Արմինֆո.Թվիթերում ադրբեջաներենով սկսել է գործել Իրանի հոգևոր առաջնորդ այաթոլլահ սեյյեդ Ալի Խամենեիի էջը: Այդ մասին հաղորդել է Երեւանի պետական համալսարանի արեւելագիտության ֆակուլտետի իրանագիտության ամբիոնի վարիչ Վարդան Ոսկանյանը։
«Սա, ըստ էության, նշանակում է, որ նա այլևս հանդես է գալու նաև որպես Ադրբեջանի շիաների հոգևոր առաջնորդ՝ իր ուղերձներն այսուհետ փոխանցելով նրանց համար հասկանալի լեզվով։ Փաստացիորեն, Իրանում ստեղծվում է Բաքվի բռնապետի իշխանությանը զուգահեռ, իսկ գաղափարական ազդեցության առումով նույնիսկ դրանից ավելի հզոր, մեկ այլ իշխանություն, որը տարածվելու է հենց Ադրբեջանի վրա», - գրել է իրանագետը «Ֆեյսբուքի» իր էջում։