FRV-ն  ՄՖԿ-ի, ՎԶԵԲ-ի և Ամերիաբանկի հետ հաջողությամբ ավարտեց ՀՀ-ում արդյունաբերական նշանակության ամենախոշոր արևային կայանի կառուցման ֆինանսավորումը

Արմինֆո.Fotowatio Renewable Ventures (FRV) ընկերությունը, որը Abdul Latif Jameel ընկերության անդամ է եւ վերականգնվող էներգիայի ոլորտում նախագծերի համաշխարհային առաջատար մշակող, IFC-ի, EBRD-ի եւ Ամերիբանկի հետ համատեղ հաջողությամբ ավարտել է Հայաստանում խոշորագույն "Մասրիկ-1" արեւային էլեկտրակայանի կառուցման ֆինանսավորման գործարքը:

Այդ մասին ԱրմԻնֆո-ին հաղորդել են Ամերիաբանկի մամուլի ծառայությունից, նշելով, որ նախագծի ֆինանսավորումը կկազմի մինչեւ 38.4 մլն դոլար' մի քանի տրանշերի տեսքով:

55 ՄՎտ հզորությամբ "Մասրիկ-1" արևային էլեկտրակայանը տարեկան արտադրելու է ավելի քան 128 գիգավատտ- ժամ էլեկտրաէներգիա ՝ 41,9 Մվտ/ժ մրցունակ սակագնով, ավելի քան 20 000 տուն էլեկտրաէներգիա մատակարարելու և տարեկան ավելի քան 40 000 տոննա ածխածնի արտանետումից խուսափելու համար: Նախագծի շրջանակներում ստորագրվել է "Հայաստանի էլեկտրական ցանցեր" ընկերության հետ էլեկտրաէներգիայի գնման համաձայնագիր, որը բաշխելու է արտադրվող էլեկտրաէներգիան ՝ զգալի օգուտ ապահովելով համայնքի համար: Միջազգային ֆինանսական կորպորացիան (IFC) եւ Վերակառուցման եւ զարգացման եվրոպական բանկը (EBRD) կաջակցեն նախագծին ՝ տրամադրելով առաջնահերթ փոխառություններ եւ ներդրումային դրամաշնորհ, որը ՎԶԵԲ-ը կներգրավի ԵՄ-ից: Ամերիաբանկը կաջակցի նախագծին ' ԱԱՀ-ի գծով ֆինանսավորում տրամադրելով ընկերությանը:

"Մասրիկ-1" արևային էլեկտրակայանը, որը գտնվում է Գեղարքունիքի մարզի Մեծ Մասրիկ համայնքում և որն իր տեսակի մեջ առաջինն է Հայաստանում, կօգնի ավելացնել վերականգնվող էներգիայի մատակարարումը Հայաստանում ' միաժամանակ նվազեցնելով դրա կախվածությունը հանածո վառելիքից:

"Հայաստանն ունի էներգիայի վերականգնվող աղբյուրների, մասնավորապես արևային էներգիայի զարգացման մեծ ներուժ։ Տարածաշրջանում մեր առաջին արեւային նախագծի ֆինանսավորման գործարքի ավարտը կարեւոր իրադարձություն է FRV ընկերության համար, քանի որ մեզ թույլ է տալիս ընդլայնել մեր գործունեությունը ամբողջ աշխարհում: Այս նախագծի շնորհիվ մենք մեր ներդրումն ենք ունենալու երկրի կայուն տնտեսական աճի մեջ ՝ նպաստելով բնակչության բարեկեցության եւ զբաղվածության ավելացմանը եւ օգնելով ավելի կայուն ապագայի կառուցմանը", - նշել է FRV ընկերության կառավարիչ տնօրեն Տրիստան Իգուիերոն:

Ամերիաբանկի տնօրինության նախագահ-գլխավոր տնօրեն Արտակ Հանեսյանը կարևորել է նախագծի իրագործումը` նշելով, որ Բանկը առանձնակի ուշադրություն է դարձնում վերականգնվող էներգետիկայի ոլորտում իրականացվող ծրագրերին․ «Մենք  աջակցում ենք Հայաստանում միջազգային ընկերությունների գործունեությանը և մեզ համար այս նախագիծն առանձնանում և կարևորվում է առաջին հերթին մեր երկրի տնտեսության զարգացման, էկոլոգիական խնդիրների լուծման, նոր աշխատատեղերի ստեղծման, մեր քաղաքացիների կյանքի որակի բարելավման տեսանկյունից։ Կարևորելով անկախ և անվտանգ էներգետիկ համակարգ ձևավորելու հեռանկարը` Ամերիաբանկը ուրախ է աջակցելու արդյունաբերական մասշտաբի ամենամեծ արևային էլեկտրակայանի կառուցմանը»։ Ա․ Հանեսյանը նշել է, որ Ամերիաբանկը մշտապես ակտիվ աշխատանքներ է իրականացրել էներգետիկայի ոլորտում, մասնավորապես՝  ՀԷԿ-երի ֆինանսավորման, ինչպես նաև արևային կայանների կառուցման ուղղություններով. ««Մասրիկ-1» արևային կայանի կառուցումը հերթական հավակնոտ և մեր երկրի համար առանցքային նշանակություն ունեցող ծրագրերից մեկն է, որը, վստահ եմ, մեր գործընկերների հետ միասին հաջողությամբ ավարտին ենք հասցնելու»։

Abdul Latif Latif Jameel Energy ընկերության փոխնախագահ Ֆեդի Ջամիլը հայտարարել է. "Abdul Latif Jameel Energy ընկերությունը FRV ընկերության միջոցով իրականացնում է Հայաստանում արդյունաբերական մասշտաբի ամենամեծ արևային կայանի կառուցումը, ինչը վկայում է վերականգնվող էներգետիկայի ոլորտի զարգացման ուղղությամբ մեր ջանքերի մասին: «Մասրիկ» արևային կայանի կառուցման ֆինանսավորման պայմանագրի կնքումը ևս մեկ քայլ է մեր նպատակների իրականացման ճանապարհին: Հպարտ ենք, որ աջակցում ենք Հայաստանում վերականգնվող էներգետիկայի ոլորտի կայացմանը":

Հաղորդագրության մեջ նշվում է, որ 2018 թվականին FRV ընկերությունը եւ ՀՀ տարածքային կառավարման եւ ենթակառուցվածքների նախարարությունը համաձայնագիր են ստորագրել վերականգնվող էներգիայի եւ էներգաարդյունավետության հիմնադրամի (R2E2) ՝ Հայաստանի կառավարության ծրագրի իրականացման լիազորված գործակալության միջնորդությամբ արեւային էլեկտրակայանի նախագծման, ֆինանսավորման, կառուցման, տիրապետման եւ շահագործման համար պետական աջակցության տրամադրման մասին:

FRV ընկերության մասին. FRV-ն հանդիսանում է Abdul Latif Jameel Energy ընկերության անդամ և աշխարհում վերականգնվող էներգետիկայի ոլորտի առաջատար: Հավատարիմ մնալով էներգետիկայի կայուն զարգացման ոլորտում աշխարհի առաջատար ընկերությունը դառնալու ձգտմանը` FRV-ն արդյունաբերական մասշտաբի ֆոտովոլտայիկ կայաններ արտադրող ընկերությունից դարձավ վերականգնվող էներգետիկայի ոլորտում անկախ էներգաարտադրող ընկերություն: Մեր նպատակն է վերափոխվել և դառնալ կանաչ տեխնոլոգիաների/էներգետիկ հարթակի առաջատարը, այդ իսկ պատճառով որդեգրել ենք արագ աճի ռազմավարություն, որը նախատեսում ենք իրականացնել ծրագրերից ստացվող եկամտի, բաժնետերերի ներդրումների, ինչպես նաև բաժնետոմսերի մինորիտար փաթեթի և ուղղակի վաճառքի միջոցով ակտիվների ռոտացիայի հաշվին: Այս նպատակով ընկերությունը նախատեսում է ավելի քան 1.5 մլրդ ԱՄՆ դոլարի ներդրում կատարել հիմնական միջոցներում` ապահովելով ընկերության ընդհանուր հաշվարկային հզորության կրկնակի աճ (2020թ. 2 ԳՎտ-ից մինչև 4 ԳՎտ 2024թ.):

Abdul Latif Jameel Energy ընկերության մասին. Abdul Latif Jameel Energy ընկերությունը ստեղծվել 2012 թ-ին և այսօր համարվում է էլեկտրաէներգիա արտադրող առաջատար և անկախ ընկերություն, որը բարձրակարգ ծառայություններ է մատուցում վերականգնվող էներգետիկայի ոլորտում: Ընկերությունը ծրագրեր է իրականացնում աշխարհի 16 երկրներում և ունի վերականգնվող էներգետիկայի ոլորտի ծրագրերի` այդ թվում ֆոտովոլտային էլեկտրակայանների, հողմակայանների, թափոնների վերամշակման էներգետիկ ծրագրերի իրականացման  հարուստ փորձ: Ընկերությունն առաջարկում է բնապահպանական լուծումներ մասնավորապես աղազերծման, ջրի և կեղտաջրերի մաքրման ոլորտներում:

«Ամերիաբանկ» ՓԲԸ. Ամերիաբանկը Հայաստանի դինամիկ զարգացող բանկերից է և դասվում է երկրի ամենակայուն և խոշոր ֆինանսական հաստատությունների շարքին: Ամերիաբանկն ունիվերսալ բանկ է, որը մատուցում է կորպորատիվ, ներդրումային և մանրածախ բանկային ծառայություններ` տրամադրելով բանկային լուծումների ամբողջական փաթեթ: Ամերիաբանկը պահպանում է առաջատար դիրքը հիմնական ֆինանսական ցուցանիշներով: