Արմինֆո. Ակնհայտ է, որ կրկին չհաջողվեց հասնել հրադադարի ռեժիմի։ Այդ մասին ֆեյսբուքյան ուղիղ եթերում հայտարարել է ՀՀ վարչապետ Նիկոլ Փաշինյանը։
Ընդ որում, նա դժվարացել է ասել, թե ինչպիսին կլինի ԵԱՀԿ Մինսկի խմբի համանախագահ երկրների արձագանքն այդ փաստին։ "Սակայն, դուք պետք է իմանաք, որ հայկական կողմն ամեն ինչ արել է, որպեսզի հրադադարը հաստատվի։ Արցախի պաշտպանության բանակն առավոտից ցուցաբերել է զսպվածություն։ Բայց օրվա երկրորդ կեսին ակնհայտ դարձավ, որ չի հաջողվել պահպանել հրադադարը", - ասել է վարչապետը, արձանագրելով, որ սա թվով երրորդ պայմանավորվածությունն է, որն այս անգամ ձեռք է բերվել ԱՄՆ-ի աջակցությամբ, և որը ձախողվել է, ինչպես նախորդ երկուսը՝ Ռուսաստանի և Ֆրանսիայի նախաձեռնած։
Հայաստանի կառավարության ղեկավարը նշել է, որ դեռ չգիտի, թե ինչպիսին կլինի ամերիկյան կողմի արձագանքը կրակի դադարեցման նախաձեռնության տապալման կապակցությամբ: Փաշինյանը նաեւ հավելել է, որ գիշերը հեռախոսազրույց է ունեցել ԱՄՆ պետքարտուղար Մայք Պոմպեոյի հետ, ում ներկայացրել է իր տեսլականը, թե՝ արդյոք կհաջողվի հասնել հրադադարի, թե ոչ: "Ես Պոմպեոյին ասել եմ, որ, հաշվի առնելով նախորդ պայմանավորվածությունների ճակատագիրը, մեծ է հավանականությունը, որ այս անգամ ևս հրադադարի ռեժիմ չի հաստատվի, և ադրբեջանական կողմը դրանում կմեղադրի հայկական կողմին։ Այդ կապակցությամբ ես նրանից հետաքրքրվեցի, եթե հրադադարը, այնուամենայնիվ, խախտվի, նախ, ինչպես կպարզենք, թե ով է խախտման նախաձեռնողը, երկրորդ՝ ինչ հետևանքներ է սպասում նրան, ով խախտել է պայմանավորվածությունները", - ասել է Հայաստանի կառավարության ղեկավարը՝ միաժամանակ ոչ կոռեկտ համարելով հրապարակել իր հարցերին հնչեցրած պատասխանները։ Այդ կապակցությամբ նա հույս է հայտնել, որ այսօր իր այդ հարցերի հրապարակային պատասխանները կտրվեն ամերիկյան կողմից։
Միևնույն ժամանակ, նա կոչ է արել չկասկածել Ռուսաստանի, Ֆրանսիայի և ԱՄՆ-ի անկեղծությանը Լեռնային Ղարաբաղի հակամարտության գոտում հրադադարի հասնելու հարցում: Փաշինյանի խոսքով ՝ այս երեք երկրների նախագահներն իրենց անունները դնում են այդ ջանքերի տակ ՝ ստանձնելով պարտավորություններ։ Հայաստանի կառավարության ղեկավարի խոսքով, ԱՄՆ-ի համար դա այժմ ավելի սուր նշանակություն ունի նախընտրական քարոզարշավի պատճառով:
Այն հանգամանքը, որ Ֆրանսիայի, Ռուսաստանի եւ ԱՄՆ-ի առաջնորդներն այսօր չեն կարող հասնել հրադադարի, շարունակել է Փաշինյանը, մեզ ցույց է տալիս, որ մենք այսօր ապրում ենք բոլորովին նոր աշխարհում ։ Միևնույն ժամանակ, նա ևս մեկ անգամ հույս է հայտնել, որ երեք նախագահների ջանքերն, այնուամենայնիվ, իրենց պտուղները կտան։
Փաշինյանը նաև արձանագրել է, որ բանակցությունների ողջ ընթացքում հայկական կողմը ցուցաբերել է ճկունություն, որն Ադրբեջանում ըմբռնում չի գտել։ "Այժմ կարելի է վստահաբար ասել, որ Ադրբեջանը ցանկանում է ոչ թե ղարաբաղյան հակամարտության կարգավորում, այլ՝ Արցախի անվերապահ կապիտուլյացիա։ Այս իրավիճակում ինձ մոտ մի շարք հարցեր են ծագել։ Առաջին՝ արդյո՞ք հայ ժողովուրդը պատրաստ է փոխզիջումների։ Համոզված եմ, որ այո, հայ ժողովուրդը պատրաստ է դրան։ Երկրորդ՝ արդյո՞ք հայ ժողովուրդը պատրաստ է Արցախի կապիտուլյացիային։ Ես կարծում եմ, որ հայ ժողովուրդը ոչ մի պարագայում չի համաձայնի դրան։ Դրա համար էլ հայ ժողովուրդը պետք է ռեսուրսներ գտնի իրեն ու իր իրավունքներն ու շահերը պաշտպանելու համար", - ասել է վարչապետը։ Ընդ որում, նա կարծում է, որ հավասարակշռելով կարմիր գծին մոտ, Հայաստանը պետք է ռեսուրսներ գտնի իր շահերը պաշտպանելու համար ՝ դրանով իսկ Ադրբեջանին պարտադրելով փոխզիջումների։
Նրա խոսքով ՝ գոյություն ունի ղարաբաղյան հարցի լուծման մեկ ճանապարհ՝ հասարակական կոնսենսուս, նույնքան նվիրված լինել այդ պայքարին, որքան առաջնագծում կանգնած և առյուծի նման հայրենիքը պաշտպանող յուրաքանչյուր զինվոր:
Վարչապետը նաև կարծում է, որ նրանք, ովքեր դասալքել են, լքել են մարտի դաշտը, չեն ցանկացել գնալ առաջնագիծ, պետք է հանրային պարսավանքի արժանանան։
"Եթե մենք բոլորս միասին կանգնենք ի պաշտպանություն հայրենիքի՝ տղամարդիկ, կանայք՝ ուս ուսի, կկարողանանք Ադրբեջանին երկխոսություն պարտադրել՝ հաջողություն կլինի, չէ, ուրեմն՝ ոչ։ Ոչ ոք չի պայքարելու մեր փոխարեն։ Եւ փախչելու տեղ չի լինելու: Ոչ ոք չի գալու մեր փոխարեն այդ հարցը լուծելու ։ Մենք այժմ գտնվում ենք մեր շահերի կարմիր գծի մոտ", - ասել է Փաշինյանը, ընդսմին հավելելով, որ Հայաստանի ղեկավարությունը ձգտելու է առավելագույնս ճկուն լինել բանակցություններում, սակայն Հայաստանում չպետք է լինեն այնպիսիք, ովքեր կփորձեն խուսափել Հայրենիքի պաշտպանության սուրբ առաքելությունից։
Նրա խոսքով ՝ Արցախում հիմա պատերազմ է, և ողջ Հայաստանը պետք է ապրի այդ ռեժիմով, իսկ զինկոմիսարիատների առջև շուրջօրյա ռեժիմով պետք է լինեն կամավոր ռազմաճակատ մեկնող քաղաքացիների հերթեր:
"Որպեսզի որոշենք մեր ապագան, պետք է ճակատագիրը վերցնենք մեր ձեռքը: Այլ ելք չկա։ Օրինակ՝ Ադրբեջանն ուզում է Արցախի կապիտուլյացիա, Բայց Լեռնային Ղարաբաղն իր առջև խնդիր չի դրել՝ Բաքվի կապիտուլյացիան։ Ուստի, հայ ժողովուրդը պետք է գործի այնպես, որպեսզի Բաքուն չցանկանա Արցախի կապիտուլյացիա", - համոզված է Փաշինյանը։
Նա նաև հավաստիացրել է, որ շատ կցանկանար հասարակությանը պատմել, թե ինչ է կատարվում առաջնագծում, բայց չի կարող՝ երկրում ռազմական դրություն պատճառով: Վերջում նա երախտագիտություն է հայտնել Սփյուռքին ակտիվ գործունեության ու աջակցության համար՝ Արցախի նկատմամբ Ադրբեջանի սանձազերծած ագրեսիայի ֆոնին։
Հայ գեներալը բացառել է հայ-թուրքական սահմանին որևէ սադրանք, քանի դեռ այնտեղ ծածանվում է Ռուսաստանի դրոշը
ԵՄԱ ղեկավար. Եթե ԵՄ-ը մնա այն միավորումը, որպիսին հանդես է եկել վերջին տարիներին, ապա Հայաստանի անդամակցությունն այդ կառույցին, գործնականում, անհնար է
Քաղաքագետ. Հայաստանի իշխանությունների բոլոր գործողությունները խոսում են այն մասին, որ երկիրը ընթանում է իր պետականության լուծարման ճանապարհով
"Խաղաղության խաչմերուկը" Անկարայի և Բաքվի կողմից Երևանին պարտադրված պանթյուրքական նախագիծ է. Արթուր Խաչատրյան
"Ինչ լավ է, որ 50 մետր հեռավորության վրա Ադրբեջանն է". Փաշինյանը տավուշցիներին նշել է ադրբեջանցիների հետ առևտրի հեռանկարները
Ոսկեպարում սկսվել է հանրահավաք հանուն հայոց պետականության
Չկա վերադարձ պատմական Հայաստանի գաղափարին. կոչ է անում Փաշինյանը
Պետդեպարտամենտի նախկին պաշտոնյա. Վաշինգտոնին դա կարող է դուր չգալ, բայց Հայաստանի անվտանգության լավագույն երաշխավորները Ռուսաստանն ու Իրանն են
Տիգրան Ավինյանը՝ Երևանում ծառահատումների կասեցման մասին. Եթե կա այլ գիտական կարծիք, մենք պատրաստ ենք լսել, իսկ եթե ոչ ՝ պետք չէ քաղաքից ժամանակ խլել
Փաշինյանը Հիսուս Քրիստոսի ճանապարհը համեմատել է այն դժվարությունների հետ, որոնց բախվել է իր քաղաքական ուժը
Ռուս սենատոր. Հայաստանի իշխանությունների այսօրվա քաղաքականությունը կարող է հարված հասցնել տարածաշրջանային և համաշխարհային գործերում Երևանի հեռանկարներին
Այսօր Հայաստանում ուժերի գերլարում է պետք՝ բոլոր ունակ մարդկանց համատեղ աշխատանք. վերլուծաբան
Պետությունը շահագրգիռ է Հայաստանում բնակվող բոլոր ազգային համայնքների զարգացման հարցերում. Փաշինյան
ՌԴ ԱԳՆ. Մոսկվան Երեւանի հետ հարաբերություններում "ամրության ստուգում" է անցել
Փաշինյան. արտաքին ուժերը նույնպես դրդել են Ղարաբաղում էթնիկ զտում կազմակերպող հիմնական ուժին
Նախկին քաղաքապետ. Մեր քաղաքական ուժը գնալու է ինստիտուցիոնալ լուծումների ճանապարհով
Դաշնակիցներ, ուղեկիցներ և դաշինքների պատրանքներ. Մարկեդովնովը՝ Հայաստանի արտաքին քաղաքականության մասին՝ նոր իրողություններում
Քաղաքական գործիչ. ՌԴ-ի և ՀԱՊԿ-ի հետ դաշինքի խզումը և Երևանի կողմնորոշումը դեպի Արևմուտք կարող է կործանարար լինել Հայաստանի համար
