"Հայաստան" ընդդիմադիր խմբակցությունն առաջարկել է քրեականացնել Հայաստանի տարածքային ամբողջականության եւ ինքնիշխանության դեմ ուղղված հայտարարությունները

Արմինֆո. Ընդդիմադիր "Հայաստան" խմբակցությունն առաջարկել է քրեականացնել Հայաստանի տարածքային ամբողջականության եւ ինքնիշխանության դեմ ուղղված արտահայտությունները: Իշխող ուժը նախաձեռնության մեջ դիտարկել է խոսքի ազատության սահմանափակում։

Ինչպես հայտարարել է օրինագծի համահեղինակ, "Հայաստան" խմբակցության պատգամավոր Արամ Վարդեւանյանը, առաջարկվում է քրեական պատասխանատվություն սահմանել ցանկացած արտահայտության համար, որն ուղղված է Հայաստանի Հանրապետության ինքնիշխանության կամ դրա՝ Սահմանադրությամբ չնախատեսված մի մասի  մերժմանը կամ սահմանափակմանը, որը հրապարակավ արդարացնում կամ քարոզում է նշված հանցագործությունը: Նման արարքները կպատժվեն 1-2 մլն դրամի չափ տուգանքով կամ 2-4 տարի ժամկետով ազատազրկմամբ։

Վարդևանյանի խոսքով ՝ օրինագիծը վերաբերում է Հայաստանի յուրաքանչյուր քաղաքացու համար սրբազան արժեք ունեցող հանգամանքին։ Նման նախագծի անհրաժեշտությունը արդիական է դարձել 44-օրյա պատերազմից հետո, նշել է նա։ Նրա խոսքով՝ ՔՕ-ում առաջարկվող փոփոխությունները, դրանց ընդունման դեպքում, վերաբերելու են առավելապես արտաքին սպառնալիքներին։ Ասել է թե ՝ այդ կարգավորման, այսպես կոչված, "շահառուներ" կդառնան Հայաստանի սահմաններից դուրս գտնվող անձինք։ Մասնավորապես, ինչպես նշել է պատգամավորը, Հայաստանի նկատմամբ նման արտահայտություններ իրեն թույլ է տալիս Ադրբեջանի ռազմաքաղաքական ղեկավարությունը ։ "Խոսում են Հայաստանի Սյունիքի մարզի, մեր Երեւանի, մեր Սեւանի մասին։ Եվ ուզում են այդ զառանցանքի օգնությամբ կասկածի տակ դնել դրանց հայկական պատկանելությունը։ Կարծում ենք, որ դա նաեւ լավ հնարավորություն կլինի նրանց համար, ովքեր թույլ են տալիս նման արտահայտություններ, նույնիսկ, եթե նրանք գտնվում են Հայաստանի Հանրապետության տարածքից դուրս, նրանք պատասխանատվության կենթարկվեն", - նշել Է խորհրդարանականը։

Նախաձեռնության համահեղինակը համոզված է, որ օրինագիծը թույլ է տալիս հետաախուզում հայտարարել բոլոր նրանց նկատմամբ, ովքեր նման հայտարարություններ են անում, նույնիսկ, եթե նրանք կգտնվեն Հայաստանից դուրս: Պատգամավորը չի կասկածում, որ 21-րդ դարում Ադրբեջանի (ԵԽ անդամի) նկատմամբ եվրոպական հանրության անգործությունը չի կարող շարունակական լինել: "Չի կարելի իշխանությունը ժառանգել եվրոպական երկրում, չի կարելի պաշտոն ստեղծել կնոջ համար և հետո նրան նշանակել այդ պաշտոնում, և եթե այդ հոդվածը ընդունվի, քրեական հետապնդումը և հետախուզումը մի օր կսկսի պտուղներ տալ, որովհետև լռությունը մի օր կավարտվի", - ասել է նա:

Պատգամավորը նշել է, որ օրենքը վերաբերելու է նաև ՀՀ քաղաքացիներին։ Ընդ որում, նա վստահություն է հայտնել, որ Հայաստանի քաղաքացիներն իրենց նման արտահայտություններ թույլ չեն տա, չնայած Ադրբեջանից տեղեկատվական ահաբեկչությանը, իսկ պաշտոնատար անձինք, առավել եւս, չպետք է իրենց նման բան թույլ տան:

Մինչդեռ, կառավարող "Քաղաքացիական պայմանագրի" ներկայացուցիչները բացասաբար են վերաբերվել նախաձեռնությանը։ Մասնավորապես, օրինագծում նրանք դիտարկել են խոսքի ազատության սահմանափակում։ Բացի այդ, ինչպես նշել են նրանք, գործող օրենսդրությունը թույլ է տալիս պաշտպանել տարածքային ամբողջականությունը, դրա խախտման կոչերը ենթադրում են քրեական պատասխանատվություն: