50 հայ նկարիչներ՝ մեկ հարթակում. Երևանում բացվել է "Գարուն կլինի" ցուցահանդեսը  

Արմինֆո.Երևանի ArtWorld Gallery ցուցասրահում բացվել է "Գարուն կլինի" կերպարվեստի ցուցահանդեսը, որը ներկայացնում է Հայաստանի 50 նկարիչների և քանդակագործների 143 աշխատանք:

"Սա առաջին ցուցահանդեսն է, որը Հայաստանում անցկացնում ենք պատերազմից հետո և կորոնավիրուսի համավարակի պայմաններում", - ասել է ցուցահանդեսի կազմակերպիչ, նկարիչ, Հայաստանի նկարիչների կենտրոնի նախագահ Խաչիկ Աբրահամյանը: Ինչպես ավելի ուշ պարզվել է, Աբրահամյանը ողջ աշխարհում 400-ից ավելի հայ արվեստագետների ցուցահանդեսներ է կազմակերպել։

ԱրմԻնֆո-ի թղթակցի հետ զրույցում նա պատմել է, որ ցուցադրությանը ներկայացված են երեք սերնդի արվեստի գործիչների աշխատանքներ, որոնց թվում կան արվեստի աշխարհում նշանավոր անհատներ, որոնք արդեն հեռացել են այս աշխարհից,  մասնավորապես Արա Բեքարյանը, Վաղինակ Ասլանյանը, Էդուարդ Արծրունյանը և այլոք: Ընդ որում, նկարիչը նշել է, որ արվեստը տարիքիվ կախված չէ: Քանի որ արարող մարդը այլեւս չի կարող հին լինել, "նա միշտ երիտասարդ է", - հավաստիացրել է Աբրահամյանը: "Գարուն կլինի" ցուցահանդեսում հատուկ ուշադրություն է դարձվել նկարչուհի Լիլիթ Ասլանյանի նատյուրմորտներին, որը շարունակում է իր հոր ՝ ականավոր հայ գեղանկարիչ Վաղինակ Ասլանյանի գիծը: Դրա հետ մեկտեղ, ցուցադրության զգալի մասը զբաղեցրել են նոր սերնդի նկարիչների եւ քանդակագործների աշխատանքները:

Այն հարցին, թե ինչպես են անդրադարձել պատերազմն ու համավարակը Հայաստանում արվեստի վրա, ցուցահանդեսի նախաձեռնող Խաչիկ Աբրահամյանն ասել է. «Որդիս եղել է առաջնագծում պատերազմի ժամանակ, երբ զինվորական ծառայության ընդամենը մեկուկես ամիս էր անցել: Չգիտեմ, թե այս հարցին ուրիշ ինչպես պատասխանեմ, ինչպես բացատրեմ. արվեստը հավերժ է ։ Ցուցահանդեսներ կլինեն: Կյանքը Շարունակվում է", - ասել է նա։

Իր ավագ զինակցի հետ պատերազմի մասին համակարծիք է նաև Հայաստանի նկարիչների միության անդամ, Արցախյան պատերազմի մասնակից, ինքնատիպ երիտասարդ քանդակագործ Արմեն Սարգսյանը: ԱրմԻնֆո-ի թղթակցի հետ զրույցում նա նշել է, որ անկախ իր ապրած ցավից, կորուստներից, որոնք պատերազմի դաժանություն են պատճառել, անհրաժեշտ է սովորել ապրել, նորից կառուցել, պայքարել, մարդ մնալ, սովորել լինել, թեև դա, քանդակագործի խոսքով, այս կյանքում ամենադժվար մասնագիտությունն է: "Առանց արվեստի ես կմահանայի", - ասել է նա: Տարբեր ցուցահանդեսների մասնակցությունը Արմեն Սարգսյանը համարում է իր արվեստի միջոցով մարդկությանը դիմելու հնարավորություն ։ "Ամեն մարդ զգում է այն, ինչ մոտ է իր սրտին, հոգուն։ Այս ցուցահանդեսի մասնակից լինելն ինձ համար կարևոր է, քանի որ դա հնարավորություն է իմ գործերի միջոցով օգնել մարդուն չկորցնել բարին ու գեղեցկությունը ։ Չէ որ արվեստն օգնում է մարդուն ապրել մաքուր եւ ավելի ճիշտ, ուղղորդում է նրան", - վստահեցրել է նա։

Նշենք, որ "Գարուն կլինի" խորագրով ցուցահանդեսում ներկայացված են նաև այնպիսի արվեստագետների աշխատանքներ, ինչպիսիք են Համազասպ Մանուկյանը, Ռուբեն Ադալյանը, Գևորգ Սահակյանը, Նարեկ Ավետիսյանը, Սպարտակ Գևորգյանը, Նարեկ Գևորգյանը, Լևոն Պողոսյանը, Նորայր Մինասյանը, Արման Համբարձումյանը, Աշոտ Բաղդասարյանը, Փայլակ Վանիկյանը, Արամ Սիմոնյանը, Անուշ Բաբայանը, Անուշ Եղիազարյանը, Սարգիս Աբրահամյանը, Անդրեյ Շուգարովը, Դավիթ Դավթյանը, Լուսինե Հովհաննիսյանը, Մհեր Չաթերյանը, Սոս Վարդազարյանը, Գագիկ Խաչատրյանը, Պետրո Պողոսյանը, Արտավազդ Թալալյանը, Լավրենտ Վարդանյանը, Աղասի Թալալյանը, Արամ Ենգիբարյանը եւ այլոք:

Ցուցադրությունը գործում է Վարդանանց 15 հասցեում՝ 12 օր:  Մուտքն ազատ է ։