Արմինֆո. Նույնիսկ, չփորձելով այդ մասին միանշանակ խոսել, առկա իրավիճակում դա ոչ պրոֆեսիոնալ կթվա, կարծում եմ, որ Ուկրաինայում Ռուսաստանը կստանա այն, ինչ ցանկանւոմ է, իսկ ԱՄՆ-ը՝ այն, ինչ կբավարարի նրան։ ԱրմԻնֆո-ին այդպիսի կարծիք է հայտնել քաղտեխնոլոգ Վիգեն Հակոբյանը։
"Բոլորովին չբացառելով այն վարկածների կենսունակությունը, որոնք ենթադրում են որոշակի պայմանավորվածությունների առկայություն Մոսկվայի եւ Վաշինգտոնի միջեւ Ուկրաինայում պատերազմի հեռանկարների մասով, կնշեմ Եվրոպայում այն երկրների առկայությունը, որոնք մինչեւ վերջերս փորձում են խուսափել Ուկրաինայում արյունահեղությունից ։ Այդ ֆոնին հարկ է արձանագրել, որ, ի տարբերություն նույն ԱՄՆ-ի, Եվրամիությունը մեծ ցանկություն է ունեցել պայմանավորվել ՌԴ-ի հետ՝ նպատակ ունենալով սերտ համագործակցության միջոցով խուսափել անվերադարձ կետի իրավիճակից։ Բացատրությունը՝ եվրոպական շահերի եւ ԱՄՆ շահերի լիակատար համընկնման, նույնականության բացակությունն է", - նշել է նա։
Մեկնաբանելով ՌԴ-ի նկատմամբ ԱՄՆ-ի եւ ԵՄ-ի պատժամիջոցների քաղաքականության հեռանկարները՝ քաղտեխնոլոգը ենթադրել է, որ նկատի ունենալով Ուկրաինայում տեղի ունեցող իրադարձություններին Մոսկվայի բավականաչափ երկար նախապատրաստությունը, այնտեղ կանխատեսել են նաեւ պատժամիջոցների սպասվող սպեկտրը: Ընդհուպ՝ կարմիր գծերը: Այս լույսի ներքո՝ նա ընդգծել է հակառուսական պատժամիջոցների թիրախային բնույթը, նշելով, որ հենցնույն SWIFT-ից անջատվում են ռուսական բանկերը, բայց ոչ, օրինակ, ԵՄ-ի համար կենսական նշանակություն ունեցող "Գազպրոմբանկը": Կամ այլ բանկեր, որոնք սպասարկում են ռուսական գազի, նավթի կամ այլ բնական պաշարների դիմաց վճարումը։
Այդ ֆոնին՝ քաղտեխնոլոգը նաև ընդգծել է, որ Եվրոպա մատակարարվող ռուսական գազի ծավալները հասել են պատմական առավելագույնին։ Ուկրաինայի տարածքով՝ սկսած այդ տարածքում ռազմական գործողությունից։ Ուկրաինական տարանցման նման ակտիվացումը, նրա գնահատմամբ, վկայում է Եվրոպայում ռուսական "երկնագույն վառելիքի" նկատմամբ պահանջարկի եւ հայտերի աճի մասին: Ինչը Հակոբյանը պայմանավորում է Ուկրաինայում և Ուկրաինայի շուրջ առկա անորոշությամբ։
Այս լույսի ներքո՝ փորձագետը կարծում է, որ ՌԴ-ի նկատմամբ արևմտյան պատժամիջոցների քաղաքականության նպատակն ավելի շատ հոգեբանական ճնշում գործադրելն է՝ ռուսական հասարակության շրջանում վարվող արտաքին քաղաքականության նկատմամբ դժգոհություն ձևավորելու նպատակով։ Նրա գնահատականներով ՝ պատժամիջոցների հիմնական նպատակը պատժամիջոցներով պայմանավորված անհարմարության կապակցությամբ դժգոհության ձևավորումն է, հասունացումը և արտահայտումը։
"Այդ անհարմարությունը, կյանքի սովորական շրջափուլից, ռեժիմից դուրս գալը պետք է զգան հասարակության բոլոր շերտերը՝ քաղաքական վերնախավից ու նոմենկլատուրայից մինչև գյուղի բնակիչներ։ Պատժամիջոցների նպատակն է, որպեսզի ՌԴ քաղաքացիները զգան, իրենց վրա զգան Ուկրաինայում պատերազմի հետևանքները։ Հենց այդ պատճառով արևմտյան պատժամիջոցներն ուղղված են ոչ միայն անմիջականորեն օլիգարխների և պաշտոնյաների, այլև, օրինակ, եվրոպական և ամերիկյան բուհերում սովորող ռուսաստանցի ուսանողների դեմ։ Զգացին ու դժգոհեցին իշխանության գործողություններից", - ամփոփել է քաղտեխնոլոգը։