Արմինֆո.Չեմ կարծում, որ չափազանցություն կլինի Իլհամ Ալիեւին բնորոշել որպես մեր տարածաշրջանում իրավաբանական տեսանկյունից առավել վտանգի ենթարկա անձ։ Նրան Հաագայի միջազգային քրեական դատարանն է սպասում։ ԱրմԻնֆո-ին այդպիսի կարծիք է հայտնել Հայաստանի կառուցողական կուսակցության ղեկավար, քաղաքագետ Անդրիաս Ղուկասյանը։
"Այս լույսի ներքո՝ հենց Ալիևն է այսօր հանդիսանում տարբեր նախագծերի ամենաակտիվ նախաձեռնողը ։ Հենց նա է պարբերաբար տարբեր առաջարկներ է հնչեցնում՝ փորձելով տարբեր քայլերով հասնել, հիմնականում, իր իսկ կողմից հրահրված բազմաթիվ խնդիրների լուծմանը։ Դրանով նա փորձում է իր վրայից գցել կատարված հանցագործությունների համար պատասխանատվության բեռը և ինչ-որ կերպ դուրս գալ արդեն իրեն բացահայտ սպառնացող Իրանին առնչվող իրավիճակից", - ընդգծել է նա։
Հենց դրանով է, ըստ Ղուկասյանի, մեծապես պայմանավորված տարածաշրջանում դիտվող ակտիվությունը։ Իսկ հնչեցվող առաջարկներն աստիճանաբար ստանում են ավելի մեծ սպեկտր, ընդհուպ տարիներ շարունակ դարակում փոոշոտված Գոբլի ծրգրի հիշատակումներ։ Այսպիսով, ըստ քաղաքագետի, այսօր Ալիևին քրեական պատասխանատվությունից փրկելու գործում արդեն ակտիվորեն ներգրավված է, առնվազն, երեք երկիր՝ Թուրքիան, Ռուսաստանը և Իսրայելը։
Մյուս կողմից, Իրանը, քաղաքագետի գնահատմամբ, արդեն վերջնագիր է ներկայացրել Ալիևին' Իսրայելին Ադրբեջանի տարածքներ տրամադրելուց հրաժարվելու պահանջով: Քանի որ Թեհրանում, դատելով ըստ ամենայնի, համոզված են Ադրբեջանի տարածքից Իրանի վրա հարձակում նախապատրաստելու Երուսաղեմի ծրագրերում։ Ընդհանուր առմամբ, Ղուկասյանը հակված է տարածաշրջանում տեղի ունեցողը համարել երկարատեւ գործընթաց։ Մասնավորապես, նրա կարծիքով, քիչ ջուր չի հոսի մինչև Իրանի շուրջ իրավիճակը հանդարտվի։
"Իսկ ինչ վերաբերում է Հայաստանի իշխանությունների արձագանքին տարածաշրջանում տեղի ունեցող բոլոր իրադարձություններին, ապա այն շատ պասիվ է։ Երևանը, դատելով առկա բոլոր ցուցիչներից, ավելի շուտ նախընտրում է լինել օբյեկտ, քան Միջազգային հարաբերությունների և աշխարհաքաղաքականության սուբյեկտ։ Հենց այդպես էլ, համապատասխանաբար, Հայաստանն ընկալվում է Հարավային Կովկասում մշտապես աճող աշխարհաքաղաքական բոլոր դերակատարների կողմից։ Մեծ ափսոսանքով ստիպված ենք արձանագրել, որ Հայաստանը չունի անգամ սեփական շահերը պաշտպանելու, առավել եւս, նպատակներ դնելու եւ դրանց հասնելու ուղղությամբ շարժվելու տեսանելի ձգտում", - ամփոփել է Ղուկասյանը։