Երեթշաբթի, 15 Հունիսի 2021 14:19

Արմինֆո."Յոթնյակի" կողմից Չինաստանին հատկացված ուշադրության ծավալներից ելնելով՝ պարզ է դառնում, որ, իրականում, G7կոորդինատների համակարգում Ռուսաստանն այսօր բավականին աննշան տեղ է զբաղեցնում։ ԱրմԻնֆո-ին այդպիսի կարծիք է հայտնել "Ռուսաստանը գլոբալ քաղաքականությունում" ամսագրի գլխավոր խմբագիր, "Վալդայ" բանավեճերի ակումբի գիտական տնօրեն Ֆյոդոր Լուկյանովը։

 

Հունիսի 14-ին Միացյալ Թագավորության Քորնուոլ քաղաքում ավարտվեց յոթնյակի (G7) խմբի եռօրյա գագաթնաժողովը, որտեղ վերջին երկու տարվա ընթացքում առաջին անգամ հավաքված Միացյալ Թագավորության, Գերմանիայի, Իտալիայի, Կանադայի, ԱՄՆ-ի, Ֆրանսիայի եւ Ճապոնիայի ղեկավարները քննարկեցին աշխարհի ճակատագիրը:

 

"Ռուսաստանը, ըստ երեւույթին, ավանդույթի համաձայն, դեռեւս հիշատակվում է ՆԱՏՕ-ի գագաթնաժողովի ամփոփիչ կոմյունիկեում՝ վեց անգամ ավելի, քան Չինաստանը։ Եվ, այդուհանդերձ, նույնիսկ  ընդամենը 10 անգամ հիշատակված Չինաստանը, միեւնույն է, ավելի մեծ կարեւորություն է ներկայացնում: Եվ այստեղ կարեւոր է ընդգծել, որ Պեկինը այս բեմում նոր գործող անձ է , եւ նա առաջին անգամ պաշտոնական փաստաթղթում ճանաչվել է որպես ռիսկ դաշինքի անվտանգության համար: Եվ այս փաստի արձանագրումը ձեռնտու է Գերմանիային, թերեւս, Հյուսիսատլանտյան դաշինքի մյուս դաշնակիցներից պակաս։ Բայդենը շարունակում է Չինաստանի զսպման իր գիծը տանել, իսկ Անգելա Մերկելը, ինչպես եւ Ռուսաստանի դեպքում, ընդգծում է, որ զսպումից զատ անհրաժեշտ է երկխոսություն", - ընդգծել է Նա:

 

Այսպիսով, Լուկյանովի գնահատմամբ, այսպես թե այնպես, սակայն Չինաստանի հետագա աճի զսպման եւ ամեն կերպ սահմանափակման ամերիկյան ռազմավարությունը ընդունվել է: Ինչի համար է ԱՄՆ նախագահը գործընկերների հետ որոշել գործարկել Build Back Better World գլոբալ ենթակառուցվածքային նախաձեռնությունը։ Որոշումը, նրա խոսքով, ի թիվս այլ բաների, պայմանավորված է Պեկինի "Մեկ գոտի ՝ մեկ ճանապարհ" ռազմավարական նախաձեռնությանը հակակշիռ ստեղծելու մտադրությամբ: Ինչը շատ էական է, հաշվի առնելով, որ դրա շրջանակներում 2013 թվականից ի վեր ենթակառուցվածքում չինական ռազմավարական ներդրումներ են ստացել արդեն 70 երկրներ։

 

Հունիսի 14-ին G7-ի գծով գործընկերները որոշում են կայացրել ենթակառուցվածքի նոր գլոբալ նախաձեռնության գործարկման մասին՝ "Վերականգնենք աշխարհն ավելի լավ, քան այն եղել է" (Build Back Better World): Սպիտակ տան մամուլի ծառայության համաձայն՝ նախաձեռնության էությունը "աշխարհի խոշորագույն ժողովրդավարությունների կողմից զարգացող երկրների ենթակառուցվածքի ֆինանսավորման  պահանջարկի ավելի քան 40 տրլն դոլար ծավալով կրճատումն է": Ենթադրվում է, որ Build Back Better World-ը կընդգրկի գլոբալ մասշտաբներ՝ Լատինական Ամերիկայից եւ Կարիբյան տարածաշրջանից մինչեւ Աֆրիկա եւ Ասիա-խաղաղօվկիանոսյան տարածաշրջան: "Այսպիսով, մենք տեսնում ենք, որ Բայդենը ոչ միայն խոսում է, այլեւ գործում է։ Եվ Չինաստանի նկատմամբ նա, ըստ էության, շարունակեց Չինաստանի զսպման Թրամփի գիծը։ Սակայն, ի տարբերություն իր նախորդի, դա անում է, այսպես ասած,  ավելի քիչ աղմուկով։ Բղավոցներին ու սպառնալիքներին գերադասելով  Չինաստանի զսպման ուղղությամբ համակարգային, համակարգված ու մասշտաբային աշխատանքը", - ընդգծել է նա։

 

Պատասխանելով Հարավային Կովկասում, մասնավորապես, արցախյան ուղղությամբ ԱՄՆ հնարավոր գործողությունների մասին հարցին՝ վերլուծաբանն ընդգծել է, որ 44-օրյա պատերազմի արդյունքում ստեղծված տարածաշրջանային ստատուս քվոն ակնհայտորեն հանգիստ չի տալիս Վաշինգտոնին։ Ինչի լույսի ներքո՝ խնդիրը քննարկվում է եւ քննարկվելու է ամերիկացի դիվանագետների մասնակցությամբ բոլոր հանդիպումների ժամանակ։ Միեւնույն ժամանակ, Լուկյանովը համոզված է, որ ԱՄՆ-ը կարող է այս կամ այն չափով վերադառնալ տարածաշրջան բացառապես Հարավային Կովկասում մնացած խաղացողների հետ փոխհամաձայնության հասնելու հիման վրա:

 

"Վաշինգտոնը տարածաշրջանում կարող է գործել միայն այլ խաղացողների հետ համագործակցությամբ։ Հակամարտության տարածաշրջանում նախկինի պես կան բազմաթիվ խնդիրներ, որոնց լուծումը բնավ մեկ օրվա գործ չի թվում: Եվ մենք տեսնում ենք, որ ԱՄՆ-ի մասնակցությամբ աշխարհաքաղաքական սակարկություն է ընթանում նաև հայ-ադրբեջանական խնդիրների շուրջ։ Այս լույսի ներքո, կարծում եմ, որ այդ մասին խոսակցությունը Պուտինի եւ Բայդենի բանակցային օրակարգի մաս կդառնա հունիսի 16-ին: Իսկ ինչ վերաբերում է դրա արդյունքներին, ապա այստեղ ամեն ինչ ածանցյալ է ընդհանուր մթնոլորտի, որում կընթանա նախագահների հանդիպումը", - ամփոփել է վերլուծաբանը։