Մոսկվան ներկայացրել է Միրզոյան-Լավրով բանակցությունների օրակարգը

Արմինֆո. Հայաստանի Հանրապետության արտաքին գործերի նախարար Արարատ Միրզոյանն աշխատանքային այցով կմեկնի Ռուսաստանի Դաշնություն: Այդ մասին հաղորդում է Ռուսաստանի ԱԳՆ-ը:

Ռուսաստանի արտաքին քաղաքական գերատեսչությունում նշել են, որ բանակցությունների ընթացքում Ռուսաստանի ԱԳՆ-ում նախատեսվում է քննարկել հարցերի ողջ սպեկտրը երկկողմ համագործակցության, ԵԱՏՄ,  ՀԱՊԿ և ԱՊՀ գծով արտաքին քաղաքական փոխգործակցության, ՄԱԿ-ում, ԵԱՀԿ-ում, Եվրոպայի խորհրդում և այլ միջազգային ֆորումներում դիրքորոշումների համակարգման վերաբերյալ:

"Տեղի կունենա մտքերի առարկայական փոխանակում միջազգային և տարածաշրջանային թեմաների շուրջ ։ Կքննարկվի ՌԴ ԱԳՆ - ի եւ ՀՀ ԱԳՆ-ի միջեւ 2020-2021թթ. խորհրդատվությունների ծրագրի կատարման ընթացքը:

Հանդիպման առանցքային թեմաներից մեկը կլինի Ադրբեջանի, Հայաստանի եւ Ռուսաստանի ղեկավարների 2020 թվականի նոյեմբերի 9-ի եւ 2021 թվականի հունվարի 11-ի պայմանավորվածությունների իրականացման հետ կապված հարցերի ողջ համալիրի դիտարկումը: Կքննարկվեն Լեռնային Ղարաբաղի եւ հարակից շրջանների հումանիտար խնդիրները, իրավիճակը հայ-ադրբեջանական սահմանին եւ Հարավային Կովկասում տնտեսական ու տրանսպորտային կապերի ապաշրջափակման գործընթացը", - նշվում է ՌԴ ԱԳՆ հաղորդագրությունում:

Նաեւ արձանագրվում է, որ այցը կդառնա ռուս - հայկական հագեցած քաղաքական երկխոսության տրամաբանական շարունակությունը, որը միտված կլինի մեր երկրների սերտ համագործակցության հետագա զարգացմանը քաղաքական, առեւտրատնտեսական, հումանիտար եւ այլ ոլորտներում, այդ թվում՝ հաշվի առնելով Լեռնային Ղարաբաղի հակամարտության գոտում ռազմական գործողությունների ավարտից հետո տարածաշրջանում առաջացած նոր իրողությունները:

Մոսկվայի եւ Երեւանի միջեւ հաստատվել է արդյունավետ արտաքին քաղաքական համակարգում գլոբալ եւ տարածաշրջանային օրակարգի հիմնական հարցերի շուրջ՝ ունիվերսալ եւ մասնագիտացված միջազգային կազմակերպությունների շրջանակներում:

Երկու երկրների հարաբերությունները հիմնվում են Ռուսաստանի Դաշնության եւ Հայաստանի Հանրապետության միջեւ 1997թ. օգոստոսի 29-ի Բարեկամության, համագործակցության եւ փոխադարձ օգնության մասին պայմանագրում եւ 21-րդ դարում ուղղված Ռուսաստանի Դաշնության եւ Հայաստանի Հանրապետության միջեւ դաշնակցային փոխգործակցության մասին հռչակագրում ձեւակերպված սկզբունքների վրա: Կողմերի միջեւ ստորագրվել են շուրջ 200 պայմանագրեր: Այդ փաստաթղթերի գործնական իրականացումը թույլ է տվել երկկողմ փոխգործակցությանը հաղորդել որակապես նոր բնույթ, այն դարձնել հավասարակշռված և կողմնորոշված դեպի  հեռանկարը։

Ռուս-հայկական դաշնակցային փոխգործակցությանը դրական դինամիկա է  հաղորդում բարձրագույն մակարդակի ինտենսիվ երկխոսությունը ։