Ռուսաստանի ԱԳ նախարարը գնահատական է տվել Հայաստանի եւ Վրաստանի հետ հարաբերություններին  

Արմինֆո. Հայաստանի և Վրաստանի հետ հարաբերություններով մենք զբաղվում ենք որպես Ռուսաստանի Դաշնության արտաքին գործերի նախարարության ներկայացուցիչներ։ Այդ մասին Ռուսաստանի արտաքին քաղաքական գերատեսչության ղեկավար Սերգեյ Լավրովը հայտարարել է Մոսկվայի Միջազգային հարաբերությունների պետական ինստիտուտի (ՄԳԻՄՕ) առաջինկուրսեցիների հետ հանդիպման ժամանակ ՝ անդրադառնալով Հայաստանի և Վրաստանի հետ հարաբերություններին։

"Հայաստանը մեր դաշնակիցն է։ Երեկ մեզ մոտ էր նոր արտաքին գործերի նախարարը, մենք լավ բանակցություններ վարեցինք: Երկկողմ առումով մենք ունենք շատ հարուստ օրակարգ. և այցելությունների փոխանակում, և խոշոր նախագծերի իրականացում, տնտեսական համագործակցության զարգացում ։ Այս ամենը բավականին ինտենսիվ և վստահ է ընթանում", - ասել է ՌԴ ԱԳ նախարարը։

Դրա հետ մեկտեղ, Լավրովը նշել է Լեռնային Ղարաբաղի հակամարտության առկայությունը, որի հանդարտեցման գործում անցյալ տարվա նոյեմբերին Ռուսաստանն առանցքային դեր է խաղացել: Այդ համատեքստում նա հիշեցրել է Ռուսաստանի, Հայաստանի եւ Ադրբեջանի ղեկավարների մակարդակով 2020 թվականի նոյեմբերի 9-ին եւ ընթացիկ տարվա հունվարի 11-ին տրանսպորտային եւ տնտեսական կապերի ապաշրջափակման վերաբերյալ եռակողմ հայտարարությունների մասին: "Այս աշխատանքը մեկ օրվա չէ, եւ դրանով զբաղվում են անձամբ երեք երկրների առաջնորդները, ինչպես նաեւ մեր զինվորականները, որոնք կազմում են ռուսական խաղաղապահ զորակազմը Լեռնային Ղարաբաղում ՝ ամեն օր գետնի վրա, լարվածության թուլացման եւ վստահության հաստատման համար", - ասել Է Լավրովը: Նա հավելել է, որ ռուս սահմանապահները նաեւ օգնում են հայ դաշնակիցներին հարցեր լուծել ադրբեջանցի հարեւանների հետ:

Ինչ վերաբերում Է Վրաստանին, ապա հարաբերություններ գրեթե չկան։ "Կա, իհարկե, առևտուր՝ ոչ փոքր: Մենք Վրաստանի առաջատար գործընկերն ենք։ Կան Զբոսաշրջություն. մեր մարդիկ սիրում են այցելել Վրաստան, ես՝ ինքս, շատ եմ սիրում այդ երկիրը։ Բայց ինչ վերաբերում է պաշտոնական միջպետական, դիվանագիտական հարաբերություններին, ապա դրանք չկան", - ասել է ՌԴ ԱԳ նախարարը, հիշեցնելով, որ հարաբերությունները խզվել են պաշտոնական Թբիլիսիի նախաձեռնությամբ։ 

Լավրովը նաեւ հաղորդել է, որ Ռուսաստանը դեռեւս 1,5 տարի առաջ ցանկանում էր Վրաստանին ընդառաջ քայլ անել եւ նաեւ Վրաստանի քաղաքացիների համար առանց վիզայի ռեժիմ հայտարարել ՌԴ այցելելու նպատակով, սակայն տհաճ եւ կոպիտ միջադեպ է տեղի ունեցել ռուսական խորհրդարանական պատվիրակության դեմ, որից հետո վրացական կողմը ներողություն չի խնդրել, եւ որոշումը սառեցվել է: Ռուս նախարարը հավելել է, որ Մոսկվան այն ժամանակ պատրաստ էր վերսկսել կանոնավոր ավիահաղորդակցությունը։ "Եթե Վրաստանն իսկապես դա ցանկանում է,  ոչ թե ռուսական խաղաքարտը խաղարկում է Արեւմուտքի հովանավորությունը պաշտպանելու համար, այլ ցանկանում է նորմալ ապրել մեզ հետ՝ որպես հարեւան, ապա մենք դրան պատրաստ ենք", - ամփոփել է Ռուսաստանի արտգործնախարարը: