Արմինֆո. ԱՄՆ պետքարտուղարի Եվրոպայի եւ Եվրասիայի հարցերով օգնականի պաշտոնակատար Ֆիլիպ Ռիկերը հունիսի 9-ին կայցելի Երեւան: Ինչպես հաղորդում է ամերիկագետ Սուրեն Սարգսյանը, Ռիկերը Հայաստան կժամանի տարածաշրջանային այցի շրջանակներում: Նրա խոսքով, ամենայն հավանականությամբ, շուտով պաշտոնական հաղորդագրություն կլինի այդ այցի մասին:
Ուշագրավ է, որ հունիսի 9-ին տեղի կունենա հայ-ամերիկյան տեսակոնֆերանս՝ "Կիբերանվտանգություն. արժեքների ստեղծում ՝ օգտագործելով կիբերանվտանգությունը" թեմայով:
Ինչպես հաղորդում է ՀՀ-ում ԱՄՆ դեսպանատան մամլո ծառայությունը, միջոցառումը նվիրված է ԱՄՆ-ի եւ Հայաստանի միջեւ առեւտրական կապերի աճին եւ այն կարեւորագույն խնդիրներից մեկի լուծմանը, որոնց այսօր բախվում են կառավարություններն ու բիզնեսը:
"Միջոցառմանը կհավաքվեն Հայաստանի եւ ԱՄՆ-ի կառավարությունների եւ բիզնեսի ներկայացուցիչները, որպեսզի քննարկեն կիբերանվտանգությանը համալիր մոտեցումը: Միջոցառումը նաև իր ներդրումը կունենա կիբերանվտանգության ոլորտում Հայաստանի դիրքերի ամրապնդման գործում ՝ ներկայացնելով ԱՄՆ մասնավոր հատվածի կիբերանվտանգության վերաբերյալ լուծումները", - ասվում է դեսպանատան հաղորդագրությունում: