Wildberries-ը արտոնություն է գործարկել Հայաստանում

Արմինֆո.Ռուսաստանի խոշորագույն առցանց մանրածախ Wildberries-ը հայտարարել է Հայաստանում պատվերների տրամադրման գործընկերական բրենդային կետերի բացման ծրագրի մեկնարկի մասին:

Ինչպես ասվում է Wildberries-ի  հաղորդագրությունում, այժմ ձեռներեցները կարող են ինքնուրույն բացել ինքնաարտահանման կետեր և եկամուտ ստանալ պատվերներ տալու համար. նրանց միջին շրջանառությունը մեկ տարվա ընթացքում աճել է 1,5 անգամ, մինչև 4-5 մլն ռուբլի (27-35 մլն դրամ) ամսական, իսկ Wildberries-ի սուբսիդավորման ծրագիրը թույլ կտա արագ մարել ներդրումները:

Նշվում է, որ 2021 թվականի հոկտեմբերից Հայաստանի ձեռներեցները հնարավորություն են ունեցել ոչ միայն իրացնել իրենց ապրանքները Wildberries-ի միջոցով, այլ նաեւ լրացուցիչ եկամուտ ստանալ պատվերների միջնորդավճարների տեսքով:

Wildberries-ի հետ գործընկերային կետ կարող են բացել բոլոր ցանկացողները՝ իրավաբանական անձի առկայության դեպքում: Դրա համար բավական է գրանցվել iOS-ի կամ Android-ի հիման վրա WB Point բջջային հավելվածում եւ տրամադրել տարածքի մասին տեղեկություններ:

"Wildberries-ը  Հայաստանում վաճառքը գործարկել է 2018 թվականին։ Մենք տեսնում ենք, որ երկրում առցանց գնումների ժողովրդականությունը շարունակում է աճել արագ տեմպերով, ուստի մենք նախատեսում ենք զգալիորեն մեծացնել Wildberries-ի պատվերների կետերի ցանցը տեղական բիզնեսի հետ համատեղ: Դառնալով պատվերների տրամադրման գործընկերային կետի սեփականատեր՝  ձեռներեցները ստանում են կայուն եկամուտ՝ Wildberries մեծ գնումների շնորհիվ: Ամեն օր մեզ մոտ ձեւակերպվում է ավելի քան 2,3 մլն պատվեր, եւ գնողական ակտիվությունը շարունակում է աճել", - ասվում է Wildberries-ի մամուլի ծառայության հաղորդագրությունում։

Որպես աջակցության իր ապագա գործընկերներին Wildberries-ը տրամադրում է սուբսիդիաներ առաջին 4 ամիսների ընթացքում պատվերների տրամադրման կետի շրջանառությունից՝ հավելյալ վարձատրության տեսքով: Նաեւ գործարարները կարող են Wildberries-ում ապառիկով կահույք ձեռք բերել իրենց տարածքի բարեկարգման համար:

Ընկերությունում հույս ունեն, որ սուբսիդիաների նման ծրագիրը թույլ կտա ձեռներեցներին ավելի արագ փոխհատուցել ներդրումները կետի բացման գործում, որի փոխհատուցման միջին ժամկետը մոտ 3 ամիս է:

Wildberries - ը պատվերների տրամադրման գործընկերային կետերի բացման հնարավորությունը իրականացրել է 2020թ.սեպտեմբերին: Ներկայումս դրանց ընդհանուր թիվը Ռուսաստանի տարածքում գերազանցում է 8,5 հազար: 2021 թ. հոկտեմբերին այդ կետերի միջին շրջանառությունը սեպտեմբերի համեմատ աճել է 1,5 անգամ և հասել մոտ 4-5 մլն ռուբլու:

Պատվերների տրամադրման կետերի բացման վերաբերյալ մանրամասներին եւ պայմաններին կարելի է ծանոթանալ point.wb.ru/promo/index.html հղումով:

Wildberries-ը շուկայում գործում է 17 տարի:  Ընկերության ներկայության աշխարհագրությունն ընդգրկում է 17 երկիր ՝ Ռուսաստան, ԱՄՆ, Լեհաստան, Սլովակիա, Բելառուս, Ղազախստան և այլն ։  Wildberries - ի շրջանառությունը 2020 թվականին աճել է 96 տոկոսով եւ հասել 437,2 մլրդ ռուբլու: Wildberries - ում օրական ձեւակերպվում է 2,3 մլն պատվեր, առցանց-մանրածախ առեւտրի լսարանը՝ ավելի քան 92 մլն մարդ: 2021 թվականի հոկտեմբերի 1-ի տվյալներով ՝ Wildberries-ի միջոցով իրենց ապրանքները վաճառում են ավելի քան 340 000 ռուսաստանցի գործարարներ: Wildberries-ի տեսականին ներառում է 18 մլն SKU ապրանք 200 000 ռուսական և արտասահմանյան ապրանքանիշերից ՝ հագուստ և կոշիկ, աքսեսուարներ, հարդարանքի ապրանքներ, մանկական ապրանքներ, տեխնիկա և Էլեկտրոնիկա, կենցաղային ապրանքներ, ոսկերչական իրեր, սննդամթերք, գրքեր, թվային ապրանքներ և այլն: Ապրանքների շուրջ 50 տոկոսն արտադրված է Ռուսաստանում:

Ընկերությունն 1-ին տեղն է զբաղեցնում Forbes-ի "Ռունետի 10 գլխավոր վաճառողների" վարկանիշում: Հինգ տարի անընդմեջ Wildberries-ը Ռուսաստանի խոշորագույն ինտերնետ-խանութն է առցանց վաճառքի ծավալով՝ Data Insight վերլուծական գործակալության տվյալների համաձայն: Wildberries-ը այցելությունների քանակով Ռուսաստանի խոշորագույն ինտերնետ-ռեսուրսների տասնյակում է՝ ըստ SimilarWeb-ի տվյալների: