Արմինֆո. Արցախում 44-օրյա պատերազմի ընթացքում զոհվել է 3773 հայ զինծառայող, 243-ն անհետ կորել է: Այդ մասին օգոստոսի 24-ին ԱԺ նիստում հայտնել է ՀՀ վարչապետ Նիկոլ Փաշինյանը՝ նններկայացնելով կառավարության առաջիկա 5-ամյակի ծրագիրը:
Ահա այս արտակարգ պայմաններում, ինչպես նշել է վարչապետը, ինքն ստիպված է ներկայացնել կառավարության ծրագիրը. 44 - օրյա պատերազմի ծանր հետևանքները, Բաքվում ռազմագերիների, հազարավոր հարկադիր վերաբնակների առկայությունը, Հայաստանի Հանրապետության և Լեռնային Ղարաբաղի Հանրապետության սոցիալ - տնտեսական բարդ իրավիճակը, Հայաստանի անվտանգության մարտահրավերները և ադրբեջանական ստորաբաժանումների ներխուժումը ՀՀ տարածք, Սոտք-Խոզնավար հատվածում ճգնաժամային իրավիճակը, 2020թ.նոյեմբերի 9-ի եռակողմ հայտարարության կետերի պարբերական խախտումները։ "Հայաստանը հասել է շրջադարձային կետի, որը վճռորոշ նշանակություն ունի մեր պետականության համար", - ասել է Փաշինյանը:
Այս համատեքստում նա հույս է հայտնել, որ կառավարության ծրագրի քննարկման ընթացքում պատգամավորները ձեռնպահ կմնան վիրավորանքներից, եւ կհաստատվի առողջ բանավեճ՝ իրական հակափաստարկների հիման վրա:
Կառավարության ղեկավարը հերթական անգամ հայտարարել է, որ Երևանը պատրաստ է կառուցողական բանակցությունների տարածաշրջանում երկարատև խաղաղության հաստատման շուրջ և սպասում է բանակցությունների վերսկսման կոնկրետ առաջարկներին ինչպես բարձր, այնպես էլ բարձրագույն մակարդակով: Նրա խոսքով, Հայաստանի կառավարությունը կարեւորում է ԵԱՀԿ Մինսկի խմբի համանախագահության շրջանակներում բանակցային գործընթացի վերսկսումը:
Փաշինյանն ընդգծել է, որ ներկայումս Ադրբեջանում, այդ թվում ՝ մտացածին քրեական գործերով, հայ գերիների նկատմամբ դատական գործընթացների միջոցով ուժեղ քարոզչություն է տարվում Ղարաբաղում ռուսական խաղաղապահ զորախմբի դեմ: Ինչպես պարզաբանել է կառավարության ղեկավարը, դատապարտված զինծառայողների մեծ մասը գերեվարվել են եռակողմ հայտարարության ստորագրումից հետո, խաղաղապահ զորակազմի տեղակայման պատասխանատվության գոտում: Բացի այդ, ինչպես նշել է վարչապետը, ադրբեջանական կողմը մինչ օրս չի ստորագրել խաղաղապահների մանդատը: Այդ համատեքստում, ըստ Փաշինյանի, նրանց նպատակն է վարկաբեկել ռուսական խաղաղապահ զորախմբին։
Մինչդեռ, ինչպես նշել է Փաշինյանը, Հայաստանը կշարունակի ամրապնդել եւ ընդլայնել դաշնակցային համագործակցությունը Ռուսաստանի հետ: Երևանը և Մոսկվան շարունակում են մեծացնել 102-րդ ռուսական ռազմակայանի հնարավորությունները։ "Անհրաժեշտ է առանձին ընդգծել Ռուսաստանի նախագահ Վլադիմիր Պուտինի անձնական դերը տարածաշրջանում խաղաղության եւ անվտանգության պահպանման, 44-օրյա պատերազմի դադարեցման, գերիների վերադարձի գործում", - նշել է Փաշինյանը ։ Քայլեր կձեռնարկվեն նաև երկկողմ հարաբերությունների հետագա զարգացման համար ոչ միայն երկկողմ ձևաչափով, այլ նաև ԵԱՏՄ-ի, ՀԱՊԿ-ի և այլ կառույցների կազմում:
ՀՀ վարչապետ Նիկոլ Փաշինյանը վստահեցրել է, որ հանրապետությունը տարածքներ զավթելու որեւէ մտադրություն չունի: "Հայաստանը, ինչպես և ցանկացած խաղաղասեր պետություն, զարգացնելու և բարեփոխելու է իր զինված ուժերը ոչ թե ագրեսիայի, այլ հնարավոր ագրեսիայից պաշտպանվելու համար, և մենք չունենք տարածքներ գրավելու մտադրություն։ Մեր նպատակն է պաշտպանել մեր ինքնիշխանությունն ու տարածքային ամբողջականությունը։ Մենք չունենք ագրեսիվ մտադրություններ, տարածաշրջանում խաղաղությունն ու կայունությունը մեր երկարաժամկետ ռազմավարությունն է", - հայտարարել է նա։
Նիկոլ Փաշինյանն անդրադարձել է Ադրբեջանի հետ սահմանազատման և սահմանագծման գործընթացին, նշելով, որ գործընթացը պետք է սկսել հնարավորինս արագ: Նա ափսոսանք է հայտնել, որ "քաղաքական աղմուկի պատճառով չի հաջողվել գարնանը հասնել նախատեսված արդյունքի": Հայ-ադրբեջանական սահմանի մի շարք հատվածներում անկայուն իրավիճակը լուրջ սպառնալիք է այդ գործընթացներն սկսելու համար", - նշել է նա ։ Փաշինյանը հիշեցրել է խորհրդային քարտեզների հիման վրա հայկական եւ ադրբեջանական զինված ուժերի հայելային հետքաշման մասին իր առաջարկի մասին: Հայկական կողմը պատրաստ է շարժվել այդ օրակարգով, նշել է նա։
Փաշինյանը կարծում է, որ տարածաշրջանային հաղորդակցությունների ապաշրջափակումը թույլ կտա ճեղքել երկրի բազմամյա շրջափակումը ։ Այս հարցում նա կարևորել է եռակողմ հանձնաժողովի աշխատանքների ակտիվացումը՝ Հայաստանի, Ռուսաստանի և Ադրբեջանի փոխվարչապետերի մակարդակով։ Վարչապետն ընդգծել է, որ հարցը, ամեն դեպքում, չի լուծվի "միջանցքային տրամաբանության" շրջանակներում, քանի որ ոչ 2020 թվականի նոյեմբերի 9-ի հայտարարության մեջ, ոչ էլ 2021 թվականի հունվարի 11-ի հայտարարության մեջ խոսք չկա Հայաստանի տարածքով միջանցք ստեղծելու մասին:
Հիշեցնենք, որ կառավարությունն այսօր խորհրդարանին է ներկայացնում 2021-2026թթ. իր գործունեության ծրագիրը։ "Պատիվ ունեմ" ընդդիմադիր խմբակցությունը հայտարարել է, որ բոյկոտում է քննարկումը եւ "կվերադառնա միայն հայ ժողովրդին իսկապես հուզող խնդիրները բարձրաձայնելու համար": "Հայաստան" խմբակցության ղեկավար Սեյրան Օհանյանը պահանջել է ապահովել խմբակցության բոլոր երեք պատգամավորների (Մեղրիի համայնքի նախկին ղեկավար Մխիթար Զաքարյան, համայնքի նախկին ղեկավար Արթուր Սարգսյան և "Իզմիրլյան" ԲԿ-ի նախկին ղեկավար Արմեն Չարչյան-խմբ.) ներկայությունը, որոնք այս պահին գտնվում են կալանքի տակ: Նա պահանջել է նաեւ, որպեսզի գլխավոր դատախազը ներկայանա ԱԺ՝ բացատրություններ տալու համար: Խմբակցության ղեկավարը կոչ է արել խորհրդարանականներին հանդես գալ համապատասխան հայտարարությամբ:
Հայաստանի մարզերի երեխաները տեղի ՏՏ համայնքն ապահովել են կոգնիտիվ հակումների ամենամեծ գրադարանով
Իսկանդարյան. Ցանկացած տարածաշրջան ներսից ավելի մեծ և կարևոր է թվում, քան՝ դրսից
Արևելագետ. Ստամբուլի ընդդիմադիր քաղաքապետի ձերբակալությունը Թուրքիայի նախագահի նախընտրական հնարքն է 
Այսպես կոչված՝ "Զանգեզուրի միջանցքի" հարցը Հայաստանում չի լուծվելու. փորձագետ
Իսկանդարյան. Ռուսաստանի ազդեցությունը հետխորհրդային տարածքում և Հարավային Կովկասում կշարունակի նվազել
Հայաստանը պաշտպանել է ՄԱԿ Գլխավոր ասամբլեայում ընդունված հակառուսական բանաձևը
Վարդան Ղուկասյանն ընտրվել է Գյումրու քաղաքապետ
Սարգսյանը նշել է երեք հիմնական խնդիրները, որոնք անհրաժեշտ է իրագործել Հայաստանում իշխանափոխությունից հետո
Քաղաքական գործիչ. Փաշինյանը միտումնավոր զոհաբերեց Արցախը՝ Հայաստանի ռազմավարական կողմնորոշումը փոխելու համար
Վաթսուն ամերիկացի օրենսդիրներ ԱՄՆ պետքարտուղարին կոչ են արել դադարեցնել ռազմական օգնությունն Ադրբեջանին
Քաղաքագետ. 31 տարի անց Արցախն Ադրբեջանի կազմում է ճանաչել Լևոն Տեր-Պետրոսյանի քաղաքական հոգեզավակը
Փաշինյանը հայտարարել է Ղարաբաղյան շարժման դերի մասին՝ "Հայաստանի պետականության չկայացման գործում"
Փաշինյանը պարզաբանել է, թե խաղաղության համաձայնագրի շրջանակում Բաքվի հետ ինչ հարցեր են քննարկման ենթակա
Դիվանագետների համահայկական խորհուրդը քննադատել է Հայաստանի իշխանություններին՝ "խաղաղության պայմանագրով" Ադրբեջանին միակողմանի զիջումներ անելու համար
Հայաստանի նախկին ԱԳ նախարար. Փաշինյանի խաղաղությունը կապիտուլյացիայի վարպետության դաս է
Բաքվի բանտում գտնվող Ռուբեն Վարդանյանը դադարեցնում է հացադուլը
Հայաստանում հարցման մասնակիցները Եվրաինտեգրմանը նախընտրում են Ռուսաստանի հետ մերձեցումը
Դաշնակցական. Մեր գլխավոր նպատակը մնում է Նիկոլ Փաշինյանին իշխանությունից հեռացնելը
«Դօկ» կուսակցության հայտարարություն. Վարդան Ղուկասյանի ձերբակալության մասին լուրերն իրականությանը չեն համապատասխանում
Փաշինյանը քաղաքացիներին հրավիրում է Իրական Հայաստանի գաղափարախոսության նախագծի քննարկման
