Արմինֆո.Ռուսաստանի եւ Տաջիկստանի հակաօդային պաշտպանության միավորված տարածաշրջանային համակարգի ստեղծման մասին համաձայնագիրն անցնում է վավերացման ընթացակարգը, նման նախագծեր են քննարկվում Ղրղզստանի, Ղազախստանի եւ Հայաստանի հետ:
Այդ մասին հայտարարել է ԱՊՀ երկրների պաշտպանության նախարարների խորհրդին առընթեր ՀՕՊ հարցերով համակարգող կոմիտեի նախագահի տեղակալ, գեներալ-գնդապետ Յուրի Գրեխովը։ Նա նաեւ նշել է, որ շարունակվում է ՌԴ-ի և Հայաստանի Հանրապետության, Ղազախստանի Հանրապետության միջև համաձայնագրերի գործնական իրականացման աշխատանքը:
Այժմ ԱՊՀ ՀՕՊ-ի միավորված համակարգի ուժերի եւ միջոցների կազմում ընդգրկված են 19 ավիացիոն զորամասեր, զենիթային հրթիռային զորքերի 38 զորամասեր, ռադիոտեխնիկական զորքերի 15 զորամասեր, ՀՕՊ ինը բրիգադ եւ ռադիոԷլեկտրոնային պայքարի երեք զորամասեր: Այդ ուժերի եւ միջոցների ղեկավարումն իրականացվում է ազգային հրամանատարությունների կողմից, իսկ համատեղ գործողությունների համակարգումն իրականացնում է ՀՕՊ հարցերը համակարգող կոմիտեի նախագահը: