Արմինֆո.Մեծ ափսոսանքով ստիպված ենք արձանագրել, որ Ուկրաինայում և Ուկրաինայի շուրջ առկա իրավիճակը հերթական անգամ արդիականացրել է միջուկային պատերազմի սպառնալիքը։ ԱրմԻնֆո-ին այդպիսի կարծիք է հայտնել "Հանրապետություն" կուսակցության նախագահ, Հայաստանի նախկին վարչապետ Արամ Սարգսյանը։
"Մենք տեսնում ենք, որ ՌԴ-ը փորձում է այլ երկրներին ստիպել աշխարհաքաղաքական խաղ վարել սեփական կանոններով՝ հակառակ դեպքում սպառնալով ընդհուպ միջուկային զենքի կիրառմամբ։ Եվ անկախ Մոսկվայում դրա կիրառման մտադրությունների առկայությունից կամ բացակայությունից՝ իրականում, ռուսական սպառազինության կոնվենցիոնալ տեսակների անճշտությունը կարող է ստեղծել մի իրավիճակ, երբ սխալմամբ այս կամ այն եվրոպական երկրի տարածք թռած հրթիռը կարող է պատերազմ հրահրել՝ արդեն ՆԱՏՕ-ի մասնակցությամբ։ Իսկ նման պատերազմն արդեն կարող է վերաճել նաև միջուկային պատերազմի", - նշել է նա։
Որպես միջուկային սպառնալիքի եւս մեկ աղբյուր՝ Սարգսյանն առանձնացրել է Ուկրաինայի ատոմակայանների շուրջ ստեղծված իրավիճակը։ Նրա գնահատմամբ՝ Ուկրաինական ԱԷԿ-ների անվտանգ գործունեությունը բնավ կախված չէ միայն ռուս կամ ուկրաինացի զինվորականների կողմից դրանց վերահսկողությունից։ Այդ առնչությամբ Սարգսյանը նշել է, որ պատահաբար հակամարտող կողմերից մեկի արձակած արկի՝ ատոմակայաններից մեկի ռեակտորի վրա ընկնելը կարող է ընդունել գլոբալ աղետի մասշտաբներ:
Ուկրաինայի իրավիճակը, ըստ քաղաքական գործչի, Հայաստանի համար ստեղծում է ինչպես անվտանգության լրացուցիչ սպառնալիքներ, այնպես էլ՝ նոր հնարավորություններ։ Երևանի ամենաճիշտ քաղաքական գիծը՝ նման ֆոնին, նա համարում է չեզոքությունը։ Այդ կապակցությամբ Սարգսյանը Հայաստանի ղեկավարության ընթացիկ գիծը բնութագրում է որպես նորմալ եւ ճիշտ։ Ընդ որում, նա անհրաժեշտ է համարում Երևանի հետագա արտաքին քաղաքական գիծը որոշելիս հաշվի առնել, որ անկախ Ուկրաինայում պատերազմի արդյունքից, միջուկային զենքի կիրառումից կամ չկիրառումից, աշխարհն այլևս նախկինը չի լինի։
"Ուկրաինայում պատերազմի կարևոր հետևանքը մեզ համար աշխարհի զարգացած երկրների համախմբումն էր՝ այլ պետության տարածք ներխուժելու և ռազմական ուժի միջոցով նրա տարածքները բռնակցելու անհնարինության գաղափարի շուրջ։ Այս մասին է վկայում Ուկրաինայի շուրջ միջազգային կոալիցիայի քաղաքականությունը, ՌԴ-ի նկատմամբ պատժամիջոցները։ Եվ, իմ կարծիքով, դա սկզբունքորեն նոր հիմք է դնում միջազգային հարաբերություններում. ցանկացած երկիր, որը խախտել է այլ երկրի ինքնիշխանությունը, կբախվի այդ համախմբված մոտեցմանը։ Համապատասխանաբար, դա համանման հետեւանքներ կունենա նաեւ Հայաստանի պոտենցիալ եւ միանգամայն իրական ոչ բարեկամական պետությունների համար", - կանխատեսում է Սարգսյանը։
Քաղաքական գործիչ․ Հայաստանում Մոլդովական սցենարի կիրառումը կհանգեցնի հեղափոխության
Կարծիք. Ամերիկյան օրակարգը Հարավային Կովկասում ունի երկու առաջնահերթություն՝ TRIPP նախագիծը և Իրանի վրա ճնշումը
Հայ քաղաքագետը նշել է ԱՄՆ պետքարտուղարի՝ վաղը Երեւան կատարելիք այցի երկու հավանական նպատակները
Քաղաքագետ. ներքին էսկալացիան շատ արագ կհանգեցնի արտաքին էսկալացիայի
Կարծիք․ Ինչպես Հայաստանի ներսում, այնպես էլ նրա սահմաններին իրավիճակը մեծապես կախված կլինի Իրանի շուրջ գործընթացների զարգացումից
Քոչարյան․ ԵՄ և ԵԱՏՄ միջև ընտրությունը՝ դա ընտրություն է անիրականանալի երազանքի և որոշակիության միջև
Հայաստանի իշխանությունը, որպես ռուսական ուղղության այլընտրանք, ուղղակի կամ անուղղակի ակնարկում է Թուրքիայի և Ադրբեջանի ուղղությունները․ պատգամավոր
Լուկաշենկո. "Մենք չենք ցանկանում, որ Հայաստանը դուրս գա ԵԱՏՄ-ից, բայց չենք կարող դեմ գնալ հայ ժողովրդի կամքին"
Պեսկովը հասկանալի և թափանցիկ է համարել Հայաստանի շարժումը դեպի ԵՄ
Արցախից և բանակից հետո Սյունիքը կդառնա իշխանությունների թիրախը. Ռոբերտ Քոչարյան
Միրզոյանը հավաստիացնում է․ գերիների և Բաքվում պահվող անձանց հարցը մշտապես Հայաստանի իշխանությունների քննարկումների մաս է
Վոլոդին․ Մենք չենք կարող այլևս լռության մատնել այն գործընթացները, որոնք տեղի են ունենում Հայաստանում
Բունդեսթագի պատգամավորները նախատեսում են այցելել Հայաստան
