Կանխատեսում. Վատի եւ վատթարագույնի միջեւ ընտրության հետեւանքները դեռ շատ երկար կանդրադառնան Հայաստանի վրա

Արմինֆո. Կեղծ, երկու քաղաքական ուժերի կողմից սահմանափակված այլընտրանքի պայմաններում հունիսին արտահերթ խորհրդարանական ընտրություններում ընտրելով վատերի և վատթարագույնների միջև՝ հայ ընտրողը սեփական ձեռքով իրեն քշեց փակուղի։ ԱրմԻնֆո-ին այդպիսի կարծիք է հայտնել հասարակական-քաղաքական գործիչ Սուրեն Սահակյանը։

"Ցավոք սրտի, այդ ընտրությունների արդյունքներն արդեն ունեն և կունենան բացասական հետևանքներ, որոնք մեր քաղաքացիները դեռ շատ երկար կզգան իրենց վրա։ Նման հետևանքներից հատկապես կառանձնացնեի քաղաքական դաշտի վերաֆորմատավորումը, ինչն արդեն հանգեցրել է այնտեղ էլ ավելի վատթար բովանդակության ի հայտ գալուն։ Եվ մենք տեսնում ենք, որ այժմ տեղի ունեցող տեղական ընտրություններում իշխող ուժի նույն գործելաոճը քաղաքական դաշտին ավելի քաոսային բնույթ է հաղորդել", - նշել է նա։

Վերջինը, Սահակյանի կարծիքով, արտահայտվում է գաղափարական հենքի վրա քաղաքական պայքարի մասին նախահեղափոխական թեզերը ոչ վաղ անցյալի փորձով փոխարինմամբ. վարչական ռեսուրսի չարաշահում, հովանավորչություն, ընդդիմության նկատմամբ ճնշումներ իրավապահների միջոցով, ոստիկանության "բացատրական աշխատանքներ", վախի մթնոլորտի ձեւավորում: Նա նաեւ նշել է, որ տեղական ընտրություններում "Քաղաքացիական պայմանագիր" կուսակցության թեկնածուների բոլոր այդ միջոցառումները, բնականաբար, շրջանցում են: Քաղաքական գործիչն այս միտումները գնահատում է որպես խիստ մտահոգիչ և ոչ մի լավ բանի չտանող։

Մեկնաբանելով կիրակի օրը մի շարք համայնքներում տեղի ունեցած տեղական ընտրությունների արդյունքները՝ Սահակյանը նշել է ընտրողների ընտրական վարքագծի տարբերությունները տեղական եւ համապետական ընտրություններում: Նրա կարծիքով, տեղական ընտրություններում, մասնավորապես, մարդիկ ընտրում են ոչ թե կուսակցություն, այլ կոնկրետ անձ՝ համայնքի ղեկավարի թեկնածու, իսկ կուսակցությունն այստեղ երկրորդ պլան է մղվում։ Մինչդեռ, իշխող "Քաղաքացիական պայմանագիր" կուսակցության նկատմամբ վստահությունը, նրա կարծիքով, զգալիորեն նվազել է եւ շարունակում է նվազել ։

"Իհարկե, այս ամենը բոլորովին չի նշանակում, որ հաջորդ շաբաթ խորհրդարանական ընտրությունների անցկացման դեպքում դրանց արդյունքները էապես կտարբերվեն հունիսյան ընտրությունների արդյունքներից։ Հատկապես, այն դեպքում, եթե ընտրությունների հիմքում կրկին լինեն իշխող կուսակցության կողմից արտաքին և ներքին թշնամու կերպարների շուրջ շահարկումները։ Ողջ հարցն այն է, թե, ըստ էության, նման ընտրություններից ինչ կարող են ստանալ մեր քաղաքացիները՝ բացի հասարակության ներսում ջրբաժանների ու խրամատների հերթական խորացումից։ Ինչպես նաև որոշ քրեական տարրերի կողմից ամենաթողության ձեռք բերումը, քաղաքական բանավեճի իջեցումը մինչև "հերոս - կապիտուլյանտ" մակարդակ և, իհարկե, առկա անորոշության էլ ավելի խորացումը։ Այս ամենը հանգեցնում է ավելի մեծ ապակողմնորոշման, իրավիճակի գնահատման չափանիշների կորստի, քաղաքականությունից, ընդհանուր առմամբ, եւ քաղաքական գործիչներից մարդկանց հիասթափության ձեւավորման։ Եւ, որպես հետեւանք՝ ոտքերով քվեարկելու մտադրությունների", - ամփոփել է Սահակյանը։

Հիշեցնենք, որ նոյեմբերի 14-ին ՀՀ կենտրոնական ընտրական հանձնաժողովի հրապարակած ՏԻՄ ընտրությունների նախնական արդյունքների համաձայն' Կապանի ընտրություններում հաղթել է համայնքի ղեկավար Գևորգ Փարսյանի գլխավորած "Շանթ" դաշինքը: Ընտրություններին մասնակցած 20 086 ընտրողներից 13 962-ը քվեարկել են "Շանթի" օգտին, իշխող "Քաղաքացիական պայմանագիր" կուսակցությունը ստացել է 5 791 ձայն: Իջեւանի ընտրություններում 12 383 ընտրողից 10 003-ը կողմ է քվեարկել "Քաղաքացիական պայմանագրին", որի ցուցակը գլխավորել է համայնքի գործող ղեկավար Արթուր Ճաղարյանը: ՀՅԴ-ն ստացել է 1 964 ձայն։ Ստեփանավանում ևս հաղթել է իշխող կուսակցությունը ՝ ի դեմս գործող քաղաքապետ Արմեն Գրիգորյանի՝  հավաքելով 4 004 ձայն ։