Պուտինը՝ Փաշինյանին. Ռուսաստանի համար շատ թանկ է Հայաստանի հետ հարաբերությունների ռազմավարական, դաշնակցային բնույթը

Արմինֆո. ՌԴ, Հայաստանի և Ադրբեջանի նախագահների եռակողմ հանդիպումից հետո կայացել է Վլադիմիր Պուտինի և ՌԴ վարչապետ Նիկոլ Փաշինյանի առանձնազրույցը:

Ինչպես հաղորդում Է Կրեմլի մամուլի ծառայությունը, Պուտինը, բացելով հանդիպումը, մասնավորապես, ասել է. "Ինչպես մենք հիմա ասել ենք, մեր եռակողմ հանդիպումից հետո, կարծում եմ, եւ Դուք համաձայն եք, հանդիպումը օգտակար էր եւ ժամանակին, նկատի ունենալով այն ամենը, ինչ տեղի է ունեցել նախկինում, ինչ տեղի է ունենում այսօր: Մենք հավաքվել ենք, որպեսզի թույլ չտանք ոչ մի ողբերգական իրադարձություն սահմանին եւ, ընդհանրապես, երկու երկրների ու ժողովուրդների միջեւ, որպեսզի առաջ գնանք, առաջ շարժվենք, ինչպես մենք ասում էինք։ Դրանում, իհարկե, շահագրգռված են տարածաշրջանի բոլոր երկրները՝ և Ռուսաստանը, և Հայաստանը, և Ադրբեջանը"։

Ընդ որում, Ռուսաստանի նախագահը հույս է հայտնել, որ ձեռք բերված պայմանավորվածությունները կզարգանան դրական առումով՝ ամենամոտ ժամանակներս եւ հնարավորինս արագ: Խոսելով երկկողմ հարաբերությունների մասին ՝ ՌԴ նախագահը ևս մեկ անգամ ընդգծել է, որ Ռուսաստանի և Հայաստանի միջև հարաբերությունները կրում են ռազմավարական, դաշնակցային բնույթ, ունեն խորը պատմական արմատներ: "Մենք դա շատ բարձր ենք գնահատում եւ ամեն կերպ կաջակցենք մեր շփումների այդ մակարդակին։ Տնտեսության մեջ Ռուսաստանը Հայաստանի խոշորագույն առևտրատնտեսական գործընկերն է, Հայաստանի տնտեսության մեջ խոշորագույն ներդրողը ։ Ճիշտ է, անցյալ տարվա ընթացքում ապրանքաշրջանառությունը մի փոքր նվազել է, բայց այս տարի այն զարգանում է արագացված տեմպերով, ես կասեի, եւ հույս ունեմ, որ կհասնենք ոչ միայն նախահամավարակային մակարդակին, այլեւ մենք առաջ կգնանք։ Վստահ եմ, որ այժմ, մեր երկկողմ հանդիպման ընթացքում, ինչպես և պայմանավորվել էինք,  եռակողմ հանդիպումից առաջ, մենք հանդիպում ունեցանք Ադրբեջանի նախագահի հետ, դուք այդ մասին գիտեիք, մենք այդպես էլ պայմանավորվել էինք, որ այդ ռեժիմով աշխատելու ենք, իսկ հիմա եռակողմ հանդիպումից հետո մենք հնարավորություն ունենք խոսել երկկողմ ձևաչափով և քննարկել մեր երկկողմ կապերի ողջ համալիրը", - ասել Է Պուտինը:

Փաշինյանն, իր հերթին, ևս մեկ անգամ շնորհակալություն հայտնելով Պուտինին հրավերի և  հանդիպումների կազմակերպման համար, համաձայնել է, որ հայ-ռուսական երկկողմ հարաբերությունները շատ կարևոր են: "Դուք արդեն ընդգծել եք, որ Հայաստանի և Ռուսաստանի միջև հարաբերությունները ռազմավարական - դաշնակցային են ։ Մենք շատ հագեցած օրակարգ ունենք գրեթե բոլոր ոլորտներում։ Մենք համագործակցում ենք, ՀԱՊԿ-ի, ԱՊՀ-ի, Եվրասիական տնտեսական միության շրջանակներում օրակարգ ունենք։ Բայց պետք է խոստովանել, որ վերջին շրջանում մեր բոլոր հանդիպումներում մեր խոսակցության շատ մեծ մասը մենք քննարկում ենք տարածաշրջանային օրակարգը, որովհետև երկուստեք կախված շատ թեմաներ կան։ Ցանկանում եմ եւս մեկ անգամ ընդգծել եւ ձեր դերը 44-օրյա պատերազմի կասեցման եւ Լեռնային Ղարաբաղում ռուս խաղաղապահների տեղակայման գործում: Շատ կարևոր են մեր տարածաշրջանում անվտանգության կայունացնող գործոնները։ Դուք այսօր բազմիցս ընդգծել եք Լեռնային Ղարաբաղի հիմնախնդրի կարգավորման կարեւորությունը ։ Միշտ այդ հարցը նույնպես քննարկվում է մեր երկկողմ հանդիպումների ժամանակ", - նշել է ՀՀ վարչապետը։

Դրա հետ մեկտեղ, նա նշել է, որ չնայած տնտեսական եւ այլ դժվարություններին, 2021 թվականին նախատեսվում է Հայաստանի Հանրապետությունում ռուսական ներդրումների որոշակի ակտիվացում: Նրա խոսքով, դա հայկական կողմի համար շատ կարեւոր է, քանի որ դա ազդանշան է ընդհանրապես ներդրողների համար, որ Հայաստանի Հանրապետությունը շատ հուսալի երկիր է տարածաշրջանների առումով:

Ընդ որում, Փաշինյանը ցավով է արձանագրել COVID-19-ի առնչությամբ շարունակվող տնտեսական դժվարությունները ։ "Բայց վերջերս մենք հաճույքով գրանցեցինք, որ Եվրասիական տնտեսական միության շրջանակներում գրանցվել է առևտրաշրջանառության ակտիվացում։ Դա նույնպես, իրոք, շատ կարեւոր է ։ Հուսով եմ, որ մեզ կհաջողվի ի վերջո գալ մեր տարածաշրջանում բոլոր տնտեսական եւ տրանսպորտային հաղորդակցությունների բացման որոշմանը, որն, իհարկե, կհանգեցնի առեւտրատնտեսական կապերի ակտիվացման Եվրասիական տնտեսական միության շրջանակներում եւ Հայաստանի ու Ռուսաստանի միջեւ երկկողմ կապերի ակտիվացմանը", - ամփոփել է ՀՀ կառավարության ղեկավարը:

Ռուսաստանի ղեկավարը համաձայնություն է հայտնել Հայաստանի վարչապետի հետ ։ "Ես լիովին համաձայն եմ Ձեզ հետ ։ Այս հաղորդակցությունները, տրանսպորտային երթուղիները, որոնց մասին այսօր մենք խոսել ենք եռակողմ ձևաչափով, չափազանց կարևոր են, ընդ որում, դրանք կարևոր են տարածաշրջանի բոլոր երկրների, այդ թվում ՝ Ռուսաստանի տնտեսության համար, քանի որ մենք շահագրգռված ենք, որպեսզի այդ կապերը մեր ռազմավարական գործընկերոջ ՝ Հայաստանի հետ լինեն հուսալի, բազմակողմանի և հեշտ գործող ողջ տարվա ռեժիմով, ինչն ամենակարևորն է ։ Հուսով եմ, որ մենք առաջընթաց կգրանցենք այս աշխատանքի ավարտական փուլում։ Կան որոշ բաներ, ես այսօր տեսել եմ, որոնք լրացուցիչ համաձայնեցում են պահանջում, բայց դրանք նույնպես այսօր մեր քննարկումների ընթացքում պարզ է դարձել, սկզբունքային բնույթ չեն կրում", - ասել է Ռուսաստանի նախագահը:

Ընդ որում, Պուտինը նշել է, որ հարցերը զուտ տնտեսական են, պրագմատիկ, սկզբունքորեն համաձայնեցված են, եւ նա կասկած չունի, որ շարժումն ամենամոտ ժամանակներս նկատելի կլինի եւ դրական կլինի: "Եվ Դուք իրավացի եք, ես ձեզ հետ համաձայն եմ, այսօրվա եռակողմ քննարկման ընթացքում այդ մասին ասել ենք. հենց որ մարդիկ տեսնեն, որ ամեն ինչ աշխատում է, մեկ այլ մթնոլորտ միանգամից կստեղծվի տարածաշրջանում, այստեղ կասկած չկա։ Այնպես որ, ես ուզում եմ շնորհակալություն հայտնել Ձեզ այսօրվա կառուցողական զրույցի համար։ Բայց մենք դեռ հնարավորություն ունենք խոսելու երկկողմ հարցերի շուրջ ։ Մենք պարբերաբար ձեզ հետ շփման մեջ ենք,  հանդիպում ենք հաճախ, եւ հեռախոսով անընդհատ կապի մեջ ենք: Բայց այսօր հնարավորություն կա անձամբ խոսել, դրա համար էլ հիմա կօգտվենք այդ հնարավորությունից", - ամփոփել է ՌԴ ղեկավարը։