Արմինֆո. Իրանի հյուսիս-արևմուտքում, որոշ հարևան երկրներում տեղի ունեցող իրադարձությունները պետք է կարգավորվեն օտարերկրացիների ներկայությունը կանխելու ճանապարհով։ Այդ մասին հայտարարել Է Իսլամական հեղափոխության գերագույն առաջնորդ այաթոլլա Ալի Խամենեին՝ տեսակոնֆերանսի ռեժիմով ելույթ ունենալով ԻԻՀ ԶՈւ սպայական բուհերի շրջանավարտների արարողության ժամանակ։
"Իրանի հյուսիս-արևմտյան սահմանների մոտ, որոշ հարևան պետություններում տեղի ունեցող իրադարձությունները պետք է որոշվեն ելնելով այս տրամաբանությունից. ձեռնպահ մնալ օտարին ռազմական ներկայության թույլտվություն տրամադրելուց։ Բոլորը թող հիշեն. եթե ինչ-որ մեկը փոս փորի իր եղբայրների համար, նա՝ ինքը, դրա մեջ կընկնի", - ասել է առաջնորդը։
"Երկրի անվտանգությունը առաջընթացի հունով բոլոր ոլորտների գործունեության հիմնարար հիմքն է։ Նա, ով կարծում է, թե կարող է իր անվտանգությունն ապահովել ուրիշի վրա հենվելով, թող իմանա, որ դրա համար շուտով իրեն ապտակ է սպասում", - ասել է Իրանի առաջնորդը։
Նրա ասելով, Իրանի զինված ուժերի համբավը կայանում է նրանում, որ նրանք որպես ամուր ամրոց են ծառայում երկրի եւ ժողովրդի համար: "Կարևոր փորձությունների ընթացքում ԻԻՀ ԶՈւ-ն ապացուցել է, որ ի զորու է ապահովել երկրի անվտանգությունը՝ ինչպես սահմանների անվտանգությունը, այնպես էլ ներքին անվտանգությունը։ Օրինակ է ծառայում Սրբազան պաշտպանությունը, երբ նրանք կարողացան վտարել ագրեսորի ուժերին", - ընդգծել է այաթոլլա Խամենեին։
"Տարբեր սպառազինությամբ հագեցած ԱՄՆ բանակը ներխուժել էր Աֆղանստան՝ թալիբներին տապալելու համար։ 20 տարի նրանք սպանում ու հանցագործություններ էին կատարում այդ երկրում. թմրանյութեր էին տարածում ու ոչնչացնում թույլ ենթակառուցվածքը։ 20 տարի անց նրանք իշխանությունը հանձնեցին թալիբներին և դուրս բերեցին իրենց զորքերը", - հիշեցրել է Իրանի առաջնորդը։
Նրա խոսքով՝ օտար բանակների, այդ թվում՝ Ամերիկայի բանակի ներկայությունը մեր տարածաշրջանում քայքայման գործոն է։ "Բոլորը պետք է ձգտեն, որպեսզի պետությունները լինեն ինքնիշխան, բանակները պետք է լինեն անկախ, հենվեն ժողովրդի վրա և համագործակցեն հարևան երկրների բանակների հետ։ Դրանում է տարածաշրջանի բարօրությունը։ Երկրի անվտանգությունը չպետք է գտնվի օտարերկրացիների իշխանության ներքո։ ԵՄ-ի եւ ԱՄՆ-ի միջեւ վերջին վեճերում Եվրոպան հայտարարել է, որ ԱՄՆ-ն իր թիկունքին դաշույն է խրել: Եվրոպան զգում է, որ իր անվտանգությունն ապահովելու կարիք ունի՝ անկախ ՆԱՏՕ-ից, որտեղ գլխավոր անդամն ԱՄՆ-ն է", - ընդգծել է Այաթոլլա Խամենեին։
"Ցանկացած պետության համար ամենաաղետալի դժբախտությունն այն է, երբ օտարները միջամտում են նրա անվտանգության հարցերին, նրա համար խաղաղություն եւ պատերազմ են նախագծում եւ ցուցում տալիս նրան։ Դուք տեսնում եք՝ այսօր, նույնիսկ, եվրոպական երկրները, որոնք ապրում են ՆԱՏՕ-ի վահանի հետեւում, ցանկանում է գործել անկախ", - ամփոփել է առաջնորդը, հաղորդում է IRNA գործակալությունը:
Նշենք, որ հոկտեմբերի 1-ից Իրանի զինված ուժերը լայնածավալ զորավարժություններ են անցկացնում երկրի հյուսիս-արևմուտքում ՝ Ադրբեջանի հետ սահմանի երկայնքով։ Այդ զորավարժությունները նյարդային արձագանք են հաարուցել Ադրբեջանում։ Մասնավորապես, Ադրբեջանի նախագահ Իլհամ Ալիևը հրապարակավ վրդովմունք է հայտնել այն առնչությամբ, որ այդ հատվածում նման վարժանքներ անցկացվում են առաջին անգամ, և՝ միայն այն բանից հետո, երբ այդ տարածքները հայտնվել են ադրբեջանական կողմի վերահսկողության տակ (մինչև Ադրբեջանի աշնանային ագրեսիան տարածքները Լեռնային Ղարաբաղի վերահսկողության տակ էին - խմբ.): Իրանում Ալիեւի նման հայտնությունը տարակուսանքով են ընդունել, ընդգծելով, որ իրանական կողմն ինքն է որոշում, թե երբ է զորավարժություններ անցկացնում եւ՝ ինչ ձեւաչափով, հավելելով, որ Թեհրանը թույլ չի տա սիոնիստական ռեժիմի ակտիվացում ու տեղաշարժ իր սահմանների մոտ:
Քնարիկ Հովհաննիսյան. Հայաստանի ջրային քաղաքականությունն անմխիթար վիճակում է
Հայաստանում բողոքի ակցիաները երկու բաղադրիչ ունեն՝ օբյեկտիվ և արտաքին. քաղաքագետ
Գեներալ-մայոր. Հայաստանն այսօր պատրաստ չէ Թուրքիայի և Իրանի հետ սահմանների ինքնուրույն պահպանությանը
Փորձագետ. ԵՄ-ը սեփական շահերն է հետապնդում Հարավային Կովկասի տարածաշրջանում
Ադրբեջանը "մուկ ու կատու" է խաղում Հայաստանի և աշխարհի հետ. վերլուծաբան
Փաշինյանը չի ճանաչել Արցախը, փոխարենը ճանաչել Է Պաղեստինը. քաղաքագետ
Վերախմբավորումից հետո մեր շարժումն էլ ավելի մասշտաբային կդառնա. արքեպիսկոպոս
Ֆրանսիացի հայտնի գործիչները Մակրոնին խնդրում են ֆրանսիական զորքեր ուղարկել Հայաստան 
Ընդդիմադիր պատգամավորների կողմից իրենց մանդատները վայր դնելու հարցն օրակարգում է. Մինասյան 
"Տավուշ հանուն հայրենիքի" շարժումը մարզերում հանդիպումներ կունենա ՀՀ քաղաքացիների հետ
Պետդեպարտամենտ. Վաշինգտոնում հստակ գնահատական չունեն՝ Լեռնային Ղարաբաղում տեղի ունեցածը գաղթ էր, թե էթնիկ զտում
Մեկնարկել է ավտոերթը դեպի Գյումրի՝ գյումրեցի Բագրատ Գալստանյանի գլխավորությամբ
Այս տարօրինակ լռությունն ընդհատելու ժամանակն է. Դիվանագետների համահայկական խորհուրդը դիմել է օտարերկրյա դիվանագիտական առաքելություններին և միջազգային կազմակերպություններին
Երեւան է այցելել Պենտագոնի ՊՎՆԳ վտանգների համատեղ նվազեցման ղեկավարության տնօրենը
ՀՀ վարչապետ. Ես՝ անձամբ, գիտեմ մեր դեմ պատերազմի նախապատրաստմանը ՀԱՊԿ, առնվազն, երկու պետությունների մասնակցության մասին
Կարծիք. Բաքվում Լուկաշենկոյի հայտարարություններն ակնհայտորեն ցույց են տալիս Հայաստանի և Ադրբեջանի դիվանագիտության աշխատանքի արդյունքները
Հարցում. Հայաստանում հարցվածների կեսից ավելին դրական է գնահատում "Տավուշը հանուն հայրենիքի" շարժումը
Փորձագետներն ու քաղաքագետները վերլուծել են "Հայաստանի շուրջ առկա խնդիրները և դրանց հնարավոր լուծումները"
