Արմինֆո. Հարկ է նշել, որ նոյեմբերի 16-ի մարտերին նախորդել էր Պուտին-Փաշինյան-Ալիև հանդիպման մասին տեղեկատվությունը: Եվ, դատելով ինսայդերական տեղեկատվությունից, կարելի է արձանագրել, որ Հայաստանի վարչապետն ամենավերջին պահին հրաժարվել է դրանից։ ԱրմԻնֆո-ին այդպիսի կարծիք է հայտնել Հարավային Կովկասի հարցերով ռուս փորձագետ Անդրեյ Արեշևը։
"Որքանով ես կարող եմ դատել, պարոն Փաշինյանին այսօր մտահոգում է միայն ամեն գնով իշխանության պահպանումը, ինչի համար է նրան անհրաժեշտ է Հայաստանի համար ոչ պոպուլյար, ոչ շահավետ որոշումների համար պատասխանատվությունը սեփական անձից հնարավորինս գցել ուրիշների վրա։ Արցախի պարագայում նա այդ խնդիրը լուծել է բազմաթիվ զոհերի միջոցով՝ իրեն որպես ազգի փրկիչ ներկայացնելու նպատակով։ Եվ հիմա, երբ նրան դա հաջողվեց, նա և իր թիմը համանման սխեմայով աշխատում են նաև Սյունիքում", - ընդգծել է նա։
Ստեղծված իրավիճակի կարգավորման առավել ընդունելի ճանապարհը փորձագետը համարում է սահմանի սահմանազատման և սահմանագծման շուրջ պայմանավորվածության ձեռք բերումը։ Ըստ Արեշևի կանխատեսումների՝ որքան Երևանն ավելի երկար ձգի այս հարցի շուրջ համաձայնագրի ստորագրումը, այնքան ավելի կսրվի իրավիճակը։ Իսկ սահմանին տեղի ունեցող իրադարձությունների համար պատասխանատվությունը Ռուսաստանի վրա բարդելու փորձերը, ինչպես նաեւ Հայաստանի գրավոր դիմումները Ռուսսատանին՝ Ադրբեջանի դեմ ռազմական աջակցություն ցուցաբերելու նպատակով, նա որակում է որպես անհեռանկարային:
Ըստ Արեշևի՝ Մոսկվան այդպես էլ աջակցություն է ցուցաբերում Երևանին՝ իր հնարավորությունների առավելագույն չափով։ Իսկ Արցախում ռուս խաղաղապահների ներկայության նպատակահարմարության հարցը կտրուկ դնելու Բաքվի պոտենցիալ մտադրության լույսի ներքո, ինչին աջակցում է Անկարան, Ադրբեջանի հետ լայնամասշտաբ էսկալացիան Ռուսաստանի մտադրությունների մեջ բացարձակապես չի մտնում։ Չբացառելով Երեւանում ոմանց մոտ Հարավային Կովկասից Ռուսաստանի հեռանալու ուղղությամբ ծրագրերի առկայությունը՝ տարածաշրջանում աշխարհաքաղաքական քարտեզի վերաֆորմատավորման արդյունքում, փորձագետը նշել է, որ նման ծրագրերը ոչ մի կերպ չեն բխում հայ ժողովրդի և պետության շահերից։
"Իրենց բոլոր ակնհայտ թերություններով հանդերձ՝ Հայաստանի նախկին իշխանությունները, այսպես թե այնպես, պաշտպանում էին պետության շահերը, գործը չհասցնելով այն բանին, որ Հայաստանի և Ադրբեջանի սահմանները ստիպված հսկեին ռուսական սահմանապահները։ Այս լույսի ներքո՝ Երեւանին ուղղված հարցեր են ծագում, քանի որ Բաքուն ներկա իրավիճակում Հայաստանին պայմաններ է պարտադրում՝ օգտվելով հենց նրա ներկայիս իշխանության անգործունակությունից եւ թուլությունից։ Իսկ միակ զսպող գործոնը Ռուսաստանն է։ Իրավիճակը շարունակում է փոխվել ոչ հօգուտ Հայաստանի, ինչը պայմանավորված է 44-օրյա պատերազմում նրա կրած պարտության և տարածաշրջանում Թուրքիայի ուժեղացման հետևանքներով։ Ղարաբաղում ռուսաստանցի խաղաղապահները պահպանում են նոր ստատուս քվոն միջնաժամկետ հեռանկարում։ Արդյոք նրանք դա անելու են երկարաժամկետ հեռանկարում, հաշվի առնելով Երեւանի հեռացումը Ղարաբաղի ճակատագրից, լիովին կախված է Մոսկվայի եւ Բաքվի պայմանավորվածություններից", - ընդգծել է նա։
Վերջում Արեշեւը նշել է Հայաստանի ղեկավարության եւս մեկ թերացում՝ "Զանգեզուրի միջանցքի" հարցի վերաբերյալ հստակ դիրքորոշման բացակայությունը, ինչի արդյունքում Հարավային Կովկասում հաղորդակցությունների հարցերով եւս ստիպված է զբաղվել Մոսկվան: Ընդ որում, նրա կարծիքով, այդ թեման արհեստականորեն ուռճացվում է Բաքվի եւ Անկարայի ջանքերով, որոնց այդ միջանցքը ձեռնտու է։ Մինչդեռ, Մոսկվային ու Թեհրանին այդ միջանցքը բոլորովին պետք չէ։ Սակայն, հաշվի առնելով Լաչինում սեփական սահմանային եւ մաքսային վերահսկողություն հաստատելու Բաքվի բազմիցս արտահայտած մտադրությունները, Սյունիքի տարածքով միջանցքին առնչվող հարցը ձգձգելու դեպքում, փորձագետի կարծիքով, Երեւանի անգործունակության պայմաններում, Բաքվի հետ այդ հարցը նույնպես ստիպված կլինի համաձայնեցնել Մոսկվան:
Հայաստանի մարզերի երեխաները տեղի ՏՏ համայնքն ապահովել են կոգնիտիվ հակումների ամենամեծ գրադարանով
Իսկանդարյան. Ցանկացած տարածաշրջան ներսից ավելի մեծ և կարևոր է թվում, քան՝ դրսից
Արևելագետ. Ստամբուլի ընդդիմադիր քաղաքապետի ձերբակալությունը Թուրքիայի նախագահի նախընտրական հնարքն է 
Այսպես կոչված՝ "Զանգեզուրի միջանցքի" հարցը Հայաստանում չի լուծվելու. փորձագետ
Իսկանդարյան. Ռուսաստանի ազդեցությունը հետխորհրդային տարածքում և Հարավային Կովկասում կշարունակի նվազել
Հայաստանը պաշտպանել է ՄԱԿ Գլխավոր ասամբլեայում ընդունված հակառուսական բանաձևը
Վարդան Ղուկասյանն ընտրվել է Գյումրու քաղաքապետ
Սարգսյանը նշել է երեք հիմնական խնդիրները, որոնք անհրաժեշտ է իրագործել Հայաստանում իշխանափոխությունից հետո
Քաղաքական գործիչ. Փաշինյանը միտումնավոր զոհաբերեց Արցախը՝ Հայաստանի ռազմավարական կողմնորոշումը փոխելու համար
Վաթսուն ամերիկացի օրենսդիրներ ԱՄՆ պետքարտուղարին կոչ են արել դադարեցնել ռազմական օգնությունն Ադրբեջանին
Քաղաքագետ. 31 տարի անց Արցախն Ադրբեջանի կազմում է ճանաչել Լևոն Տեր-Պետրոսյանի քաղաքական հոգեզավակը
Փաշինյանը հայտարարել է Ղարաբաղյան շարժման դերի մասին՝ "Հայաստանի պետականության չկայացման գործում"
Փաշինյանը պարզաբանել է, թե խաղաղության համաձայնագրի շրջանակում Բաքվի հետ ինչ հարցեր են քննարկման ենթակա
Դիվանագետների համահայկական խորհուրդը քննադատել է Հայաստանի իշխանություններին՝ "խաղաղության պայմանագրով" Ադրբեջանին միակողմանի զիջումներ անելու համար
Հայաստանի նախկին ԱԳ նախարար. Փաշինյանի խաղաղությունը կապիտուլյացիայի վարպետության դաս է
Բաքվի բանտում գտնվող Ռուբեն Վարդանյանը դադարեցնում է հացադուլը
Հայաստանում հարցման մասնակիցները Եվրաինտեգրմանը նախընտրում են Ռուսաստանի հետ մերձեցումը
Դաշնակցական. Մեր գլխավոր նպատակը մնում է Նիկոլ Փաշինյանին իշխանությունից հեռացնելը
«Դօկ» կուսակցության հայտարարություն. Վարդան Ղուկասյանի ձերբակալության մասին լուրերն իրականությանը չեն համապատասխանում
Փաշինյանը քաղաքացիներին հրավիրում է Իրական Հայաստանի գաղափարախոսության նախագծի քննարկման
