Հանուն շարքային քաղաքացիների. ԱԱԾ-ի, ՔԿ-ի եւ Ոստիկանության աշխատակիցների աշխատավարձերը կբարձրացնեն

Արմինֆո.Հայաստանի ազգային անվտանգության ծառայությանը, Ոստիկանությանը եւ Քննչական կոմիտեին պետական գանձարանից շուրջ 8,2 մլն ԱՄՆ դոլար կհատկացվի՝ աշխատավարձերի բարձրացման համար: Համապատասխան որոշում է կայացվել կառավարության մարտի 24-ի նիստում՝ չքննարկվող կարգով։

Փաստաթղթին կից պարզաբանման համաձայն,  4 մլրդ 103 մլն դրամ 643 մլն 500 հազար դրամ կամ 1,3 մլն ԱՄՆ դոլար կհատկացվի Քննչական կոմիտեի քննիչների աշխատավարձի բարձրացման համար։ Ֆինանսների նախարարությունում իրենց նախաձեռնությունը հիմնավորել են այն հանգամանքով, որ քրեական գործերի քանակի աննախադեպ աճի կապակցությամբ վերջին տարիներին քննիչները ծանրաբեռնված են աշխատանքով, նրանց աշխատավարձի բարձրացման անհրաժեշտություն է առաջանում: Նշվում է նաև, որ դա արվում է պաշտոններ զբաղեցնող անձանց նյութական վիճակը "փոքր-ինչ բարելավելու" և ինչ-որ չափով կադրերի արտահոսքը կանխելու նպատակով:

Ընդ որում, կառավարության նիստից առաջ վարչապետ Նիկոլ Փաշինյանը, հնարավոր է, կանխագուշակելով հասարակայնության արձագանքը տվյալ որոշմանը (ավելի վաղ իշխանությունները բարձրացրել էին դատավորների եւ իրավապահ մարմինների քննիչների թոշակները, նախատեսվում է դատավորների աշխատավարձերի բարձրացում, բայց բազմիցս մերժել են նվազագույն աշխատավարձի եւ կենսաթոշակի բարձրացումը - խմբ.), հայտարարել է, թե իշխանությունները տեղեկացված են այն մասին, որ Հայաստանում սոցիալական վիճակը վատանում է: "Բայց մենք պետք է իմանանք, որ ողջ աշխարհը գտնվում է նույն վիճակում, գնաճն աշխարհում աննախադեպ բարձր մակարդակի է։ Եվ այս առումով Հայաստանը, շատ ու շատ երկրների համեմատ, գտնվում է ավելի լավ վիճակում", - հայտարարել է նա։

Միևնույն ժամանակ, ինչպես հայտարարել է վարչապետը, ՀՀ իշխանությունները հասկանում են, որ պետք է վարեն սոցիալական խնդիրները մեղմացնող քաղաքականություն։ "Դա անում ենք այնքանով, որքանով թույլ է տալիս երկրի բյուջեն, որը ձևավորվում է հարկերի հաշվին, որոնք մենք բոլորս վճարում ենք", - ասել է նա, նշելով, որ 2021 թվականին պետական բյուջեի հարկային մուտքերի  147 մլրդ դրամով աճը՝ նախատեսված ցուցանիշի համեմատ:

Փաշինյանն անդրադարձել է քննադատության այն մասին, որ իշխանությունները բարձրացնում են իրավապահ մարմինների աշխատակիցների աշխատավարձերը, սակայն հրաժարվում է բարձրացնել աշխատավարձերը և կենսաթոշակները։ "Նախ, մի բան է բարձրացնել 500 մարդու, 5000 մարդու, նույնիսկ, 20 000 մարդու աշխատավարձերը, և բոլորովին այլ բան է՝ բարձրացնել 550 000 մարդու կենսաթոշակը։ Կամ՝ 600 000 մարդու աշխատավարձերը: Սրանք բոլորովին այլ բյուջետային ծախսեր են, բացի այդ, այդ ծախսերը  մեկանգամյա չեն, նրանք պետք է իրականացվի ընդմիշտ: Եվ, իհարկե, մենք անում ենք հնարավոր ամեն ինչ, որպեսզի կատարենք մեր նախընտրական խոստումները՝ օր առաջ", - նշել է նա։

Մյուս կողմից, նրա ասելով, իրավապահ մարմիններում եւ դատական համակարգում աշխատավարձերը բարձրացվում են, առաջին հերթին, հանուն շարքային քաղաքացիների, "քանի որ նրանք գործ ունեն հենց այդ մարդկանց ճակատագրի եւ իրավունքների հետ, եւ, հետո, այդ համակարգերի աշխատանքի որակից է կախված երկրի տնտեսության, իրավունքի, օրենքի եւ օրինականության վիճակը":