Արմինֆո.Հայաստանը հաջողությամբ դուրս է եկել լուրջ քաղաքական ճգնաժամից, որը պայմանավորված է ղարաբաղյան հակամարտությունում նրա պարտությամբ, ինչն ինքնին իսկական հաջողություն է"։
Այդ մասին ասվում է Եվրոպայի խորհրդի խորհրդարանական վեհաժողովի (ԵԽԽՎ) մոնիտորինգի հանձնաժողովի Հայաստանի հարցերով համազեկուցողներ Քիմմո Քիլյունենի եւ Բորիանա Օբերգի հայտարարության մեջ՝ նոյեմբերի 3-5-ը Հայաստան կատարած այցի արդյունքներով։
"Ճգնաժամը լուծվել է արտահերթ ընտրությունների անցկացման միջոցով, որոնք կազմակերպվել են ժողովրդավարական եղանակով՝ չնայած խիստ բեւեռացված միջավայրին։ Այս բևեռացումը, ցավոք, ներկա է Ազգային ժողովում և չի նպաստում խորհրդարանական իրական մշակույթի հաստատմանը, որտեղ մեծամասնությունն ու ընդդիմությունը միմյանց դիմակայում են կառուցողական և հարգալից ձևով ՝ հավատարիմ մնալով հստակ սահմանված և տարբեր քաղաքական կողմնորոշումներին։ Մյուս կողմից, ակնհայտ է, որ ինստիտուցիոնալ հաշվեկշիռները ստեղծվում են եւ կան որոշակի զսպումներ եւ հակակշիռներ, ինչպիսիք են մարդու իրավունքների պաշտպանը։
Մենք կարող ենք միայն կոչ անել Հայաստանի իշխանություններին շարունակել ընթանալ այդ ճանապարհով և, անհրաժեշտության դեպքում, ապահովել այլ ինստիտուտների անկախությունը, ինչպիսիք են կոռուպցիայի կանխարգելման հանձնաժողովը, օրինակ ՝ նրան տալով սահմանադրական կարգավիճակ ։
Մենք շատ լավ հասկանում ենք, որ դատական համակարգի նկատմամբ հայ բնակչության և իշխանությունների վստահությունը ցածր է արդեն մի քանի տարի։ Հետևաբար, եթե դատական համակարգի բարեփոխումն անհրաժեշտ է, ապա այն պետք է իրականացվի եվրոպական չափանիշներին համապատասխան, մասնավորապես, դատավորների պաշտոնավարման երաշխավորության սկզբունքի նկատմամբ այն պայմաններում, որտեղ պահպանվում է նրանց պաշտոնի արժանապատվությունը, և որտեղ նրանց բարեխղճությունը չի ենթարկվում կոլեկտիվ և հրապարակային կասկածի։
Ինչ վերաբերում է ԶԼՄ-ների հետ կապված իրավիճակին, մենք գիտակցում ենք, որ Հայաստանի իշխանությունները բախվում են ապատեղեկատվության աննախադեպ մակարդակի և Լեռնային Ղարաբաղի հակամարտության ժամանակներից ի վեր թշնամանքի լեզվի։ Դա կարող է բացատրել նրանց պատրաստակամությունը խստացնելու կարծիքների արտահայտման ազատության շրջանակները՝ վիրավորանքների համար տուգանքների ավելացմամբ կամ "լուրջ վիրավորանքների" քրեականացմամբ, ինչպես դա արել են, համապատասխանաբար, մարտ եւ հուլիս ամիսներին: Սակայն կան նաեւ այլ գործիքներ, բացի կանխարգելիչ բացառիկ պատժամիջոցներից, եւ մենք կոչ ենք անում Հայաստանի իշխանություններին մշակել համալիր միջին եւ երկարաժամկետ ռազմավարություն ՝ ուղղված ԶԼՄ-ների սեփականության թափանցիկության, լրագրողների խախուտ կարգավիճակի եւ ինքնակարգավորման մեխանիզմների խնդիրների լուծմանը, քանի որ այդ հարցերն ուղղակիորեն կապված են ԶԼՄ - ների ոլորտում թշնամանքի լեզվի տարածման հետ", - ասված է համազեկուցողների հայտարարության մեջ:
Նրանք նաեւ ընդգծել են, որ իրենց այցը սահմանամերձ Երասխ քաղաք հիշեցրել է, որ համապարփակ խաղաղ համաձայնագրի բացակայության պայմաններում պահպանվում է վտանգավոր իրադրությունը, եւ խաղաղ բնակիչները վճարում են դրա համար: "Սակայն բարդ պայմաններում Հայաստանը կարողացավ շարունակել շարժումը ժողովրդավարության, օրենքի գերակայության և մարդու իրավունքների ճանապարհով, և դա ողջունելի է", - եզրափակել են համազեկուցողները:
Քնարիկ Հովհաննիսյան. Հայաստանի ջրային քաղաքականությունն անմխիթար վիճակում է
Հայաստանում բողոքի ակցիաները երկու բաղադրիչ ունեն՝ օբյեկտիվ և արտաքին. քաղաքագետ
Գեներալ-մայոր. Հայաստանն այսօր պատրաստ չէ Թուրքիայի և Իրանի հետ սահմանների ինքնուրույն պահպանությանը
Փորձագետ. ԵՄ-ը սեփական շահերն է հետապնդում Հարավային Կովկասի տարածաշրջանում
Ադրբեջանը "մուկ ու կատու" է խաղում Հայաստանի և աշխարհի հետ. վերլուծաբան
Փաշինյանը չի ճանաչել Արցախը, փոխարենը ճանաչել Է Պաղեստինը. քաղաքագետ
Վերախմբավորումից հետո մեր շարժումն էլ ավելի մասշտաբային կդառնա. արքեպիսկոպոս
Ֆրանսիացի հայտնի գործիչները Մակրոնին խնդրում են ֆրանսիական զորքեր ուղարկել Հայաստան 
Ընդդիմադիր պատգամավորների կողմից իրենց մանդատները վայր դնելու հարցն օրակարգում է. Մինասյան 
"Տավուշ հանուն հայրենիքի" շարժումը մարզերում հանդիպումներ կունենա ՀՀ քաղաքացիների հետ
Մեկնարկել է ավտոերթը դեպի Գյումրի՝ գյումրեցի Բագրատ Գալստանյանի գլխավորությամբ
Այս տարօրինակ լռությունն ընդհատելու ժամանակն է. Դիվանագետների համահայկական խորհուրդը դիմել է օտարերկրյա դիվանագիտական առաքելություններին և միջազգային կազմակերպություններին
Երեւան է այցելել Պենտագոնի ՊՎՆԳ վտանգների համատեղ նվազեցման ղեկավարության տնօրենը
ՀՀ վարչապետ. Ես՝ անձամբ, գիտեմ մեր դեմ պատերազմի նախապատրաստմանը ՀԱՊԿ, առնվազն, երկու պետությունների մասնակցության մասին
Կարծիք. Բաքվում Լուկաշենկոյի հայտարարություններն ակնհայտորեն ցույց են տալիս Հայաստանի և Ադրբեջանի դիվանագիտության աշխատանքի արդյունքները
Հարցում. Հայաստանում հարցվածների կեսից ավելին դրական է գնահատում "Տավուշը հանուն հայրենիքի" շարժումը
Փորձագետներն ու քաղաքագետները վերլուծել են "Հայաստանի շուրջ առկա խնդիրները և դրանց հնարավոր լուծումները"
