Արմինֆո. Թուրքիայի հետ համագործակցելով մի քանի ճակատներում զուգահեռ՝ Ռուսաստանը փորձում է խուսափել իր համար նոր խնդիրներ հարուցելուց։ ԱրմԻնֆո-ին այդպիսի կարծիք է հայտնել " Ռուսաստանը գլոբալ քաղաքականությունում" ամսագրի գլխավոր խմբագիր, արտաքին և պաշտպանական քաղաքականության խորհրդի նախագահության նախագահ Ֆյոդոր Լուկյանովը։
"Մենք տեսնում ենք, որ անցած տարվա աշնանը Ղարաբաղում պատերազմը, բնականաբար, բավական շատ բան փոխեց։ Ընդ որում, ինչպես, ըստ էության, պատերազմող երկրներում, այնպես էլ տարածաշրջանում՝ ընդհանուր առմամբ։ Եվ Դոնբասում բավական անհանգիստ իրավիճակի ֆոնին՝ Մոսկվայի համար չափազանց կարևոր է խաղաղության պահպանումը ղարաբաղյան հակամարտության գոտում և, ընդհանուր առմամբ, Հարավային Կովկասում։ Կարևոր է քաղաքական ճանապարհով խնդիրների լուծումը, քանի որ դրա շրջանակներից դուրս գալը մեզ համար չափազանց անցանկալի սցենար է", - ընդգծել է նա։
Պատերազմից հետո Հայաստանի և Ռուսաստանի միջև ծավալված քննարկումների ընդգրկուն օրակարգի լույսի ներքո Լուկյանովը մեծապես կարեւորում է ՀՀ վարչապետ Նիկոլ Փաշինյանի՝ վերջերս Մոսկվա կատարած այցը և, ընդհանուր առմամբ, երկու առաջնորդների փոխայցելությունների ձևաչափով քննարկումները: Փաշինյանի մոսկովյան շրջագայությանը, նրա կարծիքով, լրացուցիչ ինտրիգ է հաղորդում Հայաստանում սպասվող արտահերթ ընտրությունների անցկացումը՝ հանրապետության ներքաղաքական դաշտում բազմաթիվ անհարթությունների առկայության ֆոնին։
Այս լույսի ներքո՝ հանդիպումը, վերլուծաբանի գնահատմամբ, երկուստեք հետաքրքրություն էր ներկայացնում զրուցակիցների համար: Եվ, եթե Մոսկվայի համար հետաքրքիր է Հայաստանում ներքաղաքական և նախընտրական տրամադրությունների շոշափումը, ապա Հայաստանի իշխանությունների համար կարևոր է հասկանալ Ռուսաստանի վերաբերմունքն այդ տրամադրությունների նկատմամբ։ Ըստ Լուկյանովի, այդ վերաբերմունքը մնալու է Հայաստանի ինքնիշխանության անվերապահ պահպանման եւ ներքին գործերին չմիջամտելու շրջանակներում:
Ընդհանուր առմամբ, հայ-ռուսական հարաբերությունների խորացումը, նրա կարծիքով, շարունակում է մնալ բանակցային օրակարգի մաս։ Առաջին հերթին՝ այդ հարցում փոխադարձ հետաքրքրության անվերապահ առկայության պատճառով։ Եվ այս լույսի ներքո, և այս ուղղությամբ կան բազմաթիվ հարցեր, որոնք պետք է քննարկվեն, նախ, երկկողմ, ապա նաև բազմակողմ ձևաչափով։
"Մենք հասկանում ենք, որ Ռուսաստանի համար գլխավոր հարցը եւ թեման, բազմաթիվ հարցերի եւ թեմաների շարքում, հաղորդակցության ապաշրջափակումն է։ Հենց այս հարցի շուրջ են այսօր ընթանում ամենածանր բանակցությունները, ինչը հանգեցրել է մեր փոխվարչապետ Ալեքսեյ Օվերչուկի՝ Հայաստան և Ադրբեջան այցի անհրաժեշտության։ Կարևոր է Հայաստանի անվտանգության ապահովումը։ Կարեւոր է կատարել Մոսկվայի պարտավորություններն այդ ուղղությամբ ՝ ուժեղացնելով ռազմական ներկայությունը հանրապետությունում։ Կան բազմաթիվ տնտեսական և քաղաքական հարցեր, կա հայ գերիների հարց ։ Այս ամենը պետք է քննարկվեր՝ փոխընդունելի լուծումների հասնելու նպատակով", - ամփոփել է Լուկյանովը։
Ապրիլի 7-ին Մոսկվայում տեղի է ունեցել ՀՀ վարչապետ Նիկոլ Փաշինյանի հանդիպումը ՌԴ նախագահ Վլադիմիր Պուտինի հետ: Շուրջ 4 ժամ տևած բանակցությունների ընթացքում զրուցակիցները քննարկել են առևտրատնտեսական կապերի և տրանսպորտային հաղորդակցությունների վերականգնումը, խաղաղապահների օգնությամբ Արցախում իրավիճակի կարգավորումը, եվրասիական տարածքում ինտեգրացիոն միավորումներում փոխգործակցության հեռանկարները:
Հայաստանի մարզերի երեխաները տեղի ՏՏ համայնքն ապահովել են կոգնիտիվ հակումների ամենամեծ գրադարանով
Իսկանդարյան. Ցանկացած տարածաշրջան ներսից ավելի մեծ և կարևոր է թվում, քան՝ դրսից
Արևելագետ. Ստամբուլի ընդդիմադիր քաղաքապետի ձերբակալությունը Թուրքիայի նախագահի նախընտրական հնարքն է 
Այսպես կոչված՝ "Զանգեզուրի միջանցքի" հարցը Հայաստանում չի լուծվելու. փորձագետ
Իսկանդարյան. Ռուսաստանի ազդեցությունը հետխորհրդային տարածքում և Հարավային Կովկասում կշարունակի նվազել
IDBank-ի ներկայացուցիչը միացել է Trade Finance Global-ի խմբագրական խորհրդին
ԱԺ պատգամավոր. ամենակարևորը ռուս-ադրբեջանական դիմակայությունը Հայաստանի սահմաններին չհասցնելն է
Կառավարության շենքի մոտ ցուցարարները պահանջում են քրեական պատասխանատվության ենթարկել Փաշինյանին՝ ՀԱԵ հասցեին հայտարարությունների համար
Կաթողիկոս. Թուրքիայի ռազմական աջակցությամբ Ադրբեջանն իրականացրել է ոճրագոծություն՝ բռնազավթել և ամբողջապես հայաթափել է Արցախը
Թվում էր՝ ավելի վատ չի կարող լինել. Փաշինյանն անպարկեշտ վիրավորանք է հրապարակել եպիսկոպոսի հասցեին, իսկ նրա կինը հոգևորականներին անվանել է մանկապիղծներ
Հայաստանը պաշտպանել է ՄԱԿ Գլխավոր ասամբլեայում ընդունված հակառուսական բանաձևը
Վարդան Ղուկասյանն ընտրվել է Գյումրու քաղաքապետ
Սարգսյանը նշել է երեք հիմնական խնդիրները, որոնք անհրաժեշտ է իրագործել Հայաստանում իշխանափոխությունից հետո
Քաղաքական գործիչ. Փաշինյանը միտումնավոր զոհաբերեց Արցախը՝ Հայաստանի ռազմավարական կողմնորոշումը փոխելու համար
Վաթսուն ամերիկացի օրենսդիրներ ԱՄՆ պետքարտուղարին կոչ են արել դադարեցնել ռազմական օգնությունն Ադրբեջանին
Քաղաքագետ. 31 տարի անց Արցախն Ադրբեջանի կազմում է ճանաչել Լևոն Տեր-Պետրոսյանի քաղաքական հոգեզավակը
Փաշինյանը հայտարարել է Ղարաբաղյան շարժման դերի մասին՝ "Հայաստանի պետականության չկայացման գործում"
Փաշինյանը պարզաբանել է, թե խաղաղության համաձայնագրի շրջանակում Բաքվի հետ ինչ հարցեր են քննարկման ենթակա
Դիվանագետների համահայկական խորհուրդը քննադատել է Հայաստանի իշխանություններին՝ "խաղաղության պայմանագրով" Ադրբեջանին միակողմանի զիջումներ անելու համար
Հայաստանի նախկին ԱԳ նախարար. Փաշինյանի խաղաղությունը կապիտուլյացիայի վարպետության դաս է
