Արմինֆո. Առեւտրի եւ զարգացման սեւծովյան բանկը (BSTDB) Ամերիաբանկին տրամադրել է 23 մլն եվրոյի հնգամյա վարկ' Հայաստանի փոքր եւ միջին ձեռնարկատիրության (ՓՄՁ) ֆինանսավորման հասանելիությունն ընդլայնելու համար:
Այդ մասին ԱրմԻնֆո-ին հաղորդել են Ամերիաբանկի մամուլի ծառայությունից, որտեղ նշվում է, որ նոր վարկն Ամերիաբանկին թույլ կտա տեղական ֆինանսական հաստատությունների միջոցով Հայաստանում ՓՄՁ ոլորտի զարգացմանն աջակցության ընդհանուր գումարը հասցնել ավելի քան $100 մլն-ի: Հաղորդագրության մեջ նշված է, որ BSTDB-ի ֆինանսավորումը կաջակցի արդյունաբերական եւ գյուղատնտեսական ՓՄՁ-ների իրացվելիության եւ շրջանառու կապիտալի կարիքներին, կխթանի արտահանումը եւ կնպաստի Հայաստանում մասնավոր հատվածի եւ զբաղվածության աճին:
BSTDB-ի նախագահ Դմիտրի Պանկինը հայտարարել է. "Մենք ուրախ ենք ամրապնդել մեր համագործակցությունը Ամերիաբանկի հետ, որը Հայաստանի շուկայի առաջատարն է եւ BSTDB-ի հուսալի գործընկերը 2014 թվականից ի վեր: Մեր հաջող գործընկերության շնորհիվ մենք կարողացանք կապ հաստատել երկրում գործող բազմաթիվ ՓՄՁ-ների հետ և, ընդհանուր առմամբ, ներդնել 25 մլն դոլար: Մեր նոր ֆինանսավորումը կորոնավիրուսի հետևանքների դեմ պայքարի և Հայաստանի տնտեսության հետպանդեմիկ վերականգնման աջակցության BSTDB-ի մշտական ջանքերի մի մասն է: Եվ մենք հպարտ ենք, որ այս ֆինանսական ներարկումը տեղի է ունենում այն ժամանակ, երբ զարգացմանն աջակցությունը առավել անհրաժեշտ է":
Ամերիաբանկի գլխավոր տնօրեն Արտակ Հանեսյանն, իր հերթին, նշել է. "BSTDB-ի հետ երկարաժամկետ արդյունավետ համագործակցությունը մեզ թույլ է տվել իրականացնել մի շարք հաջողված նախագծեր: Ներգրավված միջոցները մեզ հնարավորություն են տալիս երկարաժամկետ ֆինանսավորում տրամադրել Հայաստանում գործող փոքր եւ միջին ձեռնարկություններին' դրանով իսկ նպաստելով ոլորտի զարգացմանը, մրցունակության բարձրացմանը եւ թիրախային շուկաներում ՓՄՁ-ների դիրքերի ամրապնդմանը: Սա Առևտրի և զարգացման սևծովյան բանկի կողմից Ամերիաբանկին տրված երրորդ վարկն է փոքր և միջին ձեռնարկատիրության (ՓՄՁ) ֆինանսավորման նպատակով: Մենք հուսով ենք, որ BSTDB-ի եւ Ամերիաբանկի միջեւ համագործակցությունը շարունակական կլինի, քանի որ ՓՄՁ ոլորտի համար մշակված նպատակային աջակցության նախագծերի իրականացումը կարեւորագույն ուղղություններից մեկն է ինչպես մեր գործընկերների, այնպես էլ մեզ համար":
ԱրմԻնֆո-ի պատրաստած Հայաստանի բանկերի ֆինանսական վարկանիշի 31.12.2010 թ. տվյալներով, Ամերիաբանկն առաջատարն է ակտիվների ծավալով' 1.1 տրլն դրամ կամ 2.1 մլրդ դոլար (13% տարեկան աճով), վարկային ներդրումների ծավալով' 702.5 մլրդ դրամ կամ 1.3 մլրդ դոլար (21.2% տարեկան աճով), ընդհանուր պարտավորությունների գծով' 980.9 մլրդ դրամ կամ 1.9 մլրդ դոլար (13.2% տարեկան աճով), ընդհանուր կապիտալով' 109.7 մլրդ դրամ կամ 209.9 մլն դոլար (8,4% տարեկան աճ): ՓՄՁ ոլորտի վարկերի պորտֆելում Ամերիաբանկը զբաղեցնում է 2 - րդ տեղը' 253.4 մլն դոլար (27% տարեկան աճով), եւ բանկի ընդհանուր պորտֆելում այդ վարկերի մասնաբաժինը գերազանցում է 19% - ը, իսկ շուկայի ընդհանուր ծավալում Ամերիաբանկի մասնաբաժինը հասնում է 15% - ի: Ամերիաբանկը 2020 թվականն ավարտել է 9 մլրդ դրամ կամ 17.2 մլն դոլար զուտ շահույթով' այդ ցուցանիշով զբաղեցնելով 2-րդ տեղը: Ամերիաբանկը Հայաստանում միակ ֆինանսական կազմակերպությունն է, որն ունի S&P-ի թողարկողի երկարաժամկետ և կարճաժամկետ վարկային վարկանիշ (2020թ.հունիսին պահպանվել է B+/B մակարդակում, կանխատեսումը "կայուն"): Moody's-ը 2020թ. մայիսին պահպանել է Ամերիաբանկի վարկային վարկանիշը "Ba3" մակարդակում' "Կայուն" կանխատեսմամբ:
Նշենք, որ Ամերիաբանկը դինամիկ զարգացող բանկ է՝ Հայաստանի ամենակայուն եւ խոշոր ֆինանսական ինստիտուտներից մեկը: Ամերիաբանկը ունիվերսալ բանկ է, որը տրամադրում է կորպորատիվ, ներդրումային և մանրածախ ծառայություններ բանկային լուծումների համալիր փաթեթի շրջանակներում: 2020 թվականի արդյունքներով Ամերիաբանկն առաջատար է Հայաստանի բանկային հատվածում ֆինանսական ցուցանիշներով (ակտիվներ, պարտավորություններ, վարկային պորտֆել, կապիտալ):
Հիշեցնենք, որ Առեւտրի եւ զարգացման սեւծովյան բանկը (BSTDB) Ալբանիայի, Հայաստանի, Ադրբեջանի, Բուլղարիայի, Վրաստանի, Հունաստանի, Մոլդովայի, Ռումինիայի, Ռուսաստանի, Թուրքիայի եւ Ուկրաինայի կողմից ստեղծված միջազգային ֆինանսական հաստատություն է: Բանկի կենտրոնակայանը գտնվում է Սալոնիկում (Հունաստան)։ BSTDB-ն աջակցում է տնտեսական զարգացմանը եւ տարածաշրջանային համագործակցությանը' տրամադրելով վարկեր, վարկային գծեր, բաժնետիրական կապիտալ եւ երաշխիքներ՝ իր անդամ երկրներում պետական եւ մասնավոր ոլորտներում առեւտրի նախագծերի եւ ֆինանսավորման համար: Բանկի կանոնադրական կապիտալը կազմում է 3.45 մլրդ եվրո: BSTDB-ն ունի Standard and Poor 's-ի "А-", Moody' s-ի "A2" և ռուսական AKPA վարկանշային գործակալության "A+" երկարաժամկետ վարկանիշ:
Քաղաքական գործիչ․ Հայաստանում Մոլդովական սցենարի կիրառումը կհանգեցնի հեղափոխության
Կարծիք. Ամերիկյան օրակարգը Հարավային Կովկասում ունի երկու առաջնահերթություն՝ TRIPP նախագիծը և Իրանի վրա ճնշումը
Հայ քաղաքագետը նշել է ԱՄՆ պետքարտուղարի՝ վաղը Երեւան կատարելիք այցի երկու հավանական նպատակները
Քաղաքագետ. ներքին էսկալացիան շատ արագ կհանգեցնի արտաքին էսկալացիայի
Կարծիք․ Ինչպես Հայաստանի ներսում, այնպես էլ նրա սահմաններին իրավիճակը մեծապես կախված կլինի Իրանի շուրջ գործընթացների զարգացումից
Ընդդիմադիրը հաղորդել է, թե Վայոց ձորի որ նորակառույց դպրոցներն են հանձնվելու ադրբեջանցիներին
Փորձագետ․ Հայաստանն ու Ադրբեջանը մասնակցում են Իրանի շրջապատման ԱՄՆ-ի աշխարհաքաղաքական խաղին
Քոչարյան․ ԵՄ և ԵԱՏՄ միջև ընտրությունը՝ դա ընտրություն է անիրականանալի երազանքի և որոշակիության միջև
Հայաստանի իշխանությունը, որպես ռուսական ուղղության այլընտրանք, ուղղակի կամ անուղղակի ակնարկում է Թուրքիայի և Ադրբեջանի ուղղությունները․ պատգամավոր
Լուկաշենկո. "Մենք չենք ցանկանում, որ Հայաստանը դուրս գա ԵԱՏՄ-ից, բայց չենք կարող դեմ գնալ հայ ժողովրդի կամքին"
Պեսկովը հասկանալի և թափանցիկ է համարել Հայաստանի շարժումը դեպի ԵՄ
Արցախից և բանակից հետո Սյունիքը կդառնա իշխանությունների թիրախը. Ռոբերտ Քոչարյան
Միրզոյանը հավաստիացնում է․ գերիների և Բաքվում պահվող անձանց հարցը մշտապես Հայաստանի իշխանությունների քննարկումների մաս է
Վոլոդին․ Մենք չենք կարող այլևս լռության մատնել այն գործընթացները, որոնք տեղի են ունենում Հայաստանում
Բունդեսթագի պատգամավորները նախատեսում են այցելել Հայաստան
