Արմինֆո. Ֆրանսիայում, այլ երկրներում ահաբեկչությունները Թուրքիայի միջնորդավորված "պատասխանն" են Հայաստանի եւ Արցախի նկատմամբ Եվրոպայի վերաբերմունքին։ ԱրմԻնֆո-ին այդպիսի կարծիք է հայտնել նախկին փոխարտգործնախարար, արտակարգ եւ լիազոր դեսպան Արման Նավասարդյանը:
"Կարծում եմ, որ այստեղ, իհարկե, դեր են խաղացել Ֆրանսիայի նախագահ Մակրոնի հայտարարությունները՝ կապված Արցախի նկատմամբ թուրք-ադրբեջանական ագրեսիայի հետ։ Ֆրանսիայի ավելի մեծ ակտիվությունը՝ քան ԱՄՆ-ի և Ռուսաստանի ԵԱՀԿ Մինսկի խմբի եռանախագահների ձևաչափում։ Այս ամենը միասին իր դերն ու նշանակությունն է ունեցել հենց Ֆրանսիայի տարածքում ահաբեկիչների թիրախների ընտրության հարցում", - ընդգծել է նա։
Նավասարդյանի գնահատմամբ, ընդհանուր աշխարհաքաղաքականությամբ պայմանավորված, Ֆրանսիայի նախագահ Էմանուել Մակրոնի եւ Թուրքիայի նախագահ Էրդողանի միջեւ հարաբերությունների սրմանը զուգահեռ լարվածության լրացուցիչ դրդապատճառ է հանդիսացել Թուրքիայի նախագահի լկտիությունն ու արատավոր ամբիցիոզությունը: Դիվանագետը համոզված է, որ Բաքուն եւ Անկարան այսօր հակահայկական քաղաքականություն են վարում աշխարհի գրեթե բոլոր երկրներում, ինչը, նրա կարծիքով, հիբրիդային պատերազմի հերթական դրսևորումն է։
Մեկնաբանելով Ռուսաստանի դերը հակաահաբեկչական կոալիցիայի հնարավոր ձեւավորման լույսի ներքո՝ Նավասարդյանը չի բացառել նման նախագծին Մոսկվայի մասնակցության հնարավորությունը, միաժամանակ ընդգծելով, որ առաջիկայում դա չի սպասվում: Նրա գնահատականներով՝ Ռուսաստանի համար ահաբեկչության դեմ պայքարը կրում է հետևողական և շարունակական բնույթ։ Առաջին հերթին՝ ռուսական Կովկասում ահաբեկչության օջախների բուծման ուղղությամբ թուրքական հստակ, ընդգծված քաղաքականության ֆոնին։
Անկարայի նման քաղաքականությունն, ըստ նրա, այսօր ուղղված է ոչ միայն Հայաստանի կամ Ռուսաստանի դեմ։ Այն ուղղված է ողջ տարածաշրջանի դեմ՝ ընդդեմ քաղաքակիրթ աշխարհի։ Այս համատեքստում դիվանագետը համոզված է "ահաբեկչության դեմ պայքարի մասին" կոնվենցիան ստորագրած բոլոր երկրների հակաահաբեկչական կոալիցիային ակտիվ մասնակցության անհրաժեշտության մեջ:
"Մոսկվան այսօր լրջորեն անհանգստացած է իր սահմաններին ահաբեկիչների հայտնվելուց, արդեն անմիջականորեն Ռուսաստանի տարածքում դրանց հայտնաբերումից։ Այդ պատճառով էլ ռուսական հարվածները Սիրիայում ահաբեկչական կուտակումներին ամենևին էլ պատահական չեն։ Աշխարհն այսօր գործ ունի արյունռուշտ, նենգ թշնամու հետ, որին պետք է ճնշել համապատասխան կտրուկ միջոցներով", - ամփոփել է Նավասարդյանը։
Հոկտեմբերի 29-ին դանակով զինված թունիսցի ահաբեկիչը հարձակվել է Ֆրանսիայի Նիցցա քաղաքի Նոտր Դամ եկեղեցում մարդկանց վրա։ Զոհվել է երեք մարդ: Նոյեմբերի 2-ին Վիեննայում մի շարք հարձակումներ են տեղի ունեցել։ Զոհերի թիվը հասել է 4-ի, ավելի քան մեկ տասնյակ մարդ վիրավորում է ստացել։ Հարձակվողներից մեկը ՝ ոչնչացված հրաձիգը, "Իսլամական պետություն" ահաբեկչական խմբավորման կողմնակիցն էր։
Քաղաքական գործիչ․ Հայաստանում Մոլդովական սցենարի կիրառումը կհանգեցնի հեղափոխության
Կարծիք. Ամերիկյան օրակարգը Հարավային Կովկասում ունի երկու առաջնահերթություն՝ TRIPP նախագիծը և Իրանի վրա ճնշումը
Հայ քաղաքագետը նշել է ԱՄՆ պետքարտուղարի՝ վաղը Երեւան կատարելիք այցի երկու հավանական նպատակները
Քաղաքագետ. ներքին էսկալացիան շատ արագ կհանգեցնի արտաքին էսկալացիայի
Կարծիք․ Ինչպես Հայաստանի ներսում, այնպես էլ նրա սահմաններին իրավիճակը մեծապես կախված կլինի Իրանի շուրջ գործընթացների զարգացումից
Քոչարյան․ ԵՄ և ԵԱՏՄ միջև ընտրությունը՝ դա ընտրություն է անիրականանալի երազանքի և որոշակիության միջև
Հայաստանի իշխանությունը, որպես ռուսական ուղղության այլընտրանք, ուղղակի կամ անուղղակի ակնարկում է Թուրքիայի և Ադրբեջանի ուղղությունները․ պատգամավոր
Լուկաշենկո. "Մենք չենք ցանկանում, որ Հայաստանը դուրս գա ԵԱՏՄ-ից, բայց չենք կարող դեմ գնալ հայ ժողովրդի կամքին"
Պեսկովը հասկանալի և թափանցիկ է համարել Հայաստանի շարժումը դեպի ԵՄ
Արցախից և բանակից հետո Սյունիքը կդառնա իշխանությունների թիրախը. Ռոբերտ Քոչարյան
Միրզոյանը հավաստիացնում է․ գերիների և Բաքվում պահվող անձանց հարցը մշտապես Հայաստանի իշխանությունների քննարկումների մաս է
Վոլոդին․ Մենք չենք կարող այլևս լռության մատնել այն գործընթացները, որոնք տեղի են ունենում Հայաստանում
Բունդեսթագի պատգամավորները նախատեսում են այցելել Հայաստան
