Ռուսաստանն ու Թուրքիան քննարկել են փոխգործակցությունը Հարավային Կովկասում

Արմինֆո. Ստամբուլում կայացել են Ռուսաստանի փոխարտգործնախարար Անդրեյ Ռուդենկոյի եւ Թուրքիայի փոխարտգործնախարար Սեդաթ Օնալի խորհրդակցությունները։

Ինչպես հաղորդում է ՌԴ ԱԳՆ մամլո ծառայությունը, կողմերը քննարկել են Հարավային Կովկասում եւ Կենտրոնական Ասիայում ռուս-թուրքական փոխգործակցությանն առնչվող հարցերի լայն շրջանակ:

Բաքվի եւ Երեւանի հարաբերությունների կարգավորման համատեքստում կարեւորվել է Ռուսաստանի, Ադրբեջանի եւ Հայաստանի ղեկավարների 2020 թվականի նոյեմբերի 9-ի եւ 2021 թվականի հունվարի 11-ի եռակողմ պայմանավորվածությունների հետեւողական իրականացումը: Ընդգծվել է Հարավային Կովկասի համար առաջիկայում <3+3> (Ադրբեջան, Հայաստան, Վրաստան, գումարած Ռուսաստան, Թուրքիա, Իրան) տարածաշրջանային խորհրդատվական մեխանիզմի գործարկման հրատապությունը:

Տեղի է ունեցել կարծիքների առարկայական փոխանակում Կենտրոնական Ասիայում տիրող իրավիճակի վերաբերյալ, այդ թվում ՝ հաշվի առնելով Աֆղանստանում տեղի ունեցած վերջին իրադարձությունները ։

Անցկացվել է "ժամացույցների ստուգում" մի շարք այլ հարցերի շուրջ, որոնք վերաբերում են ԱՊՀ տարածքում տիրող իրավիճակին, մասնավորապես, Ուկրաինայի իրադրությանը: Արձանագրվել է ռուս-թուրքական բազմապլան փոխգործակցության առաջընթաց զարգացումը։