Թուրքագետ. Էրդողանի ՙգալիպոլյան՚ նախաձեռնությունը ցինիկ արարք է, որից վատ հոտ է գալիս

 Թուրքիայի նախագահ Էրդողանի ՙգալիպոլյան՚ նախաձեռնությունը ցինիկ արարք է, որից վատ հոտ է գալիս, ԱրմԻնֆո-ին այդպիսի կարծիք է հայտնել ԳԱԱ Արևելագիտության ինստիտուտի տնօրեն, պրոֆեսոր Ռուբեն Սաֆրաստյանը:

Նախագահ Սերժ Սարգսյանը` ի պատասխան Թուրքիայի նախագահ Ռեջեփ Էրդողանի նամակի, որտեղ Թուրքիայի նախագահը ՀՀ նախագահին հրավիրել է ապրիլի 24-ին ներկա լինելու Թուրքիայում Գալիպոլիի ճակատամարտի հարյուրամյակի հիշատակի միջոցառումներին, պատասխան նամակ է հղել, որում ասված է. ՙԴեռևս մի քանի ամիս առաջ հրավիրել եմ Ձեզ Երևան՝ 2015 թվականի ապրիլի 24-ին միասին հարգելու Հայոց ցեղասպանության անմեղ նահատակների հիշատակը: Մեզ մոտ ընդունված չէ հյուրընկալվել հրավիրվողին՝ առանց սեփական հրավերի պատասխանը ստանալու՚:

ՙԱկնհայտ է իրենց հայրենիքում`Արևմտյան Հայաստանում, Հայոց ցեղասպանության փաստի ճանաչման միջազգային գործընթացին հակազդելու նպատակով պատմության օգտագործման ցինիկ փորձ: Նշեմ նաև, որ մենք գործ ունենք պատմությունը խեղաթյուրելու հերթական փորձի հետ: Գալիպոլիի ճակատամարտը տեղի է ունեցել ոչ թե ապրիլի 24-ին, այլ` 25-ին՚,- նշել է թուրքագետը:Սաֆրաստյանը նաև ներքին համոզմունք է հյատնել`ենթադրելով, որ աշխարհի առաջատար երկրների ղեկավարները, օրինակ`Ռուսաստանի, տեղի չեն տա այդ էժան հնարքին: Թուրքագետը կարծում է, որ ապրիլի 24-ին նրանք, այնուամենայնիվ, կհավաքվեն Երևանում և հարգանքի տուրք կմատուցեն 100-ամյա ողբերգության զոհերին:Նրա խոսքով, նման նախաձեռնությամբ Անկարան երկու նպատակ է հետապնդում: Առաջինն անմիջական կապ ունի քարոզչության ոլորտին. միջոցառման կազմակերպիչները մտադիր են հասնել Ստամբուլում պետությունների ղեկավարների կողմից ամբողջ աշխարհին ուղղված բարեկամության և խաղաղության վերաբերյալ ընդհանուր հռչակագրի ընդունմանը: Երկրորդ նպատակն ամեն գնով ապրիլի 24-ին օտարերկրյա պետությունների ղեկավարների Հայաստան այցը թույլ չտալու ձգտումն է:Սաֆրաստյանը կանխատեսել է Թուրքիայի կողմից հենց ապրիլի 24-ին Հայոց ցեղասպանության զոհերի հիշատակի պղծման նման միջացառումների ամենամյա անցկացումը:  Նրա խոսքով, դա կդառնա Անկարայի կողմից Հայոց ցեղասպանության 100-ամյակի միջոցառումներին հակազդելու` արդեն մի քանի տարի տարվող նախապատրաստության շարունակությունը: անորին Beeline-ի ցանցը սպասարկել է ավելի քան 12 միլիոն զանգ  
Երևան: 19.01.15: ԱրմԻնֆո: Էրիկ Աբրահամյան: Beeline-ը տեղեկացնում է, որ Հայաստանի ամբողջ տարածքում ինչպես Ամանորի գիշերը, այնպես էլ հաջորդող արձակուրդային օրերի ընթացքում ընկերության տեխնիկական բոլոր համակարգերն աշխատել են անխափան: Ընկերության բջջային և ֆիքսված ցանցերում կապի խափանումներ չեն գրանցվել:  

2014թ. դեկտեմբերի 31-ին և 2015թ. հունվարի 1-ին Beeline բջջային  և ֆիքսված ցանցերը սպասարկել են ավելի քան 12 միլիոն մուտքային և ելքային զանգ: Նույն ժամանակահատվածի ընթացքում Beeline բջջային ցանցից ուղարկվել է մոտ 500.000 SMS-հաղորդագրություն:
ՙBeeline-ը կատարեց խոստումը. Ամանորին մեր բաժանորդները կարողացան  օգտվել անխափան ու որակյալ կապից և շնորհավորել իրենց հարազատներին, բարեկամներին ու ընկերներին

տոների կապակցությամբ: Նոր` 2015 թվականին, մենք կշարունակենք աշխատել այնպես, որ մեր ծառայութունները լինեն ամենաորակյալը, պարզն ու հարմարը մեր բոլոր հաճախորդների համար՚, - նշել է Հայաստանում Beeline-ի Գլխավոր տնօրեն Անդրեյ Պյատախինը:   

Նշենք նաև, որ դեկտեմբերի 31-ից մինչև հունվարի 1-ը Beeline-ի բջջային կապի բաժանորդներն օգտագործել են ավելի քան 25 տերաբայթ ծավալով ինտերնետ, իսկ ամանորյա տոների ընթացքում` դեկտեմբերի 31-ից մինչև հունվարի 11-ը ներառյալ, Beeline շարժական ինտերնետի բաժանորդներն օգտագործել են 166 տերաբայթ ծավալով ինտերնետ։