Կոնստանտին Զատուլինը "ՌԻԱ  Նովոստիին" մեղադրել է կեղծ լուրեր տարածելու համար

Արմինֆո. ՌԴ Պետդումայի ԱՊՀ գործեր, եվրասիական ինտեգրման եւ հայրենակիցների հետ կապերի կոմիտեի նախագահի առաջին տեղակալ Կոնստանտին Զատուլինը ՌԻԱ Նովոստիին մեղադրել է կեղծ լուրեր տարածելու համար:

"Ինձ վրա քննադատության տարափ տեղաց այն բանից հետո, երբ ինչ-որ մեկը որոշեց վերաթողարկել իմ հարցազրույցը "նորությունների ազգային ծառայությանը", որտեղ ես ասում էի, որ հակամարտության մեջ Թուրքիայի լայն ներգրավվածության ֆոնին, որքան մեզ հայտնի է, նույնիսկ Ղարաբաղում ռազմական գործողությունների ղեկավարման մեջ, եւ, համենայնդեպս, օդային հարձակումների եւ դրոնների գործողությունների համակարգմամբ, Ադրբեջանին այն տեխնիկայի վաճառքով, որը առավել մեծ վնաս է հասցնում ինչպես ռազմական ուժին, այնպես էլ հոգեբանորեն, ես խոսել եմ այն մասին, որ հարկավոր է մեծացնել ռազմական ներկայությունը Հայաստանի Հանրապետությունում: Փոխանակ այդ հարցազրույցը բարեխղճորեն վերատպեին, եթե չեմ սխալվում, "ՌԻԱ Նովոստի" – ն է առաջինը ֆեյք թողարկել այն մասին, որ Պետդումայում դիտարկում են դեսանտային գործողությունը Ղարաբաղում։ Ոչ մի դեսանտային գործողություն Ղարաբաղում կամ Հայաստանում Պետդումայում, իհարկե, չեն դիտարկում։ Պետդուման այն վայրը չէ, որտեղ ռազմական գործողություններ են ծրագրվում", - ասել է Կոնստանտին Զատուլինը "Ինչ են ցույց տվել մարտական գործողությունները Լեռնային Ղարաբաղում" թեմայով եթերում։ Այդ մասին պատգամավորը հայտարարել է "Հայրենասեր" մեդիախմբի եթերում։

Ինչպես հաղորդյում է պատգամավորի պաշտոնական կայքը, ըստ նրա, Ռուսաստանը պետք է ցույց տա, որ մեր երկիրը ոչ միայն ասում է, որ կկատարի իր պարտավորությունները Հայաստանի հանդեպ, այլև հնարավորություն ունի դա իրականացնել: "Ռուսաստանի եւ Վրաստանի միջեւ բոլոր բարդ հարաբերությունների դեպքում՝         Աբխազիայի եւ Հարավային Օսիայի պատճառով, Սահակաշվիլիի պատճառով Վրաստանն այժմ այն վիճակում չէ, որ դիմադրի Ռուսաստանին, ԱՄՆ-ին, Ֆրանսիային, որոնք, նրա կարծիքով, հավանություն կտային նման գործողությանը: Չէ որ Վրաստանը բոլոր դեպքերում, երբ խնդիր է առաջանում Ռուսաստանի հետ, վերցնում է հեռախոսը և զանգահարում Վաշինգտոն, իսկ հիմա այդ զանգը արդյունք չի տա ՝ Վաշինգտոնը ճնշում չի գործադրի Վրաստանի վրա, որպեսզի նա արգելափակի ռուսական ինքնաթիռները, եթե նրանք ուղևորվում են Հայաստան։ Մենք ԱՄՆ-ի եւ Ֆրանսիայի հետ, դրանում է ներկայիս իրավիճակի յուրահատկությունը, հանդես ենք գալիս ղարաբաղյան հակամարտության վերաբերյալ շատ մոտ դիրքերից: Մենք պահանջում ենք հրադադարի հաստատում", - պարզաբանել է պատգամավորը։

Կոնստանտին Զատուլինն ընդգծում է, որ իր հայտարարությամբ բոլորովին չէր պատրաստվում Ռուսաստանին ներքաշել ռազմական գործողությունների մեջ։ " Իսկ արդյոք մենք պետք է ընդհանրապես Կովկասում ինչ-որ մեկի կամ ինչ-որ բանի համար պայքարենք ։ Մենք պետք է պայքարենք ամենուր, ոչ միայն Կովկասում, մեր ազգային շահերի համար ։ Մենք պարտավորություն ունենք Հայաստանի հանդեպ, և դա հաստատվել է ՌԴ նախագահի կողմից այս հակամարտության առաջին իսկ շաբաթվա ընթացքում ՝ մենք ռազմաքաղաքական դաշինքի մեջ ենք ։ Ոչ միայն մշակութային կապի մեջ, անցյալի հիշողություններում, կա Հավաքական անվտանգության պայմանագրի կետ, որն ասում է, որ ՀԱՊԿ մեկ անդամի վրա հարձակումը բոլորի վրա հարձակում է ։ Սա ՆԱՏՕ-ի վերաբերյալ Վաշինգտոնի պայմանագրի 5-րդ հոդվածի անալոգն է ։ Եվ եթե դա տեղի ունենա, մենք ստիպված կլինենք կատարել մեր պարտավորությունները", - հայտարարել է ՌԴ Պետդումայի ԱՊՀ գործերով, եվրասիական ինտեգրման եւ հայրենակիցների հետ կապերի կոմիտեի նախագահի առաջին տեղակալը:

Կոնստանտին Զատուլինը կարծում է, որ այն ախորժակներով, որոնք Թուրքիան ունի, ցանկացած կասկած, որ Ռուսաստանը կաջակցի Հայաստանին, անմիջապես կօգտագործվի Անկարայի կողմից նրա վրա հարձակվելու համար: "Ես դրանում բացարձակապես վստահ եմ ։ Եվ այն խոսակցությունները, թե մենք աջակցում ենք Սորոսի դրածոյին, մեզ անմիջապես հիշեցնում են այդ մասին ։ Բառացիորեն ելույթի երկրորդ օրը, երբ մենք սպասում էինք Ալիևի և Փաշինյանի խոսքերին, Ալիևը կենտրոնացավ դրա վրա, որ Հայաստանում Սորոսի դրածոն է, և ահա մենք, իբր, ասում ենք. սուրբ գործի համար: Այնպիսի տպավորություն է, որ Ալիևը Սորոսի դեմ է կռվում։ Իրականում նա օգտագործում է այն փաստը, որ թուլացել է վստահությունը Հայաստանի և Ռուսաստանի ղեկավարության միջև՝ թավշյա հեղափոխության արդյունքում, որը մեզ համար նույնքան անսպասելի էր, որքան Հայաստանում շատերի համար ։ Եվ դա օգտագործվեց այդ պահին հարվածելու համար։ Այն, ինչ վերաբերում է Փաշինյանի անցյալին, դա երկրորդական գործ է Կովկասում ստատուս քվոն թուրքական կողմը թեքելու այսօրվա փորձի ֆոնին։ Փաշինյանի հետ հայերն իրենք կպարզաբանեն, և, ըստ ամենայնի, գործը դրան է գնում", - պարզաբանել է փորձագետը։