Ղարաբաղում մարտական գործողություններից հետո "1000 դրամների" հիմնադրամը փոխհատուցում է վճարել 104 շահառուի

Արմինֆո.  Լեռնային Ղարաբաղի հակամարտության գոտում մարտական գործողություններից հետո Զինծառայողների ապահովագրության հիմնադրամը ("1000 դրամ" հիմնադրամ) փոխհատուցում է վճարել 104 շահառուների: Այդ մասին նոյեմբերի 24-ին Երեւանում կայացած մամուլի ասուլիսի ժամանակ հայտարարել է Զինծառայողների ապահովագրության հիմնադրամի տնօրեն Վարուժան Ավետիքյանը։

Նրա խոսքով ՝ մինչեւ մարտական գործողությունները 416 ընտանիք փոխհատուցում էր ստացել։ Նա նաեւ տեղեկացրել է, որ այսօր նախատեսված է հիմնադրամի խորհրդի հերթական նիստը, որտեղ որոշում կկայացվի եւս մի քանի տասնյակ ընտանիքների փոխհատուցում տրամադրելու մասին: "Ապագայում մենք նախատեսում ենք ամեն շաբաթ փոխհատուցում տրամադրել մի քանի տասնյակ շահառուների", - ասել է նա, եւս մեկ անգամ հիշեցնելով, որ հստակ սահմանված է, թե ով կարող է ակնկալել փոխհատուցում (մահացած կամ անհայտ կորածի ծնողները, երեխաները կամ ամուսինը/կամ կինը):

Նա նաեւ նշել է, որ վճարումների ուշացումը պայմանավորված է այն հանգամանքով, որ անհրաժեշտ է ազգակցական կապի փաստաթղթային հաստատում, ինչը ժամանակ է պահանջում: Ավետիսյանը նաև տեղեկացրել է, որ այժմ փոխհատուցում են ստանում միայն զոհվածների ընտանիքները, քանի որ վիրավորները նախ պետք է ստանան բուժում, այնուհետև հետազոտության արդյունքում ստանան հաշմանդամության խումբ:

Հիմնադրամի տնօրենը նաև տեղեկացրել է, որ փոխհատուցման հայտերը պետք է ներկայացնել տեղական ինքնակառավարման մարմիններին՝ ըստ գրանցման վայրի, այնտեղ արդեն պատրաստված իրավաբանները հավաքում են անհրաժեշտ փաստաթղթերի փաթեթն անվճար հիմունքներով և ուղարկում են ՀՀ պաշտպանության նախարարություն: "Մեր նպատակն է, որ ոչ մի ընտանիք այս գործընթացից դուրս չմնա, Բացի այդ, ոչ մի ժամանակային սահմանափակում կամ գործողության ժամկետ չկա ։ Նրանք, ում փոխհատուցում է հասնում, կարող են դիմել նաև 3 տարի հետո", - ասել է Ավետիսյանը։

Նա ևս մեկ անգամ հիշեցրել է, որ զոհված կամ անհայտ կորած զինծառայողների ընտանիքներին, ինչպես նաև առաջին խմբի հաշմանդամներին տրամադրվում է միանվագ 10 մլն դրամ օգնություն, իսկ այնուհետև 20 տարի կամ 240 ամիս հատկացվում է ամսական 200-300 հազար դրամ, իսկ հաշմանդամության երկրորդ խմբի զինվորականները ստանում են միանվագ 5 մլն դրամ և 100-200 հազար դրամ:

Անդրադառնալով վճարումների կրկնապատկման նախաձեռնությանը ՝ Ավետիսյանը հաղորդել է, որ ստացվում  են բազմաթիվ դիմումներ գործատուներից, որոնք պատրաստ են ավելացնել վճարումները հիմնադրամին:

Ավետիսյանը նաև դժվարացել է նշել  պատերազմի ընթացքում զոհվածների և վիրավորների թիվը, հավելելով, որ դրանք հազարավոր են:

Հարկ է նաև նշել, որ հիմնադրամի հոգաբարձուների խորհրդի անդամ Մեսրոպ Մանուկյանը Facebook-ի իր էջում գրել է, որ "Զինծառայողների ապահովագրության հիմնադրամի" շահառուների թիվը  կտրուկ ավելացել են մոտ 8000-ով: «Ժամանակին, երբ փաստարկված ներկայացնում էի, որ «Զինծառայողների ապահովագրության» հիմնադրամում մուտքերը էապես պակաս են, քան պետք է լինեին պաշտոնապես ներկայացվող աշխատատեղերի թվի դեպքում, պատշաճ ուշադրություն չդարձվեց . . . Ավելին, նախարարներն ու պատգամավորները նախանձելի հետրևողականությամբ իրենց պարգևավճարներն էին ստանում և ասյօր էլ շարունակում են պարգևավճարների կռիվ . . . ! Հիմա արդեն փաստի առաջ ենք

Միանգամից հիմնադրամի շահառուների թիվն ավելանում է շուրջ 8000-ով (զոհված, 1-ին և 2-րդ կարգի հաշմանդամություն ստացած զինծառայողներ) Իսկ միայն սկզբնական, միանվագ գումարը հատկացնելու միջոցներ հիմնադրամում չկան ( հիմնադրամում այս պահին կա շուրջ 32 մլրդ դրամ, բայց միայն միանվագ հատուցման համար անհրաժեշտ է շուրջ 70 մլրդ դրամ) Չնայած այն հանգամանքին, որ հիմնադրամը նման իրավիճակում ապահովագրված է, սակայն խնդրի լուծման համար չի նկատվում, որ ինչ-որ քայլ է կատարվում #հաջորդիվ կանրադառնամ անհայտ կորած զինծառայողների ցավոտ խնդրին», - գրել է Մեսրոպ Մանուկյանը:

Հիշեցնենք, որ ավելի վաղ ՀՀ կառավարություն էր ներկայացվել պարտադիր վճարները 1000 դրամից 3000-ի հասցնելու մասին օրինագիծը: Այս նախաձեռնությունը հակասական արձագանք է հարուցել հասարակության շրջանում։