Արմինֆո. Երասխավանի գնդակոծությունների միջոցով Ադրբեջանի ռազմաքաղաքական ղեկավարությունը փորձում է ստեղծել լարված իրավիճակ, լարվածության հերթական օջախ Հայաստանի հետ սահմանին' դրանով իսկ փորձելով հոգեբանական ճնշում գործադրել մեր բնակչության վրա: ԱրմԻնֆո-ին այդպիսի կարծիք է հայտնել "Օրբելի" վերլուծական կենտրոնի Ադրբեջանի գծով փորձագետ Տարոն Հովհաննիսյանը։
"Նման ագրեսիայի հիմնական նպատակը, անկասկած, "Երեւանին խաղաղության պարտադրելու" Բաքվի ձգտումն է, անշուշտ, այն ըմբռնմամբ, որով այն այսօր տեսնում է Իլհամ Ալիեւը։ Նման ձգտում հստակ դրսևորվում է ադրբեջանական բանակի բոլոր գործողություններում։ Եվ հենց Ալիևը բազմիցս հնչեցրել է ռազմական ուժի կիրառման սպառնալիք՝ եթե Հայաստանը չցանկանա նման խաղաղության գնալ իր պայմաններով", - ընդգծել է փորձագետը։
Երասխավանի չդադարող գնդակոծությունները փորձագետը դիտարկում է որպես 44-օրյա պատերազմի արդյունքում Հայաստանի վրա ճնշում գործադրելու ադրբեջանական քաղաքականության օրինաչափ շարունակություն: Ընթացիկ գնդակոծությունները, նրա կարծիքով, Ադրբեջանում հայ գերիներից, Գեղարքունիք եւ Սյունիք ադրբեջանական ներխուժումից բաղկացած մեկ շղթայի օղակներ են: Վերջնական նպատակ ունենալով ստիպել Երևանին միակողմանի զիջումների Արցախի շուրջ հակամարտության կարգավորման և Արցախի կարգավիճակի որոշման հարցում։
Այս քաղաքականության շրջանակներում Բաքուն, Հովհաննիսյանի գնահատմամբ, ճնշում է գործադրում Հայաստանի հասարակական կյանքի ինչպես հոգեբանական, այնպես էլ սոցիալ-տնտեսական բաղադրիչի վրա։ Դրանով իսկ Ադրբեջանն արհեստականորեն թեժացնում է Հայաստանի ներքաղաքական իրավիճակը, անկայունությունը։ Նպատակը, ընդ որում, նույնն է՝ նոր զիջումներ կորզել Երեւանից։ Փորձագետը համոզված է, որ հայ հասարակության շրջանում, ներքաղաքական դաշտում մշտական լարվածության պահպանման միջոցով Ադրբեջանը փորձում է Հայաստանի ղեկավարության համար ստեղծել այլընտրանք չունեցող իրավիճակ, երբ միակողմանի զիջումները կմնան երկրի ներսում իրավիճակը հանդարտեցնելու միակ միջոցը:
"Ամեն դեպքում, Երասխավանի գնդակոծությունների՝ լիարժեք ռազմական բախման վերաճելու սցենարը չի կարելի բացառել։ Նման իրավիճակում, վերջին պատերազմի ֆոնին, մենք իրավունք չունենք անտեսել նման սցենարը։ Հայաստանի հետ Ադրբեջանի և Թուրքիայի հարևանության փաստն իսկ մեզ իրավունք չի տալիս բացառել նոր պատերազմի սցենարը։ Համապատասխանաբար, մեր բոլոր գործողությունները պետք է բխեն տվյալ փաստից և տվյալ տրամաբանությունից", - ամփոփել է Հովհաննիսյանը։
Քաղաքական գործիչ․ Հայաստանում Մոլդովական սցենարի կիրառումը կհանգեցնի հեղափոխության
Կարծիք. Ամերիկյան օրակարգը Հարավային Կովկասում ունի երկու առաջնահերթություն՝ TRIPP նախագիծը և Իրանի վրա ճնշումը
Հայ քաղաքագետը նշել է ԱՄՆ պետքարտուղարի՝ վաղը Երեւան կատարելիք այցի երկու հավանական նպատակները
Քաղաքագետ. ներքին էսկալացիան շատ արագ կհանգեցնի արտաքին էսկալացիայի
Կարծիք․ Ինչպես Հայաստանի ներսում, այնպես էլ նրա սահմաններին իրավիճակը մեծապես կախված կլինի Իրանի շուրջ գործընթացների զարգացումից
Քոչարյան․ ԵՄ և ԵԱՏՄ միջև ընտրությունը՝ դա ընտրություն է անիրականանալի երազանքի և որոշակիության միջև
Հայաստանի իշխանությունը, որպես ռուսական ուղղության այլընտրանք, ուղղակի կամ անուղղակի ակնարկում է Թուրքիայի և Ադրբեջանի ուղղությունները․ պատգամավոր
Լուկաշենկո. "Մենք չենք ցանկանում, որ Հայաստանը դուրս գա ԵԱՏՄ-ից, բայց չենք կարող դեմ գնալ հայ ժողովրդի կամքին"
Պեսկովը հասկանալի և թափանցիկ է համարել Հայաստանի շարժումը դեպի ԵՄ
Արցախից և բանակից հետո Սյունիքը կդառնա իշխանությունների թիրախը. Ռոբերտ Քոչարյան
Միրզոյանը հավաստիացնում է․ գերիների և Բաքվում պահվող անձանց հարցը մշտապես Հայաստանի իշխանությունների քննարկումների մաս է
Վոլոդին․ Մենք չենք կարող այլևս լռության մատնել այն գործընթացները, որոնք տեղի են ունենում Հայաստանում
Բունդեսթագի պատգամավորները նախատեսում են այցելել Հայաստան
Զախարովան ցինիզմ է որակել Հայաստանի վարչապետի դեմ ՌԴ քարոզարշավի մասին Արևմուտքի մեղադրանքները
