Մեկնարկել է արտահերթ խորհրդարանական ընտրությունների էլեկտրոնային քվեարկությունը  

Արմինֆո.Հունիսի 11-ին, ժամը 08:00-ին մեկնարկել է արտահերթ խորհրդարանական ընտրությունների էլեկտրոնային քվեարկությունը, որը կավարտվի հունիսի 13-ին, ժամը 20:00-ին: Էլեկտրոնային քվեարկության արդյունքները կամփոփվեն հունիսի 20-ին՝ ժամը 20:00-ից հետո:

Տվյալ քվեարկությանը մասնակցելու իրավունք ունեն Հայաստանի Հանրապետության դիվանագիտական կամ հյուպատոսական ներկայացուցչությունների աշխատակիցները եւ նրանց հետ արտասահմանում բնակվող նրանց ընտանիքի անդամները, ինչպես նաեւ երկարատեւ ծառայողական գործուղման կամ օտարերկրյա երկրներում ուսման մեջ գտնվող զինծառայողները եւ նրանց հետ բնակվող նրանց ընտանիքի անդամները: Կենտրոնական ընտրական հանձնաժողովի հրապարակած ցուցակի համաձայն, քվեարկության իրավունք ունի, ընդհանուր առմամբ, 650 մարդ։

Արտահերթ խորհրդարանական ընտրություններին մասնակցելու համար նախապես գրանցվել է էր 26 քաղաքական ուժ, սակայն հունիսի 10-ին ԿԸՀ-ն ընտրական ցուցակում ուժը կորցրած է ճանաչվել "Հայոց Արծիվներ. Միասնական Հայաստան կուսակցության գրանցումը, որն ինքնաբացարկի դիմում էր ներկայացրել։

Հիշեցնենք, որ հունիսի 20 - ին կայանալիք խորհրդարանական ընտրություններին մասնակցելու է 25 քաղաքական ուժ ՝ 4 դաշինք եւ 21 կուսակցություն, որոնց թեկնածուների ցուցակներին կարելի է ծանոթանալ հետեւյալ հղումով. https://www.elections.am/Elections/Parliamentary: