Արմեն Սմբատյան. Մշակույթը մեզ տրված է բուժելու հասարակությունը գերքաղաքականացված լինելուց

Արմինֆո. Օրերս հայտարարվեցին Հայաստանում անցկացված արտահերթ ընտրությունների վերջնական արդյունքները: ԶԼՄ-ներից շատերը կանխատեսում էին “արմագեդոն” և եգիպտական մահապատիժներ հանրապետությանը, որը դեռ նոր էր վերապրել ահասարսուռ պատերազմը:

Հայաստանում նախընտրական քաղաքական վեճերի ամբողջ ընթացքը ստեղծեց պարատ հող երկրի չարամիտների համար, որոնք ցանկանում էին մռայլ սցենարներ տեսնել Արարատի հնագույն ժողովրդի մոտ: Սակայն բուն ընտրությունները անցան շատ ավելի հանգիստ, քան շատերը սպասում էին:

«Մարդիկ երբեմն մոռանում են, որ հայ ժողովուրդը վերապրել է ոչ միայն սարսափելի ցեղասպանությունը, այլև հարյուրամյակների մռայլ թափառումներ ժողովուրդների ու կայսրությունների միջով՝ չունենալով իր սեփական ազգային օջախը: Մենք անկման ժամանակաշրջաններ ունեցել ենք, բայց այդ ամենը վերապրել և հասել ենք մեր սեփական ազգային անկախությանը: Հավատում եմ, որ վերջին պատերազմից հետո ևս Հայաստանը դուրս կգա ճգնաժամից» – համոզված է հայ ականավոր դիվանագետ և մշակութային գործիչ Արմեն Սմբատյանը: Նա իր թիկունքում ունի ոչ միայն մշակույթի նախարարի կարիերան Հայաստանում, այլև դիվանագիտական ծառայություն, որպես դեսպան Մոսկվայում և Թել Ավիվում:

Հունիսին Երեւանում անցկացվեց Արմեն Սմբատյանի գլխավորած Արամ Խաչատրյանի անվան ամենամյա միջազգային մրցույթը: 2003 թվականից ի վեր երաժշտական այս իրադարձությունը բարձր արվեստի ամենամյա ամենակարևոր դրսևորումներից մեկն է և Հայաստանում, և արտերկրում:

Սմբատյանի կառավարման ներքո այս տարի անցկացվեց թվով 17-րդ մրցույթը “դիրիժորություն” մասնագիտությամբ, որին մասնակցում էին 15 երկրների երաժիշտներ: Ի դեպ, մրցույթի հաղթող դարձավ ճապոնացի դիրիժոր Դայչի Դեգուչին: Ահա այս է Հայաստանում ոգու և ստեղծագործության իրական կյանքի մեկ օրինակ: Եվ դա՝ չնայած պատերազմի ողբերգությանը և համավարակի աղետներին: Հայ ժողովրդի մեջ տաղանդների անսպառ գանձեր է պահված: Եվ դա հատկապես նկատելի է դառնում իր սեփական հողի վրա:

«Մշակույթը մեզ տրված է բուժելու հասարակությունը գերքաղաքականացված լինելուց: Մեր ազգը, իր պատմության ընթացքում, պահպանել է իր ինքնությունը հենց մշակույթի շնորհիվ` պահպանելով իր լեզուն, հավատքը և մշակութային ժառանգությունը: Այսօր մենք միավորում ենք բոլորին մշակույթի` դասական երաժշտության շուրջ, և այդ միավորման ուղեցույցն է Արամ Խաչատրյանը» - ասում է Արմեն Սմբատյանը, ով մշտապես համատեղել է մշակույթը և դիվանագիտությունը` համարելով դիվանագիտությունը մշակույթի բարձրագույն արտահայտչամիջոց:

Ցավոք, լրատվամիջոցների ոլորտը պահանջում է տեսարաններ և զոհաբերություններ: Լրատվամիջոցների բոլոր հոդվածներն ու վերնագրերը լի են սկանդալային և կործանարար պատմություններով: Բայց հայացք գցլով շուրջ բոլորը, կտեսնենք բարության, փոխօգնության, ինչպես նաև ստեղծագործական նախաձեռնությունների անթիվ օրինակներ, որոնք արժանի են վերնագրերի և պատմությունների:

«Նայեք մեր այն աղջիկներին, ովքեր ամուսնանում են հաշմանդամ վերադարձած հերոս զինվորների հետ: Նայեք ցուցաբերվող անձնուրաց օգնությանը, որը հասարակ քաղաքացիները օր ու գիշեր տրամադրում են պատերազմից տուժածներին: Նման մարդիկ են ստեղծում հավատը ապագային: Միթե սա չէ այն ցուցանիշը` բարձր բարոյականության և կամքի դրսևորման, միթե այս ամենը չի տալիս համոզմունք վաղվա օրվա մեջ», - համոզված է Արմեն Սմբատյանը:

Հայաստանի ապագան իր բարի ու տաղանդավոր մարդկանց մեջ է: Եվ Հայաստանի մասին բարի խոսք ասելու մեր ունակության մեջ:

Հեղինակ ՝ Ավիգդոր Էսկին