Արմինֆո. Ադրբեջանի, Թուրքիայի և միջազգային ահաբեկիչների կողմից սանձազերծված Ղարաբաղյան երրորդ պատերազմից հետո Ղարաբաղի կարգավիճակը էապես չի փոխվել: Այդ մասին հայտարարել է Արցախի Հանրապետության ԱԳ նախարար Դավիթ Բաբայանը՝ պ.գ.դ. Ջավադ ալ-Բայդանիին հարցազրույցում` արաբական Аlmothaqaf.com տեղեկատվական-վերլուծական կայքի համար:
«Ագրեսիայի նպատակն Արցախի Հանրապետության, նրա ժողովրդի և պետականության ամբողջական ոչնչացումն էր: Սակայն այս դաշինքի հանցավոր ծրագրերը չիրականացան: Չնայած մարդկային, նյութական և տարածքային մեծ կորուստներին՝ Արցախի Հանրապետությունը պահպանեց իր անկախությունն ու պետականությունը: Մենք առաջվա պես մեր միջազգային ճանաչման համար պայքարող կայացած անկախ պետություն ենք», - ասել է Բաբայանը։
Ինչպես հաղորդել է Արցախի ԱԳՆ մամուլի ծառայությունը, անդրադառնակով Արցախում ռուս խաղաղապահների կարգավիճակին առնչվող հարցին, Դավիթ Բաբայանն ասել է. «Ղարաբաղյան երրորդ պատերազմից հետո Արցախում տեղակայվեցին ռուսական խաղաղապահ ուժեր, որոնք տարածաշրջանում կայունության և խաղաղության, ինչպես նաև Արցախի Հանրապետության անվտանգության հիմնական երաշխավորներից մեկն են: Մենք բարձր ենք գնահատում նրանց այս դերը, ինչպես նաև ռուս խաղաղապահների ներդրումը մեր երկրի վերակառուցման և հետկոնֆլիկտային վերականգնման գործընթացում: Մենք անմիջական, բավականին սերտ և եղբայրական հարաբերություններ ունենք ռուս խաղաղապահների հետ»:
Դավիթ Բաբայանը նաեւ նշել է, որ Լեռնային Ղարաբաղի Հանրապետությունը բավական լայն կապեր ունի բազմաթիվ երկրների հետ: «Պետական մակարդակով մեզ ճանաչել են Աբխազիան, Մերձդնեստրը, Հարավային Օսիայի և Ամերիկայի ու Ավստրալիայի մի շարք նահանգներ, Ամերիկայի և Եվրոպայի քաղաքներ ու քաղաքապետարաններ: Տարբեր երկրների հետ փոխհարաբերությունների ամրապնդմանն ու զարգացմանը նպաստում է նաև հայկական Սփյուռքը, որը մեր երկիրը այլ պետությունների հետ կապող ինքնատիպ կամուրջ է։ Արցախի Հանրապետությունն նաև ունի ներկայացուցչություններ արտերկրում:
Մեզ համար արաբական աշխարհը հատուկ կարևորություն ունի: Արաբների և արաբական քաղաքակրթության հետ մեր փոխհարաբերությունները դարերի պատմություն ունեն: Նշեմ, որ ժամանակին Արցախը առանցքային դեր է խաղացել իսլամի պատմության մեջ: 9-րդ դարում հենց Արցախն է չեզոքացրել իսլամի առջև երբևէ կանգնած ամենամեծ սպառնալիքներից մեկը` Բաբեկի ապստամբությունը (826-837թթ.): Այդ ընդվզման հաջողության պարագայում իսլամական քաղաքակրթությունը այսօր գուցե և չլիներ։
Ինչ վերաբերում է նորագույն պատմությանը, ապա մենք բոլորս շատ լավ հիշում ենք թուրքերի կողմից 1915-1923 թվականներին իրականացրած հրեշավոր ցեղասպանության ժամանակ արաբ ժողովուրդների կողմից հայերին մեկնած օգնության ձեռքը:
Տասնյակ հազարավոր հայեր իրենց երկրորդ հայրենիքը գտան արաբական այնպիսի երկրներում, ինչպիսիք են Իրաքը, Սիրիան, Լիբանանը, Եգիպտոսը և այլն: Այս երկրները հնարավորություն տվեցին մեր հայրենակիցներին իրենց զգալ անվտանգ և ամբողջությամբ ինքնադրսևորվել: Մենք անչափ երախտապարտ ենք արաբներին այս ամենի համար: Արաբական երկրների հայ համայնքներն այսօր երկու ժողովուրդների և պետությունների միջև բարեկամական և եղբայրական հարաբերությունների հաստատմանը ակտիվորեն նպաստող մեր Սփյուռքի ամենակազմակերպված հատվածներից են։ Այստեղ կան մեծ հնարավորություններ և աշխատանքի լայն շրջանակ:
Ինչ վերաբերում է Թուրքիային, ապա այս երկիրը, ապակառուցողական, քայքայիչ աշխատանքներ է տանում ամենատարբեր տարածաշրջաններում, հատկապես իր սահմանների երկայնքով, և դա սպառնալիք է ոչ միայն արաբական երկրների համար: Իր գործողություններով, արմատական և ահաբեկչական խմբավորումներին ակտիվ աջակցությամբ՝ Թուրքիան սպառնալիք է ողջ իսլամի համար, քանի որ ներսից խարխլում է համաշխարհային այս մեծ կրոնը: Վստահ եմ, որ արաբական աշխարհն էլ է սա հասկանում», - ամփոփել է Արցախի արտգործնախարարը:
Քնարիկ Հովհաննիսյան. Հայաստանի ջրային քաղաքականությունն անմխիթար վիճակում է
Հայաստանում բողոքի ակցիաները երկու բաղադրիչ ունեն՝ օբյեկտիվ և արտաքին. քաղաքագետ
Գեներալ-մայոր. Հայաստանն այսօր պատրաստ չէ Թուրքիայի և Իրանի հետ սահմանների ինքնուրույն պահպանությանը
Փորձագետ. ԵՄ-ը սեփական շահերն է հետապնդում Հարավային Կովկասի տարածաշրջանում
Ադրբեջանը "մուկ ու կատու" է խաղում Հայաստանի և աշխարհի հետ. վերլուծաբան
Փաշինյանը չի ճանաչել Արցախը, փոխարենը ճանաչել Է Պաղեստինը. քաղաքագետ
Վերախմբավորումից հետո մեր շարժումն էլ ավելի մասշտաբային կդառնա. արքեպիսկոպոս
Ֆրանսիացի հայտնի գործիչները Մակրոնին խնդրում են ֆրանսիական զորքեր ուղարկել Հայաստան 
Ընդդիմադիր պատգամավորների կողմից իրենց մանդատները վայր դնելու հարցն օրակարգում է. Մինասյան 
"Տավուշ հանուն հայրենիքի" շարժումը մարզերում հանդիպումներ կունենա ՀՀ քաղաքացիների հետ
Մեկնարկել է ավտոերթը դեպի Գյումրի՝ գյումրեցի Բագրատ Գալստանյանի գլխավորությամբ
Այս տարօրինակ լռությունն ընդհատելու ժամանակն է. Դիվանագետների համահայկական խորհուրդը դիմել է օտարերկրյա դիվանագիտական առաքելություններին և միջազգային կազմակերպություններին
Երեւան է այցելել Պենտագոնի ՊՎՆԳ վտանգների համատեղ նվազեցման ղեկավարության տնօրենը
ՀՀ վարչապետ. Ես՝ անձամբ, գիտեմ մեր դեմ պատերազմի նախապատրաստմանը ՀԱՊԿ, առնվազն, երկու պետությունների մասնակցության մասին
Կարծիք. Բաքվում Լուկաշենկոյի հայտարարություններն ակնհայտորեն ցույց են տալիս Հայաստանի և Ադրբեջանի դիվանագիտության աշխատանքի արդյունքները
Հարցում. Հայաստանում հարցվածների կեսից ավելին դրական է գնահատում "Տավուշը հանուն հայրենիքի" շարժումը
Փորձագետներն ու քաղաքագետները վերլուծել են "Հայաստանի շուրջ առկա խնդիրները և դրանց հնարավոր լուծումները"
