Արմինֆո.Ջավախքում թուրքական զորքերի հնարավոր տեղակայման մասին տեղեկատվությունը ոչ այլ ինչ է, քան լցոնում, որն ի հայտ է գալիս բավականին ռիթմիկ և պարբերաբար։ ԱրմԻնֆո-ի թղթակցի հետ զրույցում այդպիսի կարծիք է հայտնել Կովկասի հարցերի մասնագետ, քաղաքագետ Վադիմ Դուբնովը։
Ընդ որում, նա հավելել է, որ այդ տեղեկատվական ֆեյքը չի կարելի համարել հիմնավորված կամ դրա երկար կյանք կանխատեսել: Քաղաքագետը կարծում է, որ շատ շուտով այդ մասին կմոռանան, քանի որ Ջավախքի թեման կանոնավոր է, ինտենսիվ, բայց շատ կարճ:
Դրա հետ մեկտեղ, փորձագետը կարծում է, որ այդ ամենը միանգամայն բնական է բոլոր տարածաշրջանային հաղորդակցությունների ապաշրջափակման ծրագրերի ֆոնին: Սա հակաթուրքական ուղղության ոչ տպավորիչ թեմաներից մեկն է։ "Իբր, տղերք, ինչ Թուրքիա, երբ իրենք մեր կողքին տեղակայելու են իրենց զորքերը, և ոչ միայն կողք կողքի, այլ նաև այն տարածքում, որը Հայաստանը համարում է իրենը։ Այսինքն ՝ դա նաև հարձակում է Ռուսաստանի կողմը, և երկրորդ՝ նաև Վրաստանում, որը նույնպես երգելու է թուրք-ադրբեջանական դուդուկի ներքո։ Գործիքակազմի առումով, ամեն ինչ, ընդհանուր առմամբ, հասկանալի է ՝ ում դեմ և ինչի համար. քաղաքականապես դա բնավ զարմանալի չէ, եթե չասենք՝ բավական ծիծաղելի", - ասել է Դուբնովը։
Միեւնույն ժամանակ, նա եւս մեկ անգամ հիշեցրել է, որ այս թեման նոր չէ: "Ես նաեւ հիշում եմ, որ թուրքական զորքեր Ջավախք մտցնելու հարցը բարձրացվում էր, երբ քննարկվում էր Բաքու-Սուփսա նավթամուղի կառուցման հարցը։ Իբր, ահա թուրքերը կգան հսկելու խողովակաշարը, որն իրենց մոտ է գնում։ Եվ ու՞ր են այդ թուրքերը։ Խողովակ կա, թուրք չկա", - նկատել է փորձագետը։
Հստակեցնելով, թե հատկապես Ղարաբաղի շուրջ ստեղծված իրավիճակի ֆոնին որքանով է թուրքական դիրքերի ամրապնդում ակնկալվում տարածաշրջանում, և ինչով է դա հղի, հատկապես, Հայաստանի համար, Դուբնովը համոզմունք է հայտնել, որ ռազմական տեսանկյունից Թուրքիայի ազդեցությունն Ադրբեջանում կամրապնդվի: "Բայց դա կրկին խորհրդականների մակարդակով, ռազմական համակարգմամբ։ Ես չեմ կարծում, որ Բաքուն եւ Անկարան շահագրգռված են Ադրբեջանում թուրքական ռազմակայանի տեղակայմամբ, առավել եւս, որ դա օրենսդրորեն արգելված է ։ Եվ փոխել Սահմանադրությունը, օրենսդրությունը մի միջոցառման համար, որը չի խոստանում ինչ-որ ակնհայտ օգուտներ եւ առանց որի կարելի է հեշտությամբ ապրել, Բաքուն դրան չի գնա", - նշել է փորձագետը։
Իսկ եթե տնտեսական տեսանկյունից խոսենք, շարունակել է Դուբվնովը, ապա, անկասկած, Թուրքիայի ազդեցությունը կամրապնդվի ։ Ընդ որում, փորձագետը կարծում է, որ դա բավականին բնական գործընթաց է։ Նախկինում դա այնքան ինտենսիվ չէր կատարվում, քանի որ տարածաշրջանում թուրքական հզորացումն արհեստականորեն զսպվում էր։
"Իսկ հիմա այդ զսպման հնարավորությունները ավելի քիչ կլինեն։ "Բնակչության հայրենասեր շերտերի համար սա շատ սարսափելի է, բայց նրանց համար, ովքեր ելնում են իրերի ու պատմության օբյեկտիվ ընթացքից, բնական պատմական բաները պետք է ընդունել և պատրաստվել դրանց", - համոզված է ռուս փորձագետը:
Ճշգրտելով, թե արդյոք կիսում է այն կարծիքը, որ Հայաստանին Աջարիայի ճակատագիրն է սպասում Թուրքիայի հետ սահմանի բացման դեպքում, ինչպես այդ մասին օրեր առաջ հայտարարել էր ՀՀ երկրորդ նախագահ Ռոբերտ Քոչարյանը, թե, այնուամենայնիվ, սպառնալիքը փոքր-ինչ չափազանցված է, Դուբնովը կատակել է, թե՝ եթե դրան նայենք Աջարիայում հանգստացող հայ հյուրերի տեսանկյունից, ապա, այո, սպառնալիքը խիստ չափազանցված է: "Իսկ եթե Քոչարյանը նկատի ուներ թուրքական բիզնեսի ներթափանցումը, ապա, բնականաբար, թուրքական բիզնեսն ինչ-որ չափով թափանցելու է, իհարկե, ոչ այնքան, որքան Աջարիայում, քանի որ այնտեղ այլ պատմական համատեքստ և փոխհարաբերությունների այլ համակարգ է ։ Հայաստանում, համենայնդեպս, առաջին շրջանում, որը կարող է տասնամյակներ տեւել, այդ ամրապնդումը մի փոքր ավելի բարդ կլինի, բայց ներթափանցում, իհարկե, կլինի, ինչը միանգամայն տրամաբանական է", - ասել է ռուս փորձագետը։
Վերջում Դուբնովը արձանագրել է, որ հայրենական հայ արտադրողի, բիզնեսի համար առաջին շրջանում բավականին դժվար կլինի: "Բայց ես գիտեմ, որ հայ տնտեսագետները դեռ տասը տարի առաջ կանխատեսել էին, որ ներմուծման փոխարինման համակարգը, որի վրա դրված է խաղադրույքը Հայաստանում, բավական վտանգավոր է, և օրերից մի օր դա կրակելու է Հայաստանի դեմ։ Եվ հիմա ստիպված ենք դրա հետ ինչ-որ բան անել՝ տնտեսական տեսանկյունից", - ամփոփել է Դուբնովը ։