«Նովէյր»-ը 2022 թվականի հունվարի 20-ից կանոնավոր չվերթներ կիրականացնի Երեւանի եւ Կապանի միջեւ

Արմինֆո.2022 թվականի հունվարի 20-ից կսկսվի Երեւան-Կապան-Երեւան կանոնավոր չվերթների իրականացումը: Ինչպես ասվում է կառավարության ՝ նոյեմբերի 11-ին ընդունված որոշման մեջ, Հայաստանի քաղավիացիայի կոմիտեն  համապատասխան հայտ է ստացել  «Նովէյր» ավիաընկերությունից։ Նշվում է, որ Երևան-Կապան-Երևան չվերթները կիրականացվեն շաբաթական երկու անգամ հաճախականությամբ:

Փաստաթղթին կից պարզաբանման համաձայն, կառավարությունը հավանություն է տվել Կապանի "Սյունիք" օդանավակայանին 49 508 722 դրամ հատկացնելուն, քանի որ այս պահին օդանավակայանի ֆինանսավորումը դադարեցված է, ինչի պատճառով օդանավակայանի հետագա շահագործումը կարող է վտանգվել:

Նշենք, որ ըստ ավիաընկերության կայքի՝ "Նովէյր" ՍՊԸ - ն հայկական փոխադրող է, որը տեղակայված է Երևանի Զվարթնոց միջազգային օդանավակայանում։ "Ատլանտիս" հոլդինգի մեջ մտնող ընկերությունը Հայաստանում ավիացիոն բիզնես է սկսել դեռևս 1999 թվականին։ 2000-2003թթ. փոխադրողը չարթերային թռիչքներ է կատարել ԱՊՀ քաղաքներ, իսկ 2015 թվին սկսել է կոդշերինգային համագործակցությունը "Austrian Airlines"-ի եւ "Czech Airlines" - ի հետ (մինչեւ 2018 թվականը): 2016 թվին Atlantis Holding-ին պատկանող բաժնետոմսերի 100 տոկոսը վաճառվել է UniBank-ին, առքուվաճառքի պայմանագիրն ավարտվել է 2018 թվին: