավթողական ծրագրերը հնարավոր են դարձել բացառապես Արցախի հարցով Փաշինյանի որոշումների արդյունքում
Զախարովա. Ռուսաստանը բողոքի նոտա է հղել Հայաստանին՝ Գյումրիի «Մայր Հայաստան» հուշահամալիրում տեղի ունեցած վանդալիզմի դեպքի կապակցությամբ
Սամվել Կարապետյանն առաջարկում է ընտրություններից հետո ստեղծել ընդդիմադիր կոալիցիա
