Արմինֆո. Իմ կարծիքով, դեկտեմբերի 7-ին ՄԱԿ-ի միջազգային դատարանի կայացրած վճիռը Հայաստանի համար բարենպաստ դատական ակտ էր։ ԱրմԻնֆո-ին այդպիսի կարծիք է հայտնել միջազգային իրավունքի փորձագետ, իրավաբան Արա Ղազարյանը։
Դեկտեմբերի 7-ին ՄԱԿ-ի միջազգային դատարանը բավարարել է Հայաստանի պահանջով Ադրբեջանի նկատմամբ գրեթե բոլոր ապահովման միջոցների կիրառումը եւ մերժել կողմերի ներկայացրած հայցերի շրջանակներում Բաքվի հարցումների մեծ մասը: ՄԱԿ-ի Միջազգային դատարանը, մասնավորապես, Ադրբեջանից պահանջել է դադարեցնել հայերի նկատմամբ ռասայական ատելության հրահրումը։ Համանման որոշում է կայացվել նաև Հայաստանի նկատմամբ։
"Դատավճռում ինձ ամենից շատ ուրախացրեց դատարանի մերժումը՝ ի պատասխան Բաքվի կեղծ փաստարկներին ականապատ դաշտերի քարտեզների մասով։ Քարտեզների ճշգրտությունը, նրանց տրամադրում է Հայաստանը, թե ոչ, բացարձակապես ոչ մի կապ չունի ռասիզմի դրսևորման, առավել ևս ՝ էթնիկ զտումների քաղաքականության հետ։ Բաքվի այս բոլոր փորձերը ձախողվեցին Հայաստանի ջանքերով։ Մեր իրավաբաններին հաջողվել է ապացուցել, որ ականներն ընդամենը պաշտպանության գիծ են, որը որեւէ կերպ չի խախտում միջազգային իրավունքի որեւէ նորմ", - ընդգծել է նա։
Հաագայի դատարանի վճռի մնացած բոլոր կետերը իրավաբանը գնահատում է որպես կանխատեսելի։ Այս լույսի ներքո նա նշել է նաև գերիների վերադարձին վերաբերող կետը։ Հայաստանի այս պահանջը բավարարելու դատարանի մերժումը Ղազարյանը բացատրել է նրանով, որ ռազմագերիների հայրենադարձության բոլոր հարցերը կարգավորվում են Ժնեւյան կոնվենցիաներով, մարդասիրական իրավունքով, քանի դեռ դրանցում ռասիզմի տարրեր չեն առաջանում: Մինչդեռ, հայ իրավաբաններին չի հաջողվել ապացուցել կապն Ադրբեջանում հայ գերիներին պահելու եւ նրանց ազգային պատկանելության միջեւ:
"Հենց ապացուցողական անբավարար բազան է Հաագայի դատարանի վճռի պատճառը։ Իսկ ահա գերիների կյանքն ու առողջությունը պաշտպանելու Հայաստանի պահանջը դատարանը բավարարել է։ Վերջինս նշանակում է, որ դատարանը մտավախություն ունի նրանց կյանքի և ֆիզիկական անձեռնմխելիության համար։ Ավելին, այդ մտավախությունները պայմանավորում է մեր տղաների ազգային պատկանելությամբ, այլ ոչ թե ռազմագերիների կարգավիճակի փաստով ։ Դատավճռի այս կետով ուրվագծվել են Հաագայի դատարանի ապագա վճիռների հիմքերը։ Եվ, իմ կարծիքով, մենք կարողացանք Հայաստանի համար առավել բարենպաստ դատական ակտ ստանալ մեր իրավաբանների բավականին լավ աշխատանքի շնորհիվ", - ամփոփել է Ղազարյանը։
Սեպտեմբերի 16-ին Հայաստանը ՄԱԿ-ի միջազգային դատարանում Ադրբեջանի դեմ դատավարություն է նախաձեռնել "Ռասայական խտրականության բոլոր ձևերի վերացման մասին միջազգային կոնվենցիայի" դրույթների խախտումների հիման վրա: Հայտարարությունը, մասնավորապես, ներառում է Ադրբեջանի հանդեպ պահանջ՝ ազատ արձակել բոլոր հայ ռազմագերիներին, պատանդներին եւ կալանքի տակ պահվող այլ անձանց, ձեռնպահ մնալ էթնիկ հայերի կամ այլ ազգության մարդկանց նկատմամբ ատելություն սերմանելուց; ապահովել հայկական պատմամշակութային և կրոնական ժառանգության հասանելիության և օգտագործման իրավունքը ' դադարեցնելով և պատժելով այդ օբյեկտների վանդալիզմի, ավերման և փոփոխման դեպքերը: