ԵՄ-ում "այո" են ասել Ուկրաինայի եվրաինտեգրմանը, բայց՝  ոչ արագացված անդամակցությանը

Արմինֆո. Վերսալի գագաթնաժողովում եվրոպական առաջնորդները հանդես են եկել ԵՄ-ին Ուկրաինայի ինտեգրման օգտին: Այդ մասին Twitter-ի իր էջում գրել է Լիտվայի նախագահ Գիտանաս Նաուսեդան։

Նրա խոսքով՝ հինգ ժամ տևած թեժ քննարկումներից հետո "այո" է ասվել Ուկրաինայի եվրաինտեգրմանը։ "Գործընթացն սկսվել է։ Այժմ գործը կաղված է մեզանից եւ ուկրաինացիներից, որպեսզի դա անել արագ", - գրել է Նաուսեդան։

Վերսալում ԵՄ ոչ պաշտոնական գագաթնաժողովի արդյունքների վերաբերյալ հայտարարության մեջ, որը հրապարակվել է մարտի 11-ի գիշերը, նշվում է, որ Եվրահանձնաժողովը պետք է եզրակացություն տա Եվրամիությանն անդամակցելու Ուկրաինայի հայտին, իսկ մինչ այդ նախատեսվում է ամրապնդել գործընկերային հարաբերությունները Կիեւի հետ: "Ուկրաինան պատկանում է մեր եվրոպական ընտանիքին", - ասվում է հայտարարությունում, հաղորդել է "Էխո Կավկազա"- ն:

Փաստաթղթի վերջին ՝ հինգերորդ կետը վերաբերում է Վրաստանին եւ Մոլդովային ՝ այն երկրներին, որոնք ԵՄ - ին անդամակցելու հայտեր են ներկայացրել՝ Ուկրաինայից հետո: "ԵՄ խորհուրդը Եվրահանձնաժողովի առաջարկել է իր եզրակացությունները ներկայացնել Մոլդովայի Հանրապետության եւ Վրաստանի հայտերի վերաբերյալ", - ասվում է հայտարարությունում:

Ինչպես գրում է "Եվրոպեյսկայա պրավդա"-ն, որոշման մեջ մի շարք դրական տեղաշարժեր կան նախորդ ձեւակերպումների համեմատ, սակայն, դրանում հղում չկա Եվրամիությանը միանալու ընթացակարգի մասին ԵՄ պայմանագրի 49-րդ հոդվածին, ինչպես նաեւ չկան ոչ դրական, ոչ բացասական հիշատակումներ "արագացված ընթացակարգի" վերաբերյալ, որի ընդունման մասին խնդրել էր Ուկրաինան:

Եվրահանձնաժողովի գնահատականը կարող է երկար ժամանակ տեւել, նշել է Նիդերլանդների վարչապետ Մարկ Ռյուտեն: "ԵՄ-ին անդամակցելու համար արագացված ընթացակարգ չկա։ Դա ապտակ կլիներ Չեռնոգորիայի, Սերբիայի, Ալբանիայի եւ Հյուսիսային Մակեդոնիայի համար, որոնք այդքան երկար են սպասում անդամակցության ընթացակարգին", - հայտարարել է նա։

Ավելի վաղ Ֆրանսիայի նախագահ Էմանուել Մակրոնը հայտարարել էր, որ իրատեսական չի համարում ԵՄ-ին անդամակցելու շուրջ բանակցություններ վարել պատերազմի մեջ գտնվող երկրի հետ: "Արդյո՞ք կարող ենք բացել պատերազմի մեջ գտնվող երկրի հետ միանալու ընթացակարգը։ Ես այդպես չեմ կարծում", - ասել է Էմանուել Մակրոնը, հավելելով, որ ցանկանում է "ուժեղ ազդակ" հղել Ուկրաինային, Մոլդովային եւ Վրաստանին, որոնք վերջերս անդամակցության հայտ են ներկայացրել:

Ավելի վաղ Ուկրաինան, իսկ հետո Վրաստանը եւ Մոլդովան ԵՄ-ին արագացված անդամակցության հայտ էին ներկայացրել: