Արմինֆո. Լեռնային Ղարաբաղի հակամարտության գոտում ռազմական գործողությունների հետեւանքով տուժածներին նորմալ խաղաղ կյանքի վերադառնալու հարցում օգնությունը շատ կարեւոր եւ արդիական է։
Այդ մասին Ռուսաստանի նախագահ Վլադիմիր Պուտինը հայտարարել է պաշտպանության նախարար Սերգեյ Շոյգուի, արտաքին գործերի նախարար Սերգեյ Լավրովի, արտակարգ իրավիճակների նախարար Եվգենի Զինիչեւի եւ ԱԴԾ տնօրեն Ալեքսանդր Բորտնիկովի մասնակցությամբ Ղարաբաղին նվիրված խորհրդակցության ժամանակ։ Նա փաստել է, որ նոյեմբերի 9-ին ընդունված եռակողմ հայտարարությունը թույլ տվեց դադարեցնել արյունահեղությունը, կայունացնել իրավիճակը, գնդակոծություններն ամբողջությամբ դադարեցվել են: Պուտինը հավելել է, որ շփման գծի երկայնքով եւ, այսպես կոչված, Լաչինի միջանցքի երկայնքով հայտարարության համաձայն, տեղակայվում է ռուսական խաղաղապահ զորակազմ: "Պետք է ուշադրություն դարձնել այն հանգամանքի վրա, որ Լեռնային Ղարաբաղի շրջանում լուրջ հումանիտար խնդիրներ են առաջացել, հիմա մեզ այդ մասին զեկուցվել է ։ Զոհերի թիվը, այդ թվում խաղաղ բնակչության շրջանում, մարտերի արդյունքում գերազանցել է 4000 - ը, վիրավորներինը ՝ ավելի քան 8000 մարդ: Փախստականների թիվը, ըստ տարբեր տվյալների, կազմում է տասնյակ հազար ։ Քանդվել է քաղաքացիական ենթակառուցվածքը, բազմաթիվ մշակութային օբյեկտներ։ Ամենահրատապ խնդիրների լուծման գործում տարածաշրջանի բնակիչներին օգնելու նպատակով անհրաժեշտ եմ համարում ստեղծել մարդասիրական արձագանքման միջգերատեսչական կենտրոն: Դրա աշխատանքներին կմասնակցեն Ռուսաստանի Դաշնության պաշտպանության նախարարության, Արտակարգ իրավիճակների նախարարության, ԱԳՆ-ի, ԱԴԾ սահմանային ծառայության, այլ գերատեսչությունների ռեսուրսներ >, - ասել է Պուտինը:
Միաժամանակ, նա արձանագրել է, որ կենտրոնը կզբաղվի մշտական բնակության վայրեր փախստականների վերադարձի գործընթացի օպերատիվ ուղեկցմամբ, քաղաքացիական ենթակառուցվածքների վերականգնման եւ Լեռնային Ղարաբաղում նորմալ կենսագործունեության համար պայմանների ստեղծման ուղղությամբ Ադրբեջանի եւ Հայաստանի պետական մարմինների հետ փոխգործակցությամբ, պետական կառույցների աշխատանքի համակարգմամբ, հույս հայտնելով, որ հասարակական կազմակերպությունները մարդասիրական օգնություն կցուցաբերեն այն շրջանների բնակիչներին, որոնք տուժել են մարտական գործողություններից, հաղորդել Է ՏԱՍՍ-ը:
"Ես խնդրում եմ Ռուսաստանի ԱԳՆ-ին շարունակել ԵԱՀԿ Մինսկի խմբի գործընկերների ընդունած որոշումների մասին իրազեկման աշխատանքը, ինչպես նաեւ՝ ԿԽՄԿ-ին եւ ՄԱԿ-ի Մարդու իրավունքների գերագույն հանձնակատարի վարչությանը: Պետք է կառուցողական, լիարժեք աշխատանք հաստատել այդ կառույցների, այդ թվում ՝ ՄԱԿ-ի Փախստականների հարցերով գերագույն հանձնակատարի վարչության հետ ։ ՅՈՒՆԵՍԿՕ-ի գործընկերների հետ պետք է կապի մեջ մտնել, շատ եմ ակնկալում նրանց աջակցությունը ։ Հույս եմ հայտնում, որ [միջգերատեսչական] կենտրոնի գործունեությանը համակողմանի աջակցություն կցուցաբերվի այդ բոլոր կառույցների կողմից ։ Ակնկալում ենք նաև Անկախ պետությունների համագործակցության գծով ներդրում և աջակցություն: Այս կարևոր աշխատանքի բոլոր հնարավոր մասնակիցների հետ կօժանդակենք սերտ փոխգործակցությունը։ Ես ցանկանում եմ շնորհակալություն հայտնել մեր հանդիպման բոլոր մասնակիցներին այն բանի համար, ինչ մինչ այժմ արդեն արվել է, եւ շատ եմ ակնկալում ձեր արդյունավետ համատեղ աշխատանքը, ընդ որում ՝ համատեղ եւ միմյանց, եւ Հայաստանի ու Ադրբեջանի գործընկերների հետ", - ամփոփել Է Պուտինը:
Քնարիկ Հովհաննիսյան. Հայաստանի ջրային քաղաքականությունն անմխիթար վիճակում է
Հայաստանում բողոքի ակցիաները երկու բաղադրիչ ունեն՝ օբյեկտիվ և արտաքին. քաղաքագետ
Գեներալ-մայոր. Հայաստանն այսօր պատրաստ չէ Թուրքիայի և Իրանի հետ սահմանների ինքնուրույն պահպանությանը
Փորձագետ. ԵՄ-ը սեփական շահերն է հետապնդում Հարավային Կովկասի տարածաշրջանում
Ադրբեջանը "մուկ ու կատու" է խաղում Հայաստանի և աշխարհի հետ. վերլուծաբան
Փաշինյանը չի ճանաչել Արցախը, փոխարենը ճանաչել Է Պաղեստինը. քաղաքագետ
Վերախմբավորումից հետո մեր շարժումն էլ ավելի մասշտաբային կդառնա. արքեպիսկոպոս
Ֆրանսիացի հայտնի գործիչները Մակրոնին խնդրում են ֆրանսիական զորքեր ուղարկել Հայաստան 
Ընդդիմադիր պատգամավորների կողմից իրենց մանդատները վայր դնելու հարցն օրակարգում է. Մինասյան 
"Տավուշ հանուն հայրենիքի" շարժումը մարզերում հանդիպումներ կունենա ՀՀ քաղաքացիների հետ
Մեկնարկել է ավտոերթը դեպի Գյումրի՝ գյումրեցի Բագրատ Գալստանյանի գլխավորությամբ
Այս տարօրինակ լռությունն ընդհատելու ժամանակն է. Դիվանագետների համահայկական խորհուրդը դիմել է օտարերկրյա դիվանագիտական առաքելություններին և միջազգային կազմակերպություններին
Երեւան է այցելել Պենտագոնի ՊՎՆԳ վտանգների համատեղ նվազեցման ղեկավարության տնօրենը
ՀՀ վարչապետ. Ես՝ անձամբ, գիտեմ մեր դեմ պատերազմի նախապատրաստմանը ՀԱՊԿ, առնվազն, երկու պետությունների մասնակցության մասին
Կարծիք. Բաքվում Լուկաշենկոյի հայտարարություններն ակնհայտորեն ցույց են տալիս Հայաստանի և Ադրբեջանի դիվանագիտության աշխատանքի արդյունքները
Հարցում. Հայաստանում հարցվածների կեսից ավելին դրական է գնահատում "Տավուշը հանուն հայրենիքի" շարժումը
Փորձագետներն ու քաղաքագետները վերլուծել են "Հայաստանի շուրջ առկա խնդիրները և դրանց հնարավոր լուծումները"
